ខេត្តពោធិ៍សាត់ ៖ សិស្សអនុវិទ្យាល័យពោធិ៍សាត់ពីរនាក់ ក្នុងចំណោម០៤នាក់ បានលង់ទឹកស្លាប់ ខណៈពេលពួកគេចុះងូតទឹកលេង កាលពីវេលាម៉ោង០២និង៤៥នាទីរសៀល ថ្ងៃទី៣០ មករា ២០១៦ នៅក្នុងស្ទឹងពោធិ៍សាត់ខាងក្រោយសណ្ឋាគារខេអឹម ស្ថិតក្នុងភូមិពាលញែក១សង្កាត់ផ្ទះព្រៃ ក្រុងពោធិ៍សាត់។
សិស្សសាលាដែលលង់ទឹកស្លាប់ទាំងពីរនាក់នេះ ១-ឈ្មោះប៊ូ អេលីហ្សា ភេទស្រី អាយុ១៣ឆ្នាំ រៀនថ្នាក់ទី៧ នៃអនុវិទ្យាល័យពោធិ៍សាត់ មានឪពុកឈ្មោះប៊ូ ភារម្យ អាយុ៤៥ឆ្នាំ ជាបុរសពោះម៉ាយរស់នៅភូមិបាក់រទេះ សង្កាត់ព្រៃញី ក្រុងពោធិ៍សាត់ និង២-ឈ្មោះពិន សុខពិសី ភេទស្រី អាយុ១២ឆ្នាំ រៀនថ្នាក់ទី៧ នៃអនុវិទ្យាល័យពោធិ៍សាត់ដូចគ្នា ដែលមានឪពុកឈ្មោះពិន វណ្ណា អាយុ៥៥ឆ្នាំ និងម្ដាយឈ្មោះស៊ិន សុភារ៉ន អាយុ៥៦ឆ្នាំ រស់នៅភូមិបន្ទាយដី សង្កាត់បន្ទាយដី ក្រុងពោធិ៍សាត់។
សូមបញ្ជាក់ថា កន្លែងលង់ទឹកនោះជារណ្ដៅបូមខ្សាច់មានជម្រៅជិត២ម៉ែត្រ ដែលគេបូមខ្សាច់យកធ្វើសំណង់បន្សល់ទុករណ្ដៅនៅទីនោះ បង្កគ្រោះថ្នាក់លង់ទឹកស្លាប់ដល់សិស្សសាលាទាំង០២នាក់បែបនេះ។
ចែករំលែកព័តមាននេះ