ពលករខ្មែរចំនួន៩នាក់ ត្រូវបានកងកម្លាំងចំពោះកិច្ច រួមមានទាហាន និងតម្រួតជាយដែនថៃ បានធ្វើការចាប់ខ្លួននៅក្នុងចំកាដំឡូងមីមួយកន្លែង ស្ថិតនៅ
ខេត្តបន្ទាយមានជ័យ ៖ យោងតាមការចុះផ្សាយនៅលើគេហទំព័រថៃមួយ បានឲ្យដឹងថា ពលករខ្មែរចំនួន៩នាក់ ត្រូវបានកងកម្លាំងចំពោះកិច្ច រួមមានទាហាន និងតម្រួតជាយដែនថៃ បានធ្វើការចាប់ខ្លួននៅក្នុងចំកាដំឡូងមីមួយកន្លែង ស្ថិតនៅភូមិខៅលូកឆាង ឃុំនិងស្រុកតាប្រាយ៉ា ខេត្តស្រះកែវ ដែលឈមនឹងទឹកដីកម្ពុជា ស្រុកថ្មពួក នាព្រឹកថ្ងៃទី១០ ខែកញ្ញា ឆ្នាំ២០២១។
ពលករខ្មែរទាំង៩នាក់ខាងលើនេះ ក្នុងនោះប្រុស៥នាក់ និងស្រី៤នាក់ ហើយពួកគេប្រុងលួចឆ្លងដែនទៅរកការងារធ្វើលើទឹកដីថៃ គឺក្រុងបាងកក ចំនួន២នាក់ ជាផ្នែកលក់ដូរ និងធ្វើជាកម្មករសំណង់នៅខេត្តណាក់ខនប៉ាធុម ចំនួន៧នាក់ តាមរយៈមេខ្យល់។
យោងតាមការសាកសួរពលករខ្មែរទាំងនោះបានប្រាប់សមត្ថកិច្ចថៃ ឱ្យដឹងថា ពួកគេបានចំណាយប្រាក់ឲ្យមេខ្យល់ ដោយម្នាក់ៗ៥០០០បាត តែមិនទាន់បានដល់គោលដៅផង ក៏ស្រាប់តែត្រូវគេចាប់ខ្លួនបាត់ទៅហើយ។
ក្រោយពេលចាប់ខ្លួន ពលករខ្មែរទាំងនោះ ត្រូវមន្ត្រី និងសមត្ថកិច្ចថៃ ពិនិត្យសុខភាពតាមវិធានការរបស់ក្រសួងសុខាភិបាលរបស់គេ នៅទីបញ្ជាការតម្រួតជាយដែនកងរយទី៣ ស្ថិតក្នុងស្រុកកើតហេតុ មុននឹងបញ្ជូនប្រគល់ឲ្យមន្ត្រី និងសមត្ថកិច្ចកម្ពុជាវិញ តាមច្រកកិច្ចព្រមព្រៀង MOU រវាងខេត្តទាំង២ គឺខេត្តបន្ទាយមានជ័យ ប្រទេសកម្ពុជា និងខេត្តស្រះកែវ ប្រទេសថៃ គឺតាមច្រករបៀងអូរបីជាន់ណូនម៉ាក់មុន៕
ចែករំលែកព័តមាននេះ