បិទផ្សារលើ ជាលើកទី២ ក្រោយរកឃើញអាជីវករកើតកូវីដបំប្លែងថ្មី «ដែលតា»
- កំពង់ឆ្នាំង
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំង នៅថ្ងៃទី៩ ខែកញ្ញា ឆ្នាំ២០២១ បានចេញសេចក្តី សម្រេចស្តីពីការបិទខ្ទប់ ខាង
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំង នៅថ្ងៃទី៩ ខែកញ្ញា ឆ្នាំ២០២១ បានចេញសេចក្តី សម្រេចស្តីពីការបិទខ្ទប់ ខាងក្នុងនិងបរិវេណជុំវិញផ្សារលើ ស្ថិតនៅក្នុងភូមិសាស្ត្រ ភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ទាំងស្រុងជាថ្មីម្ដងទៀត បន្ទាប់ពីរកឃើញអាជីវករក្នុងផ្សារលើកើតកូវីដបំប្លែងថ្មី «ដែលតា» ។
ក្នុងសេចក្តីជូនដំណឹងរបស់រដ្ឋបាលសាលាខេត្តកំពង់ឆ្នាំង ក៏បានបញ្ជាក់ដែរថា ត្រូវបិទខ្ទប់ខាងក្នុងនិងបរិវេណជុំវិញផ្សារលើក្រុងកំពង់ឆ្នាំងទាំងស្រុង រួមមានចាប់ពីមុខមន្ទីរសេដ្ឋកិច្ចនិងហិរញ្ញវត្ថុ រហូតដល់ផ្លូវបំបែកលេខ៤០ ច្រមុះជ្រូក និងនៅបរិវេណជុំវិញផ្សារទាំងអស់ ចាប់ពីថ្ងៃទី៩ ខែកញ្ញា រហូតដល់មានការសម្រេចជាថ្មី។
ការបិទខ្ទប់ទីតាំងខាងលើនេះ ដើម្បីទប់ស្កាត់ការរាលដាលជំងឺកូវីដ១៩ ក្នុងសហគមន៍ បន្ទាប់ពីបានរកឃើញអ្នកវិជ្ជមានកូវីដ១៩ បំប្លែងថ្មី ប្រភេទដែលតា លើអាជីវករក្នុងផ្សារលើ ។ ជាមួយគ្នានេះតម្រូវឲ្យអាជីវករផ្សារលើ និងប្រជាពលរដ្ឋដែលមានលំនៅបានជាប់ពាក់ព័ន្ធ ជាមួយនឹងផ្សារលើទាំងអស់ ត្រូវធ្វើចត្តាឡីស័កតាមលំនៅឋាន និងទៅយកសំណាករៀងៗខ្លួនឲ្យបានហ្មត់ចត់ តាមការណែនាំរបស់ក្រសួងសុខាភិបាល។
ក្នុងសេចក្តីជូនដំណឹងរបស់រដ្ឋបាលសាលាខេត្ត ក៏បានបញ្ជាក់ពីទីតាំងដែលត្រូវបិទ រួមមាន៖ត្រូវព័ទ្ឋខ្យែ ចាប់ពីមុខមន្ទីរសេដ្ឋកិច្ចនិងហិរញ្ញវត្ថុ រហូតដល់ផ្លូវបំបែកលេខ ៤០ ច្រមុះជ្រូក និងបរិវេណជុំវិញផ្សារទាំងអស់ ដោយផ្អាកសកម្មភាពលក់ដូរ ការចេញចូលទីតាំង ហាមដាច់ខាត ចំពោះអាជីវករទាំងអស់ដែលស្ថិតនៅទីតាំងបិទខ្ទប់ មិនអនុញ្ញាតឱ្យចេញទៅលក់ដូរនៅកន្លែងផ្សេង ជាសវាងមានការចម្លងទៅប្រជាពលរដ្ឋផ្សេងទៀត។ ស្រាវជ្រាវរកអ្នកពាក់ព័ន្ធដោយផ្ទាល់ឬប្រយោលដើម្បីធ្វើចត្តាឡីស័កនិងយកសំណាក។
ក្នុងអំឡុងពេលនៃការអនុវត្តវិធានការបិទខ្ទប់ បុគ្គលគ្រប់រូប ត្រូវហាមឃាត់ការធ្វើដំណើរចេញចូលនិងឆ្លងកាត់បរិវេណជុំវិញផ្សារលើ ក្នុងភូមិសាស្ត្រភូមិត្រពាំងបី សង្កាត់កំពង់ឆ្នាំង លើកលែងតែមានការចាំបាច់ ។ ជាមួយគ្នានេះត្រូវទៅហាមឃាត់ការជួបជុំ ការប្រមូលផ្តុំមនុស្ស ការចេញចូលទំនាក់ទំនងពីផ្ទះមួយទៅផ្ទះមួយ លើកលែងតែករណីចាំបាច់។
បុគ្គលឬនីតិបុគ្គល ទាំងឡាយណាដែលមិនអនុវត្តតាមខ្លឹមសារ នឹងប្រការ ២ ប្រការ ៣ និងប្រការ ៤ ខាងលើ នឹងទៅចាត់វិធានការយ៉ាងម៉ឺងម៉ាត់ ស្របតាមវិធានការកំណត់ក្នុងច្បាប់ ស្ដីពីវិធានការការទប់ស្កាត់ការឆ្លងការរាលដាលនៃជំងឺកូវីត១៩ នឹងជំងឺឆ្លងកាចសាហាវ និងប្រកបដោយគ្រោះថ្នាក់ ធ្ងន់ធ្ងរផ្សេងទៀតនិងលិខិតបទដ្ឋានគតិយុត្ត ពាក់ព័ន្ធជាធរមាន៕
ចែករំលែកព័តមាននេះ