ព្រះមានព្រះភាគត្រាស់ថា ម្នាលភិក្ខុទាំងឡាយ បុគ្គលប្រកបដោយធម៌៤០យ៉ាងនេះ ជាផ្លូវនាំសត្វទៅកើតនៅក្នុងឋានសួគ៌ ដូចគេលើកទៅតម្កល់ទុកដូច្នោះដែរ ។
ធម៌ទាំង៤០យ៉ាងនោះតើអ្វីខ្លះ ? ធម៌ទាំង៤០ប្រការនោះគឺ ជាអ្នកវៀរចាកបាណាតិបាតដោយខ្លួនឯង១ បបួលអ្នកដទៃ ក្នុងការវៀរចាកបាណាតិបាត១ ពេញចិត្តក្នុងការវៀរចាកបាណាតិបាត ១ ពោលសរសើរគុណនៃការវៀរចាកបាណាតិបាត ១ វៀរចាកអទិន្នាទានដោយខ្លួនឯង ១ បបួលអ្នកដទៃក្នុងការវៀរចាកអទិន្នាទាន ១ ពេញចិត្តក្នុងការវៀរចាកអទិន្នាទាន ១ ពោលសរសើរគុណនៃការវៀរចាកអទិន្នាទាន ១ វៀរចាកកាមេសុមិច្ឆារដោយខ្លួនឯង ១ ។
បបួលអ្នកដទៃក្នុងការវៀរចាកកាមេសុមិច្ឆាចារ ១ ពេញចិត្តក្នុងការវៀរចាកកាមេសុមិច្ឆាចារ ១ ពោលសរសើរគុណនៃការវៀរចាកកាមេសុមិច្ឆាចារ ១ រៀរចាកមុសាវាទដោយខ្លួនឯង ១ បបួលអ្នកដទៃក្នុងការវៀរចាកមុសាវាទ ១ ពេញចិត្តក្នុងការវៀរចាកមុសាវាទ ១ ពោលសរសើរគុណនៃក្នុងការវៀរចាកមុសាវាទ ១ វៀរចាកបិសុណវាចាដោយខ្លួនឯង ១ បបួលអ្នកដទៃក្នុងការវៀរចាកបិសុណវាចា ១ ពេញចិត្តក្នុងការវៀរចាកបិសុណវាចា ១ ពោលសរសើរគុណនៃក្នុងការវៀរចាកបិសុណវាចា ១ ។
វៀរចាកផរុសវាចាដោយខ្លួនឯង ១ បបួលអ្នកដទៃក្នុងការវៀរចាកផរុសវាចា ១ ពេញចិត្តក្នុងការវៀរចាកផរុសវាចា ១ ពោលសរសើរគុណនៃក្នុងការវៀរចាកផរុសវាចា ១ វៀរចាកសម្ផប្បលាបៈដោយខ្លួនឯង ១ បបួលអ្នកដទៃក្នុងការវៀរចាកសម្ផប្បលាបៈ ១ ពេញចិត្តក្នុងការវៀរចាកសម្ផប្បលាបៈ ១ ពោលសរសើរគុណនៃក្នុងការវៀរចាកសម្ផប្បលាបៈ ១ ជាអ្នកមិនមានអភិជ្ឈាដោយខ្លួនឯង ១ បបួលអ្នកដទៃក្នុងការមិនមានអភិជ្ឈា ១ ។
ពេញចិត្តក្នុងការមិនមានអភិជ្ឈា ១ ពោលសរសើរគុណនៃក្នុងការមិនមានអភិជ្ឈា ១ មិនមានព្យាបាទដោយខ្លួនឯង ១ បបួលអ្នកដទៃក្នុងការមិនមានព្យាបាទ ១ ពេញចិត្តក្នុងការមិនមានព្យាបាទ ១ ពោលសរសើរគុណនៃក្នុងការមិនមានព្យាបាទ ១ ជាអ្នកយល់ត្រូវដោយខ្លួនឯង ១ បបួលអ្នកដទៃក្នុងការយល់ត្រូវ ១ ពេញចិត្តក្នុងការយល់ត្រូវ ១ និងពោលសរសើរគុណនៃការយល់ត្រូវ ១ ។
ម្នាលភិក្ខុទាំងឡាយ បុគ្គលប្រកបដោយធម៌៤០យ៉ាងនេះឯងរមែងទៅកើតនៅឯស្ថានសួគ៌ ដូចជាគេនាំយកទៅតម្កល់ទុកនៅទីនោះដូច្នោះដែរ ៕ (សៀវភៅឃរាវាសធម៌) សាន សារិន
ចែករំលែកព័តមាននេះ