ផ្ទុះជំងឺគ្រុនក្តៅ“អាថ៌កំបាំង”នៅឥណ្ឌា សម្លា.ប់មនុស្សភាគច្រើនជាកុមា.រ
ឥណ្ឌា ៖ អស់រយៈពេលជាងមួយសប្តាហ៍មកហើយ ដែលក្មេងៗនៅតាមបណ្តាស្រុកមួយចំនួន ក្នុងរដ្ឋ អ៊ុតតា ប្រាដេស Uttar Pradesh ស្ថិតភាគខាងជើងប្រទេសឥណ្ឌា…
ឥណ្ឌា ៖ អស់រយៈពេលជាងមួយសប្តាហ៍មកហើយ ដែលក្មេងៗនៅតាមបណ្តាស្រុកមួយចំនួន ក្នុងរដ្ឋ អ៊ុតតា ប្រាដេស Uttar Pradesh ស្ថិតភាគខាងជើងប្រទេសឥណ្ឌា បានភ្ញាក់ពីគេងឡើង ដោយមានគ្រុនក្តៅខ្លាំង និងបែកញើសពេញខ្លួន ។
ពួកគេភាគច្រើន ត្អូញត្អែរពីការឈឺចាប់សន្លាក់ ឈឺក្បាល ខះជាតិទឹក និងចង្អោរ ក្នុងករណីខ្លះពួកគេឡើងកន្ទួលក្រហម រាលដាលពាសពេញជើង និងដៃ ។
យ៉ាងហោចណាស់ មនុស្ស៥០នាក់ ដែលភាគច្រើនជាកុមារ បានស្លាប់ ដោយសារ “គ្រុនក្តៅ អាថ៌កំបាំង” ហើយមនុស្សរាប់រយនាក់ទៀត ត្រូវបានបញ្ជូនទៅកាន់ មន្ទីរពេទ្យស្រុក ចំនួន៦ទៀត នៅភាគខាងកើត នៃរដ្ឋអ៊ុតតាប្រាដេស ។ គ្មានអ្នកស្លាប់ណាម្នាក់ ត្រូវបានធ្វើតេស្តរកឃើញ វិជ្ជមានចំពោះវីរុសកូវីដ-១៩ ទេ ។
អ្នកជំនាញខាងរោគវិទូឥណ្ឌា និយាយដោយមិនបញ្ចេញឈ្មោះថា ភ្លាមៗយើងមិនមានកំណត់ត្រាច្បាស់លាស់ អំពីរបៀបដែលជំងឺគ្រុនទាំងនេះបានចាប់ផ្តើម និងវិវឌ្ឍន៍ឡើយ ខណៈមនុស្សជាច្រើន កំពុងបន្តធ្វើដំណើរទៅកាន់មន្ទីរពេទ្យរដ្ឋ ដើម្បីព្យាបាល ។ វាស្ថិតក្នុងអាថ៌កំបាំងត្រង់ថាយើងមិនទាន់ដឹងពីជំងឺគ្រុននេះបង្កឡើងដោយវីរុសប្រភេទអ្វី ជាគ្រុនឈាម ឫគ្រុនចាញ់ នោះទេ ? ប៉ុន្តែចំពោះការស្លាប់នៅក្នុងរដ្ឋអ៊ុតតាប្រាដេស អាចជាជំងឺគ្រុនឈាមច្រើនជាង ។ នៅពេលនេះ យើងកំពុងធ្វើការស៊ើបអង្កេតឲ្យបានត្រឹមត្រូវលើរឿងនេះ ។
នៅគ្រា ដែលប្រទេសឥណ្ឌា មានចំនួនអ្នកឆ្លងកូវីដ-១៩ ហាក់ដូចជាថយចុះបន្តិចម្តងៗ បែរជាមានអ្នកស្លាប់នៅរដ្ឋ អ៊ុតតាប្រាដេស ដែលមានប្រជាជនជាង២០០លាននាក់ បង្កឲ្យមានការភ័យស្លន់ស្លោរពាសពេញទីជនបទ នៃរដ្ឋនេះ ។
វេជ្ជបណ្ឌិត Neeta Kulshrestha មន្ត្រីសុខាភិបាលជាន់ខ្ពស់ ប្រចាំស្រុក Firozabad អោយដឹងថា នៅក្នុងស្រុកនេះ មានមនុស្ស ៤០នាក់ហើយ ក្នុងនោះមានកុមារ ៣២នាក់បានស្លាប់ កាលពីសប្តាហ៍មុន ៕
ចែករំលែកព័តមាននេះ