ក្នុងបិដកលេខ៤៤ ព្រះមានព្រះភាគត្រាស់ថា ម្នាលភិក្ខុទាំងឡាយ ភិក្ខុជាថេរៈប្រកបដោយធម៌៥យ៉ាង ឈ្មោះថាជាអ្នកប្រតិបត្តិមិនបានជាគុណដល់ជនដ៏ច្រើន មិនបានសុខដល់ជនដ៏ច្រើន មិនបានជាប្រយោជន៍ដល់ជនដ៏ច្រើន ជាទុក្ខដល់ទេវតា និងមនុស្សទាំងឡាយ ។ ធម៌៥ យ៉ាងនោះ តើអ្វីខ្លះ ?
ម្នាលភិក្ខុទាំងឡាយធម៌៥យ៉ាងនោះ គឺភិក្ខុជាថេរៈដឹងរាត្រី បួសយូរ ១ មានឈ្មោះល្បីល្បាញ មានយស មានបរិវារច្រើន ទាំងគ្រហស្ថ ទាំងបព្វជិត ១ សម្បូណ៌ដោយចីវរ បិណ្ឌបាត សេនាសនៈ និងគិលានប្បច្ច័យ ១ ជាអ្នកដឹងឮច្រើន ចាំរបស់ដែលឮហើយ ចាំលែងភ្លេចនូវរបស់ដែលឮហើយ ចាក់ធ្លុះល្អដោយប្រាជ្ញា ១ តែជាមិច្ឆាទិដ្ឋិ មានសេចក្តីយល់ដ៏វិបរិត ១ ។
ម្នាលភិក្ខុទាំងឡាយ ភិក្ខុនោះញ៉ាំងជនដ៏ច្រើន ឲ្យឃ្លាតចាកព្រះសទ្ធម្ម ឲ្យតម្កល់នៅក្នុងអសទ្ធម្ម ហើយរមែងញុំាងទេវតានិងមនុស្សទាំងឡាយមិនឱ្យផុតទុក្ខបានឡើយ ៕ សាន សារិន
ចែករំលែកព័តមាននេះ