វិបត្តិនាវាមុជទឹកសហភាពអឹរ៉ុបសម្ដែងសាមគ្គីភាពជាមួយបារាំង
ដូចដែលលោកបានធ្វើចាប់តាំងពីច្រើនថ្ងៃមកហើយ តែលើកនេះនៅក្នុងដែនដីអាមេរិកតែម្ដង ដែលរដ្ឋមន្ត្រីការបរទេសបារាំង លោកJEAN YVES LE DRIANបន្តបរិហារកាលពី
ដូចដែលលោកបានធ្វើចាប់តាំងពីច្រើនថ្ងៃមកហើយ តែលើកនេះនៅក្នុងដែនដីអាមេរិកតែម្ដង ដែលរដ្ឋមន្ត្រីការបរទេសបារាំង លោកJEAN YVES LE DRIANបន្តបរិហារកាលពី
ប្រទេសបារាំង ៖ ដូចដែលលោកបានធ្វើចាប់តាំងពីច្រើនថ្ងៃមកហើយ តែលើកនេះនៅក្នុងដែនដីអាមេរិកតែម្ដង ដែលរដ្ឋមន្ត្រីការបរទេសបារាំង លោកJEAN YVES LE DRIANបន្តបរិហារកាលពីថ្ងៃទី២០កញ្ញា ការផ្ដាច់់កុងត្រាទិញនាវាមុជទឹកពីបារាំង ដោយអូស្រាលីដោយងាកទៅរកទិញនាវាមុជទឹកនុយក្លេអ៊ែរអាមេរិកនិងអង់គ្លេសវិញ។ លោកបរិហារនៅខាងក្រៅមហាសន្និបាតអ.ស.បថា នោះជាសេចក្ដីសម្រេចទាំងកម្រោល គ្មានការស្រុះស្រួលគ្នា និងជាការកាត់ផ្ដាច់ទំនុកចិត្តគ្នារវាងសម្ព័ន្ធមិត្ត។
នាថ្ងៃនោះដែរបារាំងបានទទួលការគាំទ្រពីបណ្ដាមេដឹកនាំសហភាពអឹរ៉ុប។ ពីក្រុងញូវយ៉កតំណាងជាន់ខ្ពស់១រូបរបស់សហភាពអឹរ៉ុប ទទួលបន្ទុកនយោបាយការបរទេសនិងសន្តិសុខ លោកJOSEP BORRELថ្លែងថា រដ្ឋមន្ត្រីការបរទេសនៃប្រទេសទាំង២៧ ជាសមាជិកសហភាពអឹរ៉ុប សម្ដែងយ៉ាងច្បាស់ពីសាមគ្គីភាពចំពោះបារាំង ហើយឆ្លៀតក្នុងពេលនេះ អំពាវនាវឲ្យមានកិច្ចសហប្រតិបត្តិការដ៏ធំបំផុតមួយ ជាមួយសហភាពអឺរ៉ុបក្នុងតំបន់ឥណ្ឌូ-ប៉ាស៊ីហ្វិក។
ថ្លែងតាមទូរទស្សន៍អាមេរិកមួយ លោក ស្រី URSULA VON DER LEYEN ប្រធានគណៈកម្មាធិការអឹរ៉ុបក៏អះអាងដែរថានោះជាការសម្រេច ដែលមិនអាចទទួលយកបាន។ ចំណែកប្រធានក្រុមប្រឹក្សាអឹរ៉ុបលោកCHARLES MICHELក៏បរិហារដែរថា នោះជាការខ្វះភាពស្មោះត្រង់មួយ របស់សហរដ្ឋអាមេរិក ហើយលោកស្នើឲ្យពង្រឹងសមត្ថភាពសកម្មភាពរបស់សហភាពអឹរ៉ុប នៅលើឆាកអន្តរជាតិ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