ស្រុកព្រៃនប់ ៖ យុវជនម្នាក់ត្រូវបានកម្លាំងកងរាជអាវុធហត្ថស្រុកព្រៃនប់ ឃាត់ខ្លួននាំមកកាន់មូលដ្ឋានកងរាជអាវុធហត្ថស្រុក ក្រោយពីធ្វើសកម្មភាពគប់រថយន្តអ្នកដំណើរដែលគេជិះជាលក្ខណៈគ្រួសារ ។ ការឃាត់ខ្លួននេះធ្វើឡើងនៅវេលាម៉ោង៣និង២០នាទីរសៀលថ្ងៃទី២៦ សីហា ស្ថិតនៅភូមិសំរុង ឃុំសំរុងស្រុកព្រៃនប់…
ស្រុកព្រៃនប់ ៖ យុវជនម្នាក់ត្រូវបានកម្លាំងកងរាជអាវុធហត្ថស្រុកព្រៃនប់ ឃាត់ខ្លួននាំមកកាន់មូលដ្ឋានកងរាជអាវុធហត្ថស្រុក ក្រោយពីធ្វើសកម្មភាពគប់រថយន្តអ្នកដំណើរដែលគេជិះជាលក្ខណៈគ្រួសារ ។ ការឃាត់ខ្លួននេះធ្វើឡើងនៅវេលាម៉ោង៣និង២០នាទីរសៀលថ្ងៃទី២៦ សីហា ស្ថិតនៅភូមិសំរុង ឃុំសំរុងស្រុកព្រៃនប់ ខេត្តព្រះសីហនុ ។ ជនសង្ស័យបានសារភាពថា «ខ្លួនពិតជាបានគប់កញ្ចក់ឡានពិតប្រាដកមែន ហើយមូលហេតុនោះ គឺខឹងលើរថយន្តផ្សេងមុនបើកមកប៉ះដៃខ្លួនដែលកំពុងