នារីខ្មែរម្នាក់ដែលប្ដីចិនវាយធ្វើបាប នៅប្រទេសចិន ត្រូវសមត្ថកិច្ចជួយសង្គ្រោះបានហើយ
រាជធានីភ្នំពេញ ៖ នៅលើបណ្ដាញសង្គម tik tok និង Wechat របស់ចិន មានស្ដ្រីម្នាក់សន្ទនាគ្នាជាមួយជនរងគ្រោះ ដែលបានអះអាងថា…
រាជធានីភ្នំពេញ ៖ នៅលើបណ្ដាញសង្គម tik tok និង Wechat របស់ចិន មានស្ដ្រីម្នាក់សន្ទនាគ្នាជាមួយជនរងគ្រោះ ដែលបានអះអាងថា…
រាជធានីភ្នំពេញ ៖ នៅលើបណ្ដាញសង្គម tik tok និង Wechat របស់ចិន មានស្ដ្រីម្នាក់សន្ទនាគ្នាជាមួយជនរងគ្រោះ ដែលបានអះអាងថា ជាជនជាតិខ្មែរមានឈ្មោះ ភ័ក្រ មានស្រុកកំណើតនៅស្រុកសំរោងទង ខេត្ដកំពង់ស្ពឺ បច្ចុប្បន្ន ត្រូវបានប្ដីជនជាតិចិន និងឪពុកម្ដាយក្មេក ធ្វើបាបរហូតមានរូបរាងស្គមស្គាំង ភ្លេចភ្លាំងស្មារតី និងធ្លាក់ខ្លួនស្គមរីងរៃ ដង្ហោយរកការជួយអន្ដរាគមន៍ នៅពេលនេះ អាជ្ញាធរមានសមត្ថកិច្ចជួយសង្គ្រោះបានហើយ ។
កាលពីថ្ងៃទី១៨ ខែកញ្ញា ឆ្នាំ២០២១ ក្រុមការងារប្រតិកម្មរហ័ស នៃនាយកដ្ឋានប្រឆាំងការជួញដូរមនុស្ស និងការពារអនីតិជន បានពិនិត្យឃើញ នៅលើបណ្ដាញសង្គម (tik tok) និងហ្វេសប៊ុក បានបន្តចែករំលែកពាក់ព័ន្ធនឹងស្ត្រីជនជាតិខ្មែរមួយរូបដែលបានធ្វើអត្ថាធិប្បាយ និងអំពាវនាវសុំឲ្យអាជ្ញាធរមានសមត្ថកិច្ចជួយអន្តរាគមន៍ សង្គ្រោះនាងចេញពីគ្រួសារដែលមានប្ដីជាជនជាតិចិន ដែលតែងតែប្រព្រឹត្តអំពើហិង្សាវាយដំយ៉ាងធ្ងន់ធ្ងរ និងបិទសិទ្ធិសេរីភាព ក្នុងការទំនាក់ទំនងជាមួយគ្រួសារនៅកម្ពុជា និងសំណូមពរដល់សម្ដេចតេជោ ហ៊ុន សែន និងស្ថានទូតកម្ពុជា ប្រចាំប្រទេសចិន ឲ្យជួយសង្គ្រោះរូបនាងបានវិលត្រឡប់មកកម្ពុជាវិញផង ។
បន្ទាប់ពីទទួលបានព័ត៌មាននេះ ឧត្តមសេនីយ៍ឯក ជីវ ផល្លី ប្រធាននាយកដ្ឋានប្រឆាំងការជួញដូរមនុស្ស និងការពារអនីតិជន បានចាត់វិធានការអនុវត្តជំនាញ ស្រាវជ្រាវរកក្រុមគ្រួសារស្ត្រីរងគ្រោះរូបនេះ ដើម្បីទទួលបានព័ត៌មានលម្អិតជាមូលដ្ឋានសម្រាប់កិច្ចអន្តរាគមន៍ ជាលទ្ធផលបានរកឃើញឪពុក-ម្ដាយរបស់ជនរងគ្រោះ និងបានរកឃើញ សាវតារជាតិជនរងគ្រោះ ឈ្មោះ អាត់ សុភ័ក្រ ភេទស្រី អាយុ២៧ឆ្នាំ ជនជាតិខ្មែរ ស្នាក់នៅភូមិដូនអាត់ ឃុំស្គុះ ស្រុកសំរោងទង ខេត្តកំពង់ស្ពឺ និងបានបញ្ជូនព័ត៌មានជនរងគ្រោះ ទៅក្រសួងការបរទេស និងសហប្រតិបត្តិការអន្តរជាតិ និងមេគង្គឡានឆាង ដើម្បីជួយអន្តរាគមន៍សង្គ្រោះ ។
រហូតដល់ថ្ងៃទី២០ ខែកញ្ញា ឆ្នាំ២០២១ មន្ត្រីជំនាញ នៃនាយកដ្ឋានបានធ្វើការស្រាវជ្រាវរកឃើញ អាសយដ្ឋានស្នាក់នៅរបស់នារីរងគ្រោះ នៅភូមិហ៊ូធៀន ស្រុកណានឆាង ក្រងណានឆាង ខេត្តជាំងស៊ី ប្រទេសចិន ។
