ស្ទាក់ផ្លូវវា.យបុរសម្នាក់ រួចដណ្តើមកូនតូចយកទៅបាត់ ផ្អើ.លសង្កាត់ផ្សារដើមគ
- ភ្នំពេញ
រាជធានីភ្នំពេញ ៖ បុរសម្នាក់ត្រូវបានស្ត្រីជាអតីតប្រពន្ធ នាំបងប្អូនមកស្ទាក់ផ្លូវវា.យ បណ្តាលឱ្យរងរបួស រួចដណ្តើមកូនប្រុសអាយុ
រាជធានីភ្នំពេញ ៖ បុរសម្នាក់ត្រូវបានស្ត្រីជាអតីតប្រពន្ធ នាំបងប្អូនមកស្ទាក់ផ្លូវវា.យ បណ្តាលឱ្យរងរបួស រួចដណ្តើមកូនប្រុសអាយុ៨ឆ្នាំម្នាក់យកទៅបាត់ ខណៈពេលបុរសរូបនោះបើករថយន្តមួយគ្រឿងនាំកូនមកដឹកទំនិញនៅផ្សារដើមគរ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១រសៀលថ្ងៃទី២២ ខែកញ្ញា ឆ្នាំ ២០២១ នៅតាមបណ្តោយផ្លូវព្រះមុនីរ៉េត កែងផ្លូវ២២៣ ស្ថិតក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ។
បុរសរងគ្រោះមួយរូបខាងលើនោះ ពុំបានប្រាប់អោយដឹងពីអត្តសញ្ញាណឡើយ បើករថយន្តមួយគ្រឿង ម៉ាកហ៊ីយ៉ាន់ដាយ ពណ៌ស ពាកស្លាកលេខ ភ្នំពេញ ២AG-៨៩៣២ ។ ចំណែកក្រុមជនដៃដល់ពុំស្គាល់អត្តសញ្ញាណឡើយ ប៉ុន្តែបុរសរងគ្រោះអះអាងថា ជាអតីតប្រពន្ធ និងបងប្អូនប្រុសស្រី២នាក់ទៀត ។ បន្ទាប់ពីរងរបួស បុរសរងគ្រោះរូបនោះក៍បានទៅដាក់ពាក្យបណ្តឹងនៅស្នាក់ប៉ុស្តិ៍ផងដែរ។
តាមប្រភពព័ត៌មានបានអោយដឹងថា នៅមុនពេលកើតហេតុ ខណៈពេលជនរងគ្រោះកំពុងតែបើកបររថយន្តមួយគ្រឿងមកដឹកទំនិញនៅផ្សារដើមគ ដោយមានកូនប្រុសម្នាក់អាយុ៨ឆ្នាំ (ជាកូនប្រពន្ធមុន) និងកូនស្រីម្នាក់ទៀត (ជាកូនប្រពន្ធក្រោយ) ស្រាប់តែមានស្ត្រី២នាក់ ដែលម្នាក់គេស្គាល់ថា ជាអតីតប្រពន្ធ និងប្អូនស្រី និងបុរសម្នាក់អតីតប្អូនថ្លៃ បានជិះម៉ូតូមកស្ទាក់ផ្លូវ រួចនាំគ្នាចាប់ទាញបុរសរងគ្រោះចេញពីក្នុងរថយន្តវា.យតែម្តង ។
នៅក្នុងហេតុការណ៍ខាងលើនេះដែរ គេឃើញក្រុមបងប្អូនជនដៃដល់ដែលជាអតីតប្រពន្ធប្រដាប់ទៅដោយដំប.ង និងនាំគ្នាចាប់វា.យជនរងគ្រោះយកតែឈ្នះដៃ ដោយពុំមាននណាម្នាក់ហ៊ានចូលជួយឡើយ ។ ភ្លាមៗនោះ ស្ត្រីដែលជាអតីតប្រពន្ធក៏បានហៅកូនប្រុសតូចអោយចេញពីក្នុងកាប៊ីនរថយន្ត រួចនាំយកទៅបាត់តែម្តង ។ ក្នុងហេតុការណ៍នេះដែរ បណ្តាលអោយបុរសរូបនោះបែកថ្ងាស និងជាំគុម្ពត្រចៀក ។
តាមប្រភពព័ត៌មានបានអោយដឹងថា បុរសរងគ្រោះនឹងស្ត្រីដែលជាអតីតប្រពន្ធមុន បានរួមរស់នៅជាមួយគ្នា និងមានកូនចំនួន២នាក់ ហើយបានលែងលះគ្នាអស់រយៈពេល៨ឆ្នាំមកហើយ ដោយចែកកូនគ្នាមួយម្នាក់ ដោយកូនប្អូននៅជាមួយប្តី ។ បន្ទាប់ពីលែងលះគ្នា បុរសរងគ្រោះក៍បានយកប្រពន្ធមួយទៀត និងមានកូនស្រីតូចម្នាក់ ។ នៅមុនពេលកើតហេតុ ក៍បានបើករថយន្តមកដឹកទំនិញ ដោយនាំកូន២នាក់មកជាមួយ ហើយក៏ត្រូវប្រពន្ធមុន នាំប្អូនមកតាមវា.យ រួចដណ្តើមយកកូនទៅបាត់តែម្តង ៕
ចែករំលែកព័តមាននេះ