កុងតឺន័របុ.ករះទាំងឡាននិងម៉ូតូ ផ្អើ.លផ្លូវជាតិលេខ៤
- ព្រះសីហនុ
ខេត្តព្រះសីហនុ ៖ រថយន្តកុងតឺន័រមួយគ្រឿងបានបុកម៉ូតូមួយគ្រឿងម៉ាកហ្ស៊ីមមើរ ដែលមានទិសដៅស្របគ្នា បណ្តាលឱ្យម៉ូតូរង
ខេត្តព្រះសីហនុ ៖ រថយន្តកុងតឺន័រមួយគ្រឿងបានបុ.កម៉ូតូមួយគ្រឿងម៉ាកហ្ស៊ីមមើរ ដែលមានទិសដៅស្របគ្នា បណ្តាលឱ្យម៉ូតូរងការខូចខាត ហើយរថយន្តកុងតឺន័របានរេចង្កូតទៅបុ.ករថយន្តមួយគ្រឿងទៀតម៉ាកណាវ៉ារ៉ា ពណ៌ស ធ្លាក់ចេញពីផ្លូវចូលក្នុងទឹកប្រឡាយ ដោយទូកុងតឺន័រនោះផ្អៀងសង្កត់ពីលើរថយន្តពណ៌ស បណ្តាលឱ្យរងការខូចខាតយ៉ាងដំណំ តែមិនបណ្តាលឱ្យមនុស្សណាម្នាក់រងរបួសនោះទេ ។
ហេតុការណ៍ខាងលើនេះបានកើតឡើងកាលពីវេលាម៉ោង៥និង៣៥នាទីល្ងាចថ្ងៃទី១ ខែកញ្ញា ឆ្នាំ ២០២១ តាមបណ្តោយផ្លូវជាតិលេខ4 ចន្លោះគីឡូម៉ែត្រលេខ185-186 ស្ថិតក្នុងភូមិត្រពាំងស្អុយ2 ឃុំអណ្តូងថ្ម ស្រុកព្រៃនប់ ខេត្តព្រះសីហនុ ។
រថយន្តកុងតឺន័រ ពណ៌ស ពាក់ស្លាកលេខ ភ្នំពេញ 3D-1286 អ្នកបើកបរមិនស្គាល់អត្តសញ្ញាណ បានរត់គេចខ្លួនបាត់ ចំណែកម៉ូតូមួយគ្រឿងដែលរងការខូចខាត ម៉ាកហ្ស៊ូមមើ ពណ៌ក្រហមលាយខ្មៅ ពាក់ស្លាកលេខ ព្រះសីហនុ 1E-5824 អ្នកបើកបរមិនស្គាល់អត្តសញ្ញាណ និងរថយន្តគ្រឿងទៀតដែលរងការខូចខាតយ៉ាងដំណំ ម៉ាកណាវ៉ារ៉ា (Navara) ពណ៌ស ពាក់ស្លាកលេខ ភ្នំពេញ 2AU-2961 អ្នកបើកបរឈ្មោះ សុង ពិសី ភេទប្រុស អាយុ49ឆ្នាំ ទីលំនៅភូមិ1 សង្កាត់2 ក្រុងព្រះសីហនុ ខេត្តព្រះសីហនុ។
តាមប្រភពព័ត៌មានបានឱ្យដឹងថា មុនពេលកើតហេតុ រថយន្តកុងតឺន័រ បានធ្វើដំណើរក្នុងទិសដៅពីខេត្តព្រះសីហនុទៅរាជធានីភ្នំពេញ លុះមកដល់ចំណុចកើតហេតុខាងលើ ក៏បានបុ.កម៉ូតូមួយគ្រឿងម៉ាកហ្ស៊ូមមើរ ដែលមានទិសដៅស្របគ្នា បណ្តាលឱ្យម៉ូតូរងការខូចខាត ហើយរថយន្តកុងតឺន័របានរេចង្កូតទៅបុ.ករថយន្តមួយគ្រឿងទៀតម៉ាកណាវ៉ារ៉ា ពណ៌ស ធ្លាក់ចេញពីផ្លូវចូលក្នុងទឹកប្រឡាយ ដោយទូកុងតឺន័រនោះផ្អៀងសង្កត់ពីលើរថយន្តពណ៌ស បណ្តាលឱ្យរងការខូចខាតយ៉ាងដំណំ តែមិនបណ្តាលឱ្យមនុស្សណាម្នាក់រងរបួសនោះទេ ។ បន្ទាប់ពីកើតហេតុ អ្នកបើកបរថយន្តកុងតឺន័របានរត់គេចខ្លួនបាត់ ។
ក្រោយពេលកើតហេតុ រថយន្តទាំង2គ្រឿង និងម៉ូតូមួយគ្រឿង ត្រូវបានសមត្ថកិច្ចស្ទូចយកទៅរក្សាទុកនៅអធិការរដ្ឋាននគរបាលស្រុកព្រៃនប់ ដើម្បីរង់ចាំធ្វើការដោះស្រាយនៅពេលក្រោយទៀត ៕
ចែករំលែកព័តមាននេះ