មនុស្សយើងមានភ័ព្វសំណាងមិនដូចគ្នាទេ អ្នកខ្លះមានភ័ព្វវាសនាល្អ ខ្លះក៏មានភ័ព្វមិនល្អ បើតាមក្បួនហុងស៊ុយបានចារមកថា ដំណើរជីវិតមានភ័ព្វក្តី ឥតភ័ព្វក្តីវាអាស្រ័យលើលេខខាងចុងនៃថ្ងៃកំណើតរបស់មនុស្សម្នាក់ ។ តើអ្នកកើតនៅថ្ងៃទីប៉ុន្មាន ? ឧទាហរណ៍ៈ…
មនុស្សយើងមានភ័ព្វសំណាងមិនដូចគ្នាទេ អ្នកខ្លះមានភ័ព្វវាសនាល្អ ខ្លះក៏មានភ័ព្វមិនល្អ បើតាមក្បួនហុងស៊ុយបានចារមកថា ដំណើរជីវិតមានភ័ព្វក្តី ឥតភ័ព្វក្តីវាអាស្រ័យលើលេខខាងចុងនៃថ្ងៃកំណើតរបស់មនុស្សម្នាក់ ។ តើអ្នកកើតនៅថ្ងៃទីប៉ុន្មាន ? ឧទាហរណ៍ៈ អ្នកកើតនៅថ្ងៃទី២៥ ដូច្នេះកន្ទុយលេខគឺលេខ៥ ជាលេខដែលអ្នកត្រូវផ្ទៀងផ្ទាត់ជោគសំណាងតាមរយៈខ្លឹមសារខាងក្រោមនេះ ៖
បុគ្គលដែលមានលេខថ្ងៃកំណើតខាងចុងលេខ០ គឺជាមនុស្សច្រើនមានសេចក្តីក្លាហាន មិនខ្លាចបរាជ័យ មិនបោះបង់ក្តីស្រមៃធំ បើទោះជួបរឿងលំបាកច្រើនក៏ដោយ ។ មិនថាលំបាកប៉ុណ្ណា ពួកគេតែងតែព្យាយាមរហូតដល់ទទួលបានជោគជ័យ មិនយូរមិនឆាប់នឹងអាចក្លាយជាសេដ្ឋីបាន ។
មនុស្សដែលមានលេខថ្ងៃកំណើតខាងចុងលេខ១ គឺជាមនុស្សមានទេពកោសល្យអស្ចារ្យជាងមនុស្សឯទៀត ហើយពូកែខាងជំរុញនិងលើកទឹកចិត្តខ្លួនឯង ជួយឲ្យខ្លួនឯងទទួលបានលាភជ័យ និងសំណាងដោយមិនដឹងខ្លួន ដូច្នេះឱកាសក្លាយជាអ្នកមានគឺនៅជិតបង្កើយ ។
បុគ្គលដែលមានលេខថ្ងៃកំណើតខាងចុងលេខ២ គឺជាលេខដែលរាងពិបាកជាងគេដែរ ។ មនុស្សនេះខ្ជិលធ្វើការ តែស្រមៃខ្ពស់ ឃើញគេមានបាន គិតចង់មានចង់បានដូចគេ ដោយប្រើផ្លូវកាត់ នាំឲ្យការសម្រេចជោគជ័យពិត គឺទាមទារពេលវេលាយូរ និងការខាតបង់ច្រើនលើកច្រើនសា ។
មនុស្សដែលមានលេខថ្ងៃកំណើតខាងចុងលេខ៣ ជាបុគ្គលមានភាពឈ្លាសវៃ សប្បុរស និងពោរពេញដោយពរជ័យ ។ ពួកគេតែងតែជោគជ័យក្នុងជីវិត និងអាជីព ហើយបើធ្វើអាជីវកម្មមុនអាយុ៤០នោះអ្នកនឹងអាចប្រមូលផលបានក្រាស់ក្រែល ក្លាយជាសេដ្ឋីលុយ ដោយលែងខ្វល់រឿងលុយអស់មួយជីវិត ។
បុគ្គលដែលមានលេខថ្ងៃកំណើតខាងចុងលេខ៤ ជាលេខនាំជីវិតអ្នកទៅរកសភាពធម្មតា មានបញ្ហាតិច ហើយរលូនច្រើន ។ ក៏អរគុណនូវភាពស្មោះត្រង់ ដែលជាហេតុផលមួយនាំឲ្យពួកគេអាចទទួលបានជោគជ័យ ដោយសារការទុកចិត្តពីថ្នាក់លើ ពីអ្នកមានឋានៈខ្ពស់ជាងខ្លួន គេជួយស្រោចស្រង់ឲ្យមានបាន ។
មនុស្សដែលមានលេខថ្ងៃកំណើតខាងចុងលេខ៥ ទោះកើតមកក្នុងត្រកូលអ្នកក្រ តែដោយសារឆន្ទៈមោះមុត មានអាកប្បកិរិយាល្អ និងមានការប្រុងប្រយ័ត្នខ្ពស់ ជាហេតុនាំឲ្យអ្នកកើតនៅថ្ងៃកំណើតមានកន្ទុយលេខ ៥ រមែងនឹងអាចផ្លាស់ប្តូរជីវិតរបស់ពួកគេបានទៅថ្ងៃមុខ ជារួមកាន់តែអាយុច្រើន នឹងកាន់តែមានបាន សម្បូរសប្បាយ ។
បុគ្គលដែលមានលេខថ្ងៃកំណើតខាងចុងលេខ៦ ជាមនុស្សដែលចេះបត់បែន មិនប្រកាន់តូចធំ ចេះជួយមនុស្សជុំវិញខ្លួន ដោយមិនចង់បានអ្វីត្រលប់មកវិញ ។ ពួកគេរស់នៅកាន់តែយូរ កាន់តែប្រមូលទ្រព្យបានច្រើន ហើយពួកគេមានសំណាងណាស់ ចាស់ទៅនឹងអាចក្លាយជាអ្នកមាន ។
មនុស្សដែលមានលេខថ្ងៃកំណើតខាងចុងលេខ៧ គឺជាមនុស្សឆ្លាតវៃពីធម្មជាតិ ចេះដឹងពីវិធីទាញប្រយោជន៍ពីភាពខ្លាំងរបស់ខ្លួន អាចអភិវឌ្ឍឲ្យគេទទួលបានជោគជ័យជាបន្តបន្ទាប់បាន ។ ជាពិសេសមនុស្សនេះ អាចដឹងពីវិធីលើកទឹកចិត្តខ្លួនឯង ដូច្នេះទោះដួលក៏មិនងាយបាក់ទឹកចិត្តដែរ ។
បុគ្គលដែលមានលេខថ្ងៃកំណើតខាងចុងលេខ៨ មនុស្សទាំងនេះច្រើនមានសមត្ថភាព ភាពជាអ្នកដឹកនាំពីកំណើត ពួកគេមានចក្ខុវិស័យច្បាស់លាស់ខ្លាំងណាស់ ហើយច្រើនតែដើរជាមួយអ្នកមាន មិនថាក្នុងអាជីពការងារ ឬការរកស៊ីបែបណាក្តី ។
មនុស្សដែលមានលេខថ្ងៃកំណើតខាងចុងលេខ៩ គឺជាមនុស្សមានគុណវិបត្តិត្រង់ឆាប់ខឹង មិនចេះអត់ធ្មត់ ជាហេតុនាំឲ្យពួកគេងាយក្នុងការសម្រេចចិត្តខុស។ នេះក៏ជាមូលហេតុដែលទោះបីប្រឹងយ៉ាងណា ក៏ពួកគេពិបាកនឹងសម្រេចជោគជ័យដូចការរំពឹងទុកដែរ ។ តែចាប់ពីអាយុ៤០ឡើងទៅទើបពួកគេដឹងពីវិធីធ្វើឲ្យខ្លួនក្លាយជាអ្នកមានទ្រព្យសម្បត្តិ ៕ សាន សារិន
ចែករំលែកព័តមាននេះ