ខេត្តស្វាយរៀង ៖ រដ្ឋបាលខេត្តស្វាយរៀងបានប្រកាសនៅថ្ងៃទី២៥ ខែកញ្ញា ឆ្នាំ២០២១នេះថា រកឃើញអ្នកលក់អង្ករ២នាក់យាយ និងចៅ វិជ្ជមានកូវីដ១៩ បំប្លែងថ្មី Delta នៅផ្សារវាលយន្ត ស្ថិតនៅសង្កាត់ស្វាយរៀង ។
ក្រុមការងារស្រាវជ្រាវ និងស្វែងរកអ្នកប៉ះពាល់អ្នកជំងឺកូវីដ-១៩ ខេត្ត អំពាវនាវដល់បងប្អូនប្រជាពលរដ្ឋ អាជីវករ កម្មករ កម្មការិនីដែលធ្លាប់ទៅ ផ្សារវាលយន្ត ស្ថិតនៅសង្កាត់ស្វាយរៀង ក្រុងស្វាយរៀង ក្រោយពីរកឃើញអ្នកលក់អង្ករ ២នាក់យាយ និងចៅ រកឃើញមេរោគកូវីដ១៩បំប្លែងថ្មី Delta វិជ្ជមានដំបូង ទី១៨ ខែកញ្ញា ២០២១ ។
សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន និងស្ម័គ្រចិត្តទៅយកវត្ថុវិភាគសំណាកនៅតាមទីតាំងយកសំណាកនៅជិតផ្ទះ ។
ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគ កូវីដ១៩ ។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ២១ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ ៕
ចែករំលែកព័តមាននេះ