ខេត្តសៀមរាប ៖ មានហេតុការណ៍ការភ្ញាក់ផ្អើលពេញក្រុងសៀមរាប កាលពីព្រឹកថ្ងៃទី១៣ កុម្ភៈ ២០១៦ បន្ទាប់ពីត្រូវគេប្រទះឃើញសាកសពស្ត្រីម្នាក់ ត្រូវជនមិនស្គាល់មុខសម្លា.ប់កាត់ដាច់ក្បាលមិនដឹងយកទៅណា ដោយនៅសល់តែដងខ្លួន ស្ថិតក្នុងផ្ទះ
ខេត្តសៀមរាប ៖ មានហេតុការណ៍ការភ្ញាក់ផ្អើលពេញក្រុងសៀមរាប កាលពីព្រឹកថ្ងៃទី១៣ កុម្ភៈ ២០១៦ បន្ទាប់ពីត្រូវគេប្រទះឃើញសាកសពស្ត្រីម្នាក់ ត្រូវជនមិនស្គាល់មុខសម្លាប់កាត់ដាច់ក្បាលមិនដឹងយកទៅណា ដោយនៅសល់តែដងខ្លួន ស្ថិតក្នុងផ្ទះសំណាក់យីហោ «ប្រសាទកែវ» ជាន់ទី៣ ក្នុងបន្ទប់លេខ៣០១ ក្នុងក្រុមទី៩ ឃុំតាផុល សង្កាត់ស្វាយដង្គំ ក្រុងសៀមរាប ។
ប្រភពឱ្យដឹងថា ស្ត្រីរងគ្រោះមិនត្រូវស្គាល់អត្តសញ្ញាណទេ មានអាយុប្រហែលចន្លោះពី៣០ឆ្នាំចុះក្រោម ដោយត្រូវឃាតករសម្លាប់កាត់ក្បាលចេញពីដងខ្លួន ពាក់អាវទ្រនាប់ និងស្លៀកខោខូវប៊យ ។
ប្រភពបន្តថា មុនពេលភ្ញាក់ផ្អើលនោះ អ្នកសម្អាតក្នុងផ្ទះសំណាក់ម្នាក់ឈ្មោះឃន់ ការ៉ុប ភេទស្រី អាយុ២៩ឆ្នាំ បានឡើងទៅសម្អាតបន្ទប់ដូចធម្មតា ។ លុះឃើញបន្ទប់៣១០ចំហទ្វារ ត្រូវនាងដើរចូលទៅសម្អាត ព្រោះស្មានតែភ្ញៀវចេញបាត់ហើយ តែត្រូវស្រឡាំងកាំង បន្ទាប់ពីឃើញសពស្ត្រីរងគ្រោះនៅក្រោមគ្រែ ក៏បានរត់ចុះក្រោមវិញ ទៅប្រាប់ម្ចាស់ផ្ទះសំណាក់ ហើយរាយការណ៍បន្តទៅសមត្ថកិច្ច ដើម្បីចុះត្រួតពិនិត្យ ។ សមត្ថកិច្ចឱ្យដឹងថា ក្នុងបន្ទប់នោះ គឺគ្មានបន្សល់ស្លាកស្នាមអ្វីទាំងអស់ ព្រោះបន្ទប់ គឺស្អាតត្រឹមត្រូវ ដោយមិនដឹងថា ឃាតករសម្លាប់នាងនៅទីនេះ ឬក៏នៅទីណានោះទេ ។
ចំណែកម្ចាស់ផ្ទះសំណាក់បានឱ្យដឹងផងដែរថា ក្នុងបន្ទប់៣១០នោះ បើតាមឆែកមើល គឺជាមនុស្សប្រុសទេ ដែលជួលស្នាក់នៅ ក៏ប៉ុន្តែស្រាប់តែប្រទះសពស្ត្រីខាងលើនោះទៅវិញ ។ បច្ចុប្បន្ន សមត្ថកិច្ចដាក់ការតាមដាន និងស្រាវជ្រាវ និងកំពុងរង់ចាំជំនាញចុះមក ធ្វើកោសល្យវិច័យ ។
ចែករំលែកព័តមាននេះ