ពាក់ព័ន្ធជាមួយកិច្ចអន្តរាគមន៍នេះ ស្ថានទូតកម្ពុជាប្រចាំប្រទេសចិន សហការជាមួយអាជ្ញាធរប្រទេសចិន បានជួយសង្គ្រោះនារីរងគ្រោះដោយជោគជ័យ ។
បច្ចុប្បន្ន ជនរងគ្រោះមានសុវត្ថិភាព កំពុងស្ថិតនៅជាមួយនឹងនគរបាលចិន ដើម្បីអនុវត្តនីតិវិធី ត្រៀមបញ្ជូនត្រឡប់មកកម្ពុជាវិញនាពេលខាងមុខ ។
ឧត្តមសេនីយ៍ឯក ជីវ ផល្លី បានបញ្ជាក់ថា ជាទិសដៅ នាយកដ្ឋាននឹងកំពុងបន្តសហការជាមួយក្រសួងការបរទេស និងសហប្រតិបត្តិការអន្តរជាតិ ដើម្បីសម្របសម្រួលឱ្យជនរងគ្រោះវិលត្រឡប់មកកម្ពុជាវិញ នៅពេលមកដល់កម្ពុជា ត្រូវអនុវត្តវិធានការរបស់ក្រសួងសុខាភិបាល ធ្វើចត្តាឡីស័ក បម្ទាប់ពីការអនុវត្តវិធានរួច ជំនាញនៃនាយកដ្ឋាននឹងសម្ភាសន៍ ជនរងគ្រោះ ដើម្បីកំណត់អត្តសញ្ញាណមេខ្យល់ និងចាត់ការតាមនីតិវិធី ។
តាមដំណើរ នៃរឿងហេតុ ៖ នាងរីឈ្មោះ អាត់ សុភ័ក្រ អំឡុងខែឧសភា ឆ្នាំ២០១៨ បានចាកចេញពីផ្ទះ ទៅរកការងារធ្វើនៅតាមខេត្ដ រួចក៏បាត់ដំណឹងឈឹង រហូតមកដល់បច្ចុប្បន្ន ។
ក្រោយពីទទួលបានព័ត៌មានពីបណ្តាញសង្គមតិចតុក(TikTok)បង្ហោះឲ្យជួយជនរងគ្រោះត្រឡប់មកកម្ពុជាវិញដែលត្រូវបានប្តីជនជាតិចិនវាយធ្វើបាបខ្លាំង នាយកដ្ឋានប្រឆាំងការជួញដូរមនុស្សនិងការពារអនីតិជនបានសហការដូចតទៅ ៖
-នៅថ្ងៃទី ១៩/០៩/២០២១ នាយកដ្ឋានប្រឆាំងការជួញដូរមនុស្សនិងការពារអនីតិជនបានសហការជាមួយស្នងការដ្ឋាននគរបាលខេត្តកំពង់ស្ពឺ ស្រាវជ្រាវរកក្រុមគ្រួសារជនរងគ្រោះឈ្មោះ អាត់ សុភ័ក្រ ភេទស្រី អាយុ២៥ឆ្នាំ ជនជាតិខ្មែរ ជាលទ្ធផលសមត្ថកិច្ចរកឃើញឪពុកម្តាយជនរងគ្រោះស្នាក់នៅភូមិដូនអាត់ ឃុំស្គុះ ស្រុកសំរោងទង ខេត្តកំពង់ស្ពឺ។
-នៅថ្ងៃទី ២០/០៩/២០២១ មន្ត្រីជំនាញនៃនាយកដ្ឋានប្រឆាំងការជួញដូរមនុស្សនិងការពារអនីតិជន បានខិតខំស្រាវជ្រាវរកឃើញម្ចាស់គណនីតិចតុក(TikTok) និងព្យាយាមទំនាក់ទំនងម្ចាស់គណនីបណ្តាញសង្គម WeChat ដោយបានរកឃើញទីតាំងស្នាក់នៅរបស់ជនរងគ្រោះ នៅភូមិហ៊ូធៀន ស្រុកណានឆាង ក្រុងណានឆាង ខេត្តជាំងស៊ី ប្រទេសចិន។
-នៅថ្ងៃទី ២១/០៩/២០២១ នាយកដ្ឋានប្រឆាំងការជួញដូរមនុស្សនិងការពារអនីតិជនបានបញ្ជូនព័ត៌មាន អត្តសញ្ញាណជនរងគ្រោះ ទីតាំងស្នាក់នៅតាម Google maps ទៅក្រសួងការបរទេសនិងសហប្រតិបត្តិការអន្តរជាតិ និងមេគង្គឡាងឆាន ដើម្បីបន្តធ្វើកិច្ចសហការជាមួយសមត្ថកិច្ចប្រទេសចិនជួយអន្តរាគមន៍សង្គ្រោះជនរងគ្រោះទាន់ពេលវេលា។
-បច្ចុប្បន្នជនរងគ្រោះឈ្មោះ អាត់ សុភ័ក្រ ភេទស្រី អាយុ២៥ឆ្នាំ ជនជាតិខ្មែរ មានសុវត្ថិភាពល្អ និងកំពុងស្នាក់នៅជាមួយសមត្ថកិច្ចប្រទេសចិន រង់ចាំបំពេញបែបបទនិងអនុវត្តនីតិវិធីត្រៀមបញ្ជូនត្រឡប់មកកម្ពុជាវិញនាពេលខាងមុខ៕
ចែករំលែកព័តមាននេះ