ម្ចាស់រវល់ទៅមើលទឹកស្រែ ស្រាប់តែជន២នាក់ធ្វើសកម្មភាពផ្អើ.ល
- កំពង់ស្ពឺ
ខេត្តកំពង់ស្ពឺ ៖ ជនសង្ស័យចំនួន២នាក់ដែលធ្វើសកម្មភាពកាច់កម៉ូតូមួយគ្រឿង ត្រូវបានសមត្ថកិច្ចក្រោមការដឹកនាំបញ្ជាផ្ទាល់
ខេត្តកំពង់ស្ពឺ ៖ ជនសង្ស័យចំនួន២នាក់ដែលធ្វើសកម្មភាពកាច់កម៉ូតូមួយគ្រឿង ត្រូវបានសមត្ថកិច្ចក្រោមការដឹកនាំបញ្ជាផ្ទាល់
ខេត្តកំពង់ស្ពឺ ៖ ជនសង្ស័យចំនួន២នាក់ដែលធ្វើសកម្មភាពកាច់កម៉ូតូមួយគ្រឿង ត្រូវបានសមត្ថកិច្ចក្រោមការដឹកនាំបញ្ជាផ្ទាល់ពីសំណាក់លោកវរសេនីយ៍ឃុន សុផល អធិការនគរបាលស្តីទី ធ្វើការបង្ក្រាប និងឃាត់ខ្លួនបាន កាលពីរសៀលថ្ងៃទី16 កញ្ញា ឆ្នាំ2021 នៅចំណុចភូមិព្រៃដុប ឃុំស្វាយរំពា ស្រុកបសេដ្ឋ ខេត្តកំពង់ស្ពឺ។
ជនសង្ស័យ២នាក់ខាងលើ ក្នុងនោះម្នាក់ឈ្មោះសុធារិទ្ធិ ភេទប្រុស អាយុ27ឆ្នាំ មុខរបររើសអេតចាយ និងម្នាក់ទៀតឈ្មោះឈន វណ្ណៈ ភេទប្រុស អាយុ36ឆ្នាំ ។ ជនសង្ស័យទាំងពីរនាក់រស់នៅភូមិទ្រា សង្កាត់ស្ទឹងមានជ័យទី១ ខណ្ឌ័មានជ័យ រាជធានីភ្នំពេញ។
តាមប្រភពពីសមត្ថកិច្ចបានអោយដឹងថា ជនសង្ស័យទាំង២នាក់បានធ្វើសកម្មភាពកាច់កយកម៉ូតូម៉ាកC125 ពណ៌ខ្មៅ ពាក់ស្លាកលេខ កំពត 1G-6863 ជាកម្មសិទ្ឋិរបស់ជនរងគ្រោះឈ្មោះគឹម រ៉ាក់ ភេទប្រុស អាយុ41ឆ្នាំ រស់នៅភូមិទ្រយឹងទេរ ឃុំស្វាយចចឹប ស្រុកបសេដ្ឋ ខេត្តកំពង់ស្ពឺ។
តាមប្រភពដដែលបានបន្តថា មុនពេលកើតហេតុ ខណៈជនរងគ្រោះបានទុកម៉ូតូក្បែរទ្រុងជ្រូក នៅចំណុចភូមិខ្នាចកន្ទួត ឃុំស្វាយចចឹបស្រុកបសេដ្ឋខេត្តកំពង់ស្ពឺ ដោយរវល់ចុះទៅមើលទឹកស្រែ ស្រាប់តែក្រឡេកទៅឃើញម៉ូតូរបស់ខ្លួនត្រូវបានជនសង្ស័យកាច់កម៉ូតូខាងលើជិះគេចខ្លួន និងគេចពីសមត្ថកិច្ច ។ បន្ទាប់មក ជនរងគ្រោះជាម្ចាស់ម៉ូតូបានស្រែកឆោឡោអោយអ្នកភូមិជួយស្ទាក់ចាប់។
តាមប្រភពដដែលបានបន្តទៀតថា ពេលនោះក្រុមជនសង្ស័យជិះគេចខ្លួនមកដល់ចំណុចភូមិព្រៃដុប ឃុំស្វាយរំពា ស្រុកបសេដ្ឋខេត្តកំពង់ស្ពឺ ក៏ត្រូវកម្លាំនគរបាលប៉ុស្តិ៍ទួលសាលា និងប៉ុស្តិ៍ស្វាយរំពា សហការជាមួយប្រជាការពារ ក្រោមការដឹកនាំពីសំណាក់លោកវរសេនីយ៍ត្រីឃុន សុផល អធិការស្តីទីនគរបាលស្រុកបសេដ្ឋបសេដ្ឋ បើកប្រតិបត្តិការដេញតាមចាប់ រហូតឃាត់ខ្លួនបានជនសង្ស័យទាំង២នាក់តែម្តង។
ក្រោយពីឃាត់ខ្លួនជនសង្ស័យទាំង២នាក់បានហើយ សមត្ថកិច្ចកំពុងធ្វើការសាកសួរ ដើម្បីកសាងសំណុំរឿងបញ្ជូនទៅកាន់ការិយាល័យជំនាញចាត់ការបន្ត ។ ចំណែក វត្ថុតាង ត្រូវបានសមត្ថកិច្ចបំពេញឯកសារប្រគល់ជូនម្ចាស់កម្មសិទ្ឋិទទួលយកទៅវិញ៕
ចែករំលែកព័តមាននេះ