ខេត្តបាត់ដំបង ៖ សេចក្តីរាយការណ៍ឱ្យដឹងថា អ្នកភូមិបាននាំគ្នាឃាត់ព្រះសង្ឃ២អង្គ ដែលកំពុងដើររៃអង្គាសប្រាក់នៅផ្សារខ្នាចរមាស ស្ថិតក្នុងឃុំខ្នាចរមាស ស្រុកបវេល កាលពីវេលាម៉ោង០៩ព្រឹកថ្ងៃទី១៩ កុម្ភៈ បន្ទាប់ពីមានការសង្ស័យថា លោកសង្ឃទាំង២
ខេត្តបាត់ដំបង ៖ សេចក្តីរាយការណ៍ឱ្យដឹងថា អ្នកភូមិបាននាំគ្នាឃាត់ព្រះសង្ឃ២អង្គ ដែលកំពុងដើររៃអង្គាសប្រាក់នៅផ្សារខ្នាចរមាស ស្ថិតក្នុងឃុំខ្នាចរមាស ស្រុកបវេល កាលពីវេលាម៉ោង០៩ព្រឹកថ្ងៃទី១៩ កុម្ភៈ បន្ទាប់ពីមានការសង្ស័យថា លោកសង្ឃទាំង២អង្គនេះ ជាសង្ឃក្លែងក្លាយ ប៉ុន្តែបន្តិចក្រោយមក ស្រាប់តែលោកសង្ឃម្នាក់បានលួចរត់បាត់ នៅពេលសមត្ថកិច្ចមិនព្រមចាត់ការតាមការស្នើសុំពីប្រជាពលរដ្ឋ។
ព្រះសង្ឃដែលគេសង្ស័យថា ជាសង្ឃក្លែងក្លាយនោះឈ្មោះជា វណ្ណៈ អាយុ២២ឆ្នាំ បានរត់រួច និងម្នាក់ទៀតឈ្មោះដឹប ឧត្តម អាយុ១៩ឆ្នាំ ។ នៅពេលឃាត់ខ្លួនសង្ឃទាំង២អង្គបានប្រាប់ថា ខ្លួនគង់នៅវត្តសិរីសួស្ដី នៅស្រុកបរិបុណ៍ ខេត្តកំពង់ឆ្នាំង ហើយដើររៃអង្គាសប្រាក់នេះ គឺយកទៅធ្វើបុណ្យឆ្លងប្រាសាទមុខបួន នៅក្នុងវត្កខាងលើនេះ ។ ប៉ុន្តែមិនមានលិខិតស្នាម ឬឆាយាសម្គាល់ខ្លួនថា ជាសង្ឃពិតប្រាកដនោះទេ ។
ប្រភពបញ្ជាក់ថា ក្រោយពីឃាត់ខ្លួនភ្លាមៗ គេបានរាយការណ៍ទៅសមត្ថកិច្ចប៉ុស្ដិ៍ខ្នាចរមាសឱ្យជួយអន្តរាគមន៍ តែបែរជាខាងសមត្ថកិច្ចឆ្លើយតបវិញថា ពួកគេមិនមានសិទ្ធិចាត់ការលើសង្ឃក្លែងក្លាយទេ ហើយបានប្រាប់ពលរដ្ឋឱ្យទាក់ទងទៅខាងមន្ទីរធម្មការ និងសាសនាចាត់ការវិញ ។
ប្រជាពលរដ្ឋបន្ថែមថា ពួកគេបានឃាត់ខ្លួនសង្ឃទាំង២នាក់នោះ ដើម្បីរង់ចាំអន្តរាគមន៍ពីសមត្ថកិច្ច តែមិនសមត្ថកិច្ចអើពើ ស្រាប់តែសង្ឃម្នាក់ឈ្មោះជា វណ្ណះ បានលួចរត់បាត់ សល់តែម្នាក់ ។ ប្រជាពលរដ្ឋនិយាយទៀតថា ក្រោយពីដឹងថា ជនទាំង២នាក់ទំនងជាសង្ឃក្លែងក្លាយ អ្នកលក់ដូរក្នុងផ្សារខ្នាចរមាស មានការភ័យស្លន់ស្លោរតែម្ដង ដោយសារតែនៅផ្សារខ្នាចរមាសធ្លាប់មានរឿងចោរលួច ចោរប្លន់ កាលពីពេលកន្លងទៅថ្មីៗនេះ ទើបពួកគេភ័យខ្លាចសង្ឃទាំង២នាក់នោះ ក្រែងជាមនុស្សមានសមាសភាពមិន
ល្អ ។
ពួកគេបានរាយការណ៍ប្រាប់សមត្ថកិច្ច បែរជាសមត្ថកិច្ចមិនអើពើទៅវិញ ។ ពេលនេះ ប្រជាពលរដ្ឋបានប្រគល់សង្ឃមួយអង្គនោះទៅឱ្យគណៈកម្មការវត្តខ្នាចរមាសគ្រប់គ្រងបណ្ដោះអាសន្នហើយ ដើម្បីរង់ចាំខាងមន្ត្រីធម្មការចុះទៅសួរនាំ និងចាត់ការបន្ត ។
ចែករំលែកព័តមាននេះ