រាជធានីភ្នំពេញ ៖ ប្តីប្រពន្ធ២នាក់ បានស្លា.ប់ក្នុងថ្លុកឈាម បន្ទាប់ពីបុរសជាប្តី កើតមានចិត្តប្រចណ្ឌលើស្ត្រីជាប្រពន្ធក៏បានប្រើកូនកាំបិតចិតបន្លែចុងស្រួចចាក់សម្លា.ប់ប្រពន្ធ រួចចា.ក់សម្លា.ប់ខ្លួនឯងតាមក្រោយ បង្កអោយមានការភ្ញាក់ផ្អើលជាខ្លាំង កាលពីវេលាម៉ោង ២និង០០នាទីយប់រំលងអធ្រាត្រឈានចូលថ្ងៃទី២៥ ខែកញ្ញា ឆ្នាំ២០២១ នៅចំណុចភូមិត្នោតជ្រុំ៣ សង្កាត់បឹងទំពុនទី២ ខណ្ឌមានជ័យ រាជធានីភ្នំពេញ ។
ស្ត្រីជាប្រពន្ធមានឈ្មោះ អាង ស៊ីតូ អាយុ៥២ឆ្នាំ មុខរបរនៅផ្ទះ ។ ចំណែកបុរសជាប្តីមានឈ្មោះ ឡោ សុធាវី អាយុ៥៨ឆ្នាំ ។ ប្តីប្រពន្ធទាំង២នាក់ ស្នាក់នៅផ្ទះចំណុចកើតហេតុ ដោយមានកូនប្រុសស្រី០៣នាក់ និងប្អូនស្រីជីដូនមួយម្នាក់ រស់នៅជាមួយ ។
យោងតាមប្រភពព័ត៌មានពីកូនស្រីទី២ របស់ជនរងគ្រោះទាំង២នាក់ អោយដឹងថា ៖ នៅមុនកើតហេតុ ខ្លួនកំពុងតែគេង ស្រាប់តែលឺសំឡេងប្រទូសសារាយគ្នា នៅក្នុងបន្ទប់គេងរបស់ឪពុកម្តាយក៏ឡើងទៅមើល ស្រាប់តែឃើញស្ត្រីជាម្តាយដេកផ្កាប់មុខក្នុងថ្លុកឈាមនៅក្រៅបន្ទប់ រីឯជើងទាំងពីរ ជាប់ចំណងជាមួយនឹងខ្សែភ្លើង ។ ឃើញដូចនោះ ខ្លួនបានស្ទុះទៅឱបម្តាយ រួចបីត្រកងឲ្យផ្ងារមុខឡើង ស្រាប់តែដឹងថា ម្តាយផុតដង្ហើមបាត់ទៅហើយ ។
ភ្លាមៗនារីជាកូនដដែលបានរត់ចុះទៅបិទភ្លើងបារ៉ែតនៅក្រោមផ្ទះ លុះឡើងមកលើវិញក៏ចូលទៅក្នុងបន្ទប់ ស្រាប់តែឃើញបុរសជាឪពុកបានចាក់សម្លា.ប់ខ្លួនឯងនៅក្នុងបន្ទប់ ដោយប្រើកាំបិតចុងស្រួច ( ដងពណ៌លឿង )បណ្តាលអោយស្លា.ប់មួយរំពេច ។
ក្រោយកើតហេតុ កម្លាំងនគរបាលមូលដ្ឋាន រួមជាមួយជំនាញផ្នែកកោសល្យវិច្ច័យបានចុះអន្តរាគមន៍ ធ្វើការសាកសួរនាំព័ត៌មាន និងពិនិត្យវិច្ច័យលើសពប្តីប្រពន្ធទាំង២នាក់ នៅផ្ទះកើតហេតុ ។
ជុំវិញករណីនេះដែរ លោកវរសេនីយ៍ទោ កឹម កល្យាណ អធិការរងនគរបាលខណ្ឌមានជ័យទទួលផែនយុត្តិធម៌បានអោយដឹងថា ៖ បុរសជាប្តីខាងលើ គឺជាអតីតយុទ្ធជន ដោយបច្ចុប្បន្នគាត់ពិការជើងខាងស្តាំ ។ កន្លងទៅបុរសជាប្តី គឺតែងតែប្រចណ្ឌប្រពន្ធរហូត ដោយមិនដឹងមូលហេតុឡើយ ខណៈដែលស្ត្រីជាប្រពន្ធក៏ពុំមានសាហាយស្មន់ ឬមានការភិតក្បត់គ្រួសារឡើយ ។
លោកអធិការរងបន្ថែមថា ដោយសារភ្លើងប្រចណ្ឌ ពុំត្រូវរឿងបែបនេះហើយដែលតែងធ្វើអោយស្ត្រីជាប្រពន្ធចាកចេញពីផ្ទះជាញឹកញ៉យផងដែរ ហើយក៏តែងតែកើតជម្ងោះជាបន្តបន្ទាប់ រហូតដល់ថ្ងៃកើតហេតុក៏ឈានដល់ការចាក់សម្លា.ប់តែម្តងទៅ ។
លោកវរសេនីយ៍ត្រី ឃុន ឡេង នាយប៉ុស្តិ៍រដ្ឋបាលនគរបាលបឹងទំពុនទី២ បានប្រាប់អោយដឹងថា ស្ត្រីជាប្រពន្ធត្រូវស្លា.ប់ ដោយបុរសជាប្តីយកខ្សែភ្លើងចងជើង រួចធ្វើសកម្មភាពប្រើកូនកាំបិតចា.ក់ចំកណ្តាលបំពង់.ក ១កាំបិតបណ្តាលអោយស្លា.ប់ក្នុងថ្លុកឈាម ។
ក្រោយមក បុរសជាប្តីក៏បានប្រើកាំបិតដដែលចាក់បំពង់.ក ខ្លួនឯងបណ្តាលអោយស្លា.ប់ក្នុងបន្ទប់តាមក្រោយតែម្តងទៅ ។
យ៉ាងណាមិញ បន្ទាប់ពីការធ្វើកោសល្យវិច្ច័យពិនិត្យរួចរាល់ សពត្រូវបានសមត្ថកិច្ចប្រគល់ជូនក្រុមគ្រួសារសាច់ញាតិ ដើម្បីយកទៅធ្វើបុណ្យតាមប្រពៃណីផងដែរ ៕
ចែករំលែកព័តមាននេះ