រាជធានីភ្នំពេញ ៖ មានការភ្ញាក់ផ្អើលមួយ កាលពីវេលាម៉ោង១១ព្រឹកថ្ងៃទី២៧ មករា ២០១៦ នៅសាលាដំបូងរាជធានីភ្នំពេញ ខណៈមានស្ត្រីម្នាក់បានស្រែកយំ និងប្រទាញប្រទង់ដណ្តើមកូនដែលជាប់ខ្នោះដៃពីសមត្ថកិច្ច ដោយសម្លេងស្រែកយំ និងនិយាយផងថា «កូនគាត់ខុសអី បានជាចាប់កូនគាត់យកទៅដាក់គុក» ។
រាជធានីភ្នំពេញ ៖ មានការភ្ញាក់ផ្អើលមួយ កាលពីវេលាម៉ោង១១ព្រឹកថ្ងៃទី២៧ មករា ២០១៦ នៅសាលាដំបូងរាជធានីភ្នំពេញ ខណៈមានស្ត្រីម្នាក់បានស្រែកយំ និងប្រទាញប្រទង់ដណ្តើមកូនដែលជាប់ខ្នោះដៃពីសមត្ថកិច្ច ដោយសម្លេងស្រែកយំ និងនិយាយផងថា «កូនគាត់ខុសអី បានជាចាប់កូនគាត់យកទៅដាក់គុក» ។
ទាក់ទិនរឿងនេះ ត្រូវគេដឹងថា បុរសដែលសមត្ថកិច្ចស្លៀកពាក់ស៊ីវិលនាំខ្លួនទៅកាន់ពន្ធនាគារ ឈ្មោះគង់ ដាវី ហៅគង់ រ៉ាវី អាយុ២៧ឆ្នាំ ជនជាតិខ្មែរ-អ៊ិស្លាម ជាជាងដែក (ធ្វើកាំបិត-ពូថៅ) ស្នាក់នៅផ្ទះគ្មានលេខ ជួរមាត់ទន្លេ ក្នុងភូមិឃ សង្កាត់ច្រាំងចំរេះ២ ខណ្ឌប្ញស្សីកែវ រាជធានីភ្នំពេញ ។
នៅព្រឹកថ្ងៃដដែលនោះ គេឃើញចៅក្រមស៊ើមសួរសាលាដំបូងរាជធានីភ្នំពេញ បានបញ្ជាឱ្យឈ្មោះគង់ ដាវី ហៅគង់ រ៉ាវី ទៅសាក សួរលើបណ្តឹងមួយ ដែលតំណាងអយ្យការបានចោប្រកាន់ពីបទហិង្សា ដោយចេតនាមានស្ថានទម្ងន់ទោស ។ ហើយនេះ ក៏មិនមែនជាការកោះហៅជាលើកទីមួយដែរ ។ ប្រភពបន្តថា ការបញ្ជាឱ្យចូលខ្លួនរបស់ចៅក្រមស៊ើបសួរ គឺយោងតាមបណ្តឹងរបស់ជនរងគ្រោះឈ្មោះម៉ាន់ ពិសី ភេទស្រី អាយុ៣៧ឆ្នាំ ជាអ្នកលក់ត្រី និងជនរងគ្រោះម្នាក់ទៀតឈ្មោះទីណា សាហ្វីអាន ភេទប្រុស អាយុ១៦ឆ្នាំ ជាសិស្ស ជនជាតិឥស្លាមដូចគ្នា ស្នាក់នៅផ្ទះលេខ១៨៦៥ ភូមិឃ ផ្លូវជាតិលេខ៥ សង្កាត់ច្រាំងចំរះ២ ខណ្ឌប្ញស្សីកែវ រាជធានីភ្នំពេញ ។
ក្នុងពាក្យបណ្តឹងរបស់ជនរងគ្រោះ២នាក់ បានចោទប្រកាន់ទៅលើឈ្មោះគង់ ដាវី ហៅគង់ រ៉ាវី ថា កាលពីថ្ងៃទី៣ វិច្ឆិកា ២០១៥ វេលាម៉ោង៨ និង៣០នាទីយប់ ភាគីទាំង២បានទំនាស់ពាក្យសម្តីមួយកើតឡើងស្ថិតនៅទីតាំងភូមិ-សង្កាត់ខាងលើ ។ ដំបូងអ្នកស្រីគង់ ណុប ជាម្តាយរបស់ឈ្មោះគង់ ដាវី ទាស់សំដីជាមួយភាគីដើមបណ្តឹងជេរបញ្ចោគ្នាទៅវិញទៅមក ។ មួយសន្ទុះឈ្មោះគង់ ដាវី ហៅគង់ រ៉ាវី ឃើញម្តាយមានជម្លោះជាមួយអ្នកជិតខាងបែបនេះ បានទាវកាំបិតខ្វែវកាប់ទៅលើភាគីម្ខាង បណ្តាលឱ្យមនុស្ស២នាក់រងរបួសជាទម្ងន់ ។
ចែករំលែកព័តមាននេះ