រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានលើកឡើងថា ការចាក់វ៉ាក់សាំងជំងឺកូវីដ១៩ ដូសទី៤ ជូនប្រជាពលរដ្ឋ អាស្រ័យលើការវិវត្តន៍ជំងឺកូវីដ និងការផលិតវ៉ាក់សាំង ។
ថ្លែងក្នុងសន្និសីទសារព័ត៌មានក្នុងពិធីបើកយុទ្ធនាការចាក់វ៉ាក់សាំងជំងឺកូវីដ១៩ ជូនកុមារ ចាប់ពីអាយុ៦ ដល់១២ឆ្នាំ នាព្រឹកថ្ងៃទី១៧ខែកញ្ញា ឆ្នាំ២០២១ សម្តេចគូសបញ្ជាក់ថា ៖«រឿងចាក់វ៉ាក់សាំងដូសទី៤ ឬអត់? យើងអាស្រ័យលើស្ថានភាពវិវត្តន៍ជំងឺកូវីដ និងការផលិតវ៉ាក់សាំង និងប្រសិទ្ធភាពវ៉ាក់សាំង ។ យើងត្រូវតាមលើបញ្ហានេះក្នុងការវិវត្តន៍របស់ជំងឺក្នុងពិភពលោកផ្គួបផ្សំជាមួយណែនាំជារើយៗពីអង្គការសុខភាពផងដែរ» ។
ជាមួយគ្នានោះដែរ សម្តេចតេជោ ហ៊ុន សែន នាយករដ្ឋមន្ត្រីបានលើកឡើងថា នៅបណ្តាប្រទេសមួយចំនួនលើពិភពបានចាក់វ៉ាក់សាំងដូសទី៤ រួចហើយ (តែខ្ញុំមិនបញ្ចេញឈ្មោះទេ) ។
ជាមួយគ្នានោះដែរ សម្តេចក៏បានលើកឡើងថា នៅពេលចាក់វ៉ាក់សាំងដូសទី៤ រាជរដ្ឋាភិបាលនឹងចំណាយថវិកាទៀតដែលរាជរដ្ឋាភិបាលត្រូវតែធ្វើដោយជៀសមិនបាន ។
ក្នុងសន្នីសីទនោះដែរ សម្តេចតេជោ ក៏បានអះអាងថា ប្រសិនបើសភាពការណ៍ដំណើរការល្អប្រសើរនឹងធ្វើការបើកដំណើរនូវវិស័យទាំងអស់ ។ សម្តេចថា ៖«អ្នកណាចង់ឲ្យនៅអីញ្ចឹង! សព្វថ្ងៃពលរដ្ឋយើងចង់ដើរលេង ប៉ុន្តែខ្ញុំចង់ចាប់ផ្តើមពីវិស័យអប់រំ បន្ទាប់មកបើកវិស័យសេវាកម្មទេសចរណ៍» ។
សម្តេចក៏បានលើកឡើងថា ការបើកវិស័យសេវាកម្ម គឺសេវាកម្មទេសចរណ៍ក្នុងស្រុកពីព្រោះថា ការបើកនេះឲ្យប្រជាពលរដ្ឋស្គាល់ទេសចរណ៍របស់ខ្លួន«..»កន្លងមកមានបងប្អូនប្រជាពលរដ្ឋមួយចំនួនទៅកន្លែងទេសចរណ៍ហើយ គាត់បានជួយថែរក្សាបរិស្ថាន និងព្រៃឈើយើងផងដែរ ។
សម្តេចបន្ថែមទេសចរណ៍ក្នុងស្រុក ពេលខ្លះក៏បានចាយវាច្រើនដែលជាហេតុធ្វើឲ្យមានឱកាសដល់ប្រជាពលរដ្ឋបងប្អូននៅតំបន់ទេសចរទទួលបានផលចំណូលផងពីការលក់ផលិតផលផ្សេងៗរបស់គាត់ដែរ ។
សម្តេចតេជោ បានអះអាងថា ពេលនេះសម្តេចបានសម្រុកធ្វើយ៉ាងណាបើកទេសចរណ៍ផ្ទៃក្នុង ឬក្នុងស្រុកឲ្យបានឆាប់ ៕
ចែករំលែកព័តមាននេះ