ADផ្ទាំងផ្សព្វផ្សាយពាណិជ្ជកម្ម

Picture

សួន​​ជីវចម្រុះ​និង​សួន​អំ​ណា​ន ​​បាន​លេច​ក្នុង​វិទ្យា​ល័យ​ ហ៊ុន សែន មិត្តភាព ខេត្តព្រះសីហនុ

1 ខែ មុន
  • ព្រះសីហនុ

​ខេត្តព្រះសីហនុ ៖ ​ ​ខេត្ត​ព្រះ​សីហ​នុបាន​កំពុង​តែ​ផ្លាស់​ប្តូរ​មុខមាត់​ថ្មី​ ការ​អប់រំ​បណ្តុះបណ្តាល​ផ្នត់គំនិត ឥរិយា​បទ ក្នុង​ប្រតិបត្តិ​មេត្រីភាព​បរិស្ថាន គឺជា​កត្តា​ដ៏​សំខាន់​មួយ ដើម្បី​ប​ន្សុ​ី​គ្នាស័ក្តិសមជា​ពលរដ្ឋ​គំរូ ស្ថាប័ន​គំរូ…

​ខេត្តព្រះសីហនុ ៖ ​ ​ខេត្ត​ព្រះ​សីហ​នុបាន​កំពុង​តែ​ផ្លាស់​ប្តូរ​មុខមាត់​ថ្មី​ ការ​អប់រំ​បណ្តុះបណ្តាល​ផ្នត់គំនិត ឥរិយា​បទ ក្នុង​ប្រតិបត្តិ​មេត្រីភាព​បរិស្ថាន គឺជា​កត្តា​ដ៏​សំខាន់​មួយ ដើម្បី​ប​ន្សុ​ី​គ្នាស័ក្តិសមជា​ពលរដ្ឋ​គំរូ ស្ថាប័ន​គំរូ ក្នុង​ទីក្រុង​ស៊ី​វិ​ល័យ ស្រស់​ស្អាត និង​ជាទី​ក្រុង​សេដ្ឋកិច្ច​ពហុ​បំណង ទីក្រុង​ឆ្លាត នៃ​ខេត្ត​ព្រះ​សីហ​នុ (​ក្រុង​កំពង់សោម ) ។ នេះ​ជា​ប្រសាសន៍​លើក​ឡើង​របស់ លោក សាយ សំ​អាល់ រដ្ឋមន្ត្រី ក្រសួងបរិស្ថាន និង​ជា​ប្រធាន​ក្រុមការងារ​ថ្នាក់​ជាតិ​ចុះ​មូលដ្ឋាន​ខេត្ត​ព្រះ​សីហ​នុ ក្នុង​ឱកាស​ដែល​លោក អញ្ជើញ​ជា​អធិបតីភាព ក្នុង​ពិធី​ប្រគល់​ជ័យ​លា​ភី​សាលា​មេត្រី​បរិស្ថាន​ថ្នាក់​ជាតិ​លើក​ទី​៣ ឆ្នាំ​២០២១ និង​ពិធី​សម្ពោធ​សួន​ជីវចម្រុះ​«​សួន​ព្រឹទ្ធាចារ្យ​ជុំ​ហ៊​ល​»​ និង​សួន​អំ​ណា​ន​«​ព្រឹទ្ធាចារ្យ​លឹ​ម​ណៃ​» នៅ​ទីតាំង​វិទ្យាល័យ ហ៊ុន​សែន មិត្តភាព​ខេត្ត​ព្រះ​សីហ​នុ​ កាលពី​រសៀល​ថ្ងៃ​ទី​១៧ ​កញ្ញា ឆ្នាំ​២០២១ ​។

Picture

លោក​រដ្ឋមន្ត្រីបាន​បន្ត​ថា ក្រោម​ម្លប់​និង​ផ្លែផ្កា​នៃ​សុខ​សន្តិភាព​ដែល​ប្រមុខ​រាជរដ្ឋាភិបាល​កម្ពុជា សម្តេច​អគ្គមហាសេនាបតី​តេ​ជោ​ហ៊ុន​សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា ​ខិតខំ​រកបាន​ដោយ​កំរបាន​អនុញ្ញាតឲ្យ​ជីវភាព​ប្រ​ជាជន​យើង​កាន់តែ​រីក​ចំរើន ការ​គិតគូរ​ពី​គុណភាព​ ជីវិត​កាន់តែ​ប្រសើរ​ជាង​មុន សេចក្តី​ត្រូវការ​ និងចង់បាន​បរិស្ថាន​ស្អាត​ និង​បៃតង ដែល​ផ្តល់​ឱកាស​ដល់​ក្រសួង​បរិស្ថាន និង​ស្ថាប័ន​ពាក់​ព័ន្ធបំពេញ​នូវ​បំណងប្រាថ្នា​ដ៏​ពិសិដ្ឋ​នេះ តាម​រយៈ​ការ​លើកកម្ពស់​តួនាទី​ភារកិច្ច​និង​ការ​ផ្ទេរអំណាច​ទៅ​កាន់​ថ្នាក់​ក្រោម​ជាតិ បំរើ​ជូន​ប្រជាពលរដ្ឋ​កាន់តែ​រហ័ស​ជាង​មុន ល្អ​ជាង​មុន ស្រប​តាម​តំរូវការ​ជាក់​សែ្ត​ង ការ​ធ្វើ​ប្រតិភូកម្ម ការ​គ្រប់គ្រង​សំរាម សំណល់​រឹង​ទីប្រជុំជន​ការ​ការពារ​ធនធានធម្មជាតិ ការ​អប់រំ​បរិស្ថាន ការ​វាយតម្លៃ​គុណវុឌ្ឍិ​នីតិបុគ្គល ​ឬ​រូប​វន្ត​ក្នុង​ប្រតិបត្តិ​មេត្រីភាព​ល្អ ជា​ពិសេស​ការ​បញ្ចូល​កិច្ច​ការងារ​បរិស្ថាន​ជា​ចំណុចទី​៦នៃ​គោលនយោបាយ​ភូមិ​ឃុំ​មាន​សុវត្ថិភាព​។

Picture

លោក​សាយ សំ​អាល់ ​រដ្ឋមន្ត្រី​ក្រសួងបរិស្ថាន​បាន​បង្ហាញ​នូវ​ជំនឿ​យ៉ាង​មុតមាំ​ថា ជ័យ​លា​ភី​មាស​នេះ​ជា​មោទនភាព និង​ស​បញ្ជាក់​ជា​កិច្ច​ខិតខំ​ប្រឹងប្រែង​របស់​ថ្នាក់ដឹកនាំ​ខេត្ត បុគ្គលិក​អប់រំ​សិក្សា មន្ទីរ ស្ថា​ប័​ន​ជុំវិញ​ខេត្ត និង​ប្រជាពលរដ្ឋ​ទាំងអស់ ដែល​បាន​រួបរួម​គ្នា​ទាំង​កំលាំងកាយ កំលាំងចិត្ត​និង​ធនធាន បាន​លេច​ចេញ​ឡើង​នូវ​ស​មិទ្ធ​ផល​នា​ពេល​នេះ ។ ​

លោក​រដ្ឋមន្ត្រី​ក៏​បាន​ផ្តាំផ្ញើរ​និង សូម​ឲ្យ​ថ្នាក់ដឹកនាំ និង​សហការី​អប់រំ​សិក្សា​ខេត្ត​ព្រះ​សីហ​នុ បន្ត និង​ជម្រុញ​ការ​បណ្តុះបណ្តាល​ធនធានមនុស្ស​លើ​ជំនាញ​ធុរកិច្ច ដើម្បី​ឲ្យ​បងប្អូន​យើង ​ជា​ពិសេស​ប្រជាពលរដ្ឋ​ក្នុង​ខេត្ត​អាច​ទាញ​យក​នូវ​សក្តានុពល​ពី​សេដ្ឋកិច្ច​ពហុ​បំណង​នៅ​ទី​នេះ បាន​កាន់តែ​ច្រើន​បន្ថែម​ទៀត​។

Picture

​​លោក គួ​ច ចំរើន អភិបាលខេត្ត​ព្រះ​សីហ​នុ បាន​ថ្លែង​កោតសរសើរ​គណៈ​គ្រប់គ្រង លោកគ្រូ អ្នកគ្រូ បុគ្គលិក​សិក្សា នៅ​វិទ្យាល័យ​ហ៊ុន សែន មិត្តភាព ដែល​បាន​ខិតខំ​ប្រឹងប្រែង​ថែរក្សា​ការពារ​បរិស្ថាន​រហូត​ទទួល​បាន​ជ័យ​លា​ភី​សាលា​មេត្រី​បរិស្ថាន​ឆ្នាំ​២០២១​ពានរង្វាន់​ជ័យ​លា​ភី​មាស​ពី​ក្រសួងបរិស្ថាន លើ​ការ​បញ្ជ្រៀបចំណេះដឹង ការ​ផ្លាស់​ប្ដូរ​ផ្នត់គំនិត ការ​លើកកម្ពស់​ស្មារតី​ស្រលាញ់​បរិស្ថាន​និង​ជំរុញ​ប្រតិបត្តិការ​មេត្រីភាព​បរិស្ថាន សំដៅ​គាំទ្រ​ដល់​កិច្ច​គាំពារ​បរិស្ថាន​និង​អភិរក្ស​ជីវៈចម្រុះ ការ​ប្រើប្រាស់​ធន​ធាន​ធម្មជាតិ​ឱ្យ​បាន​សម​ស្រប​មាន​និរន្តរភាព​និង​ការ​រស់នៅ​ដោយ​ចីរភាព ។

Picture
Picture
Picture
Picture
Picture
Picture
Picture
Picture
Picture