ក្បួនតម្រាចារមកថា បាតដៃបានប្រាប់យើងឱ្យដឹងពីចរិតលក្ខណៈ និងជោគវាសនារបស់មនុស្សគ្រប់រូប ប៉ុន្តែអ្នកដែលមានខ្សែបាតដៃទាំងបួនប្រភេទនេះមានលក្ខណៈពិសេសជាងគេ ។ តាមក្បួនទស្សន៍ទាយបាតដៃ មនុស្សដែលមានបាតដៃបួនបែបនេះគឺមានញាណពិសេសប្លែកគេតាំងពីកំណើតមក និងជាដៃគូដ៏អស្ចារ្យក្នុងការងារ និងមុខជំនួញទាំងឡាយ ។…
ក្បួនតម្រាចារមកថា បាតដៃបានប្រាប់យើងឱ្យដឹងពីចរិតលក្ខណៈ និងជោគវាសនារបស់មនុស្សគ្រប់រូប ប៉ុន្តែអ្នកដែលមានខ្សែបាតដៃទាំងបួនប្រភេទនេះមានលក្ខណៈពិសេសជាងគេ ។ តាមក្បួនទស្សន៍ទាយបាតដៃ មនុស្សដែលមានបាតដៃបួនបែបនេះគឺមានញាណពិសេសប្លែកគេតាំងពីកំណើតមក និងជាដៃគូដ៏អស្ចារ្យក្នុងការងារ និងមុខជំនួញទាំងឡាយ ។
ហេតុនេះប្រសិនបើអ្នកមានប្រភេទបាតដៃដូចបាតដៃទាំង៤ប្រភេទខាងក្រោមនេះណាមួយ ក៏អ្នកមានសំណាងពេញមួយជីវិតដែរ អ្វីដែលសំខាន់គឺ សំណាងទាំងការងារ ទាំងលុយកាក់ មិនពិបាករក មិនចេះខ្វះខាតនោះឡើយ ។
១-មនុស្សដែលមានម្រាមដៃកណ្តាលវែង គឺជាមនុស្សដែលខ្ជាប់ខ្ជួនក្នុងការស្វែងរកសំណាង និងមានអំណាចច្រើន ។ ពួកគេនឹងមានអនាគតល្អប្រសើរ ជួបតែភាពរុងរឿងពេញមួយជីវិត ។ បុគ្គលនេះនឹងកំណត់គោលដៅវែងឆ្ងាយសម្រាប់ខ្លួនឯងច្បាស់លាស់ ដូច្នេះពួកគេទទួលបានជោគជ័យយ៉ាងយ៉ាងត្រចះត្រចង់ ។
២-មនុស្សដែលមានស្បែកបាតដៃមានសាច់ពេញ និងទន់ អ្នកដែលមានបាតដៃសុទ្ធតែសាច់ជាមួយនឹងភាពទន់ល្មើយ ដែលអាចបត់បែនបានងាត ជាធម្មតាគឺជាមនុស្សដែលមានសុខភាពល្អ និងមានឆន្ទៈខ្លាំងជាងមនុស្សទូទៅ ។ មនុស្សទាំងនេះតែមានឆន្ទៈកំណត់គោលដៅច្បាស់លាស់នៅក្នុងដំណើរជីវិត ពួកគេប្រាកដជានឹងសម្រេចបានយ៉ាងឆាប់នូវផលល្អក្នុងការងារផ្សេងៗ ដូច្នេះពួកគេនឹងទទួលបានជោគជ័យក្នុងជីវិតយ៉ាងងាយ និងមានជីវិតដែលពេញលេញទៅដោយសំណាងល្អក្រៃលែង ។
៣-មនុស្សដែលមានបាតដៃពណ៌ក្រហមស្រាល ឬផ្កាឈូក អ្នកដែលមានបាតដៃប្រភេទនេះនឹងបង្ហាញពីសុខភាពល្អ ឈាមរត់បានល្អ តែយ៉ាងណាមិញ សម្រាប់បាតដៃប្រភេទនេះ មិនត្រឹមតែបញ្ជាក់ពីសុខភាពអ្នកប៉ុណ្ណោះទេ វាថែមទាំងបង្ហាញពីសំណាងកកើនយ៉ាងច្រើនផងដែរ ។ សម្រាប់អ្នកដែលមានដៃបែបនេះ ទាំងអាជីពការងារ ទាំងចំណូលចូលកាក់កបកើនល្អណាស់ ចំពោះស្នេហាក៏រលូនខ្លាំងដែរ ។
៤-មនុស្សដែលមានបាតដៃមានសំណើមជានិច្ច ជាបាតដៃដែលមានខ្យល់ចេញចូលល្អ សម្រាប់មនុស្សដែលមានបាតដៃមានសំណើម មិនស្ងួត មិនប្រេះ ច្រើនតែជាមនុស្សដែលមានលាភចូលគ្រប់ច្រក ដូច្នេះពួកគេងាយនឹងទទួលបានជោគជ័យ គ្រប់អ្វីដែលពួកគេធ្វើ ។ លើសពីនេះ ភាគច្រើនគឺជាមនុស្សស្មោះត្រង់ ដូច្នេះមិនថាស្ថិតនៅទីណាទេ ពួកគេនឹងមានតែមនុស្សស្រឡាញ់ ចូលចិត្ត អាណិត រាប់អាន និងតែងតែជួយជ្រោមជ្រែងពួកគេគ្រប់កាលៈទេសៈ ៕ សាន សារិន
ចែករំលែកព័តមាននេះ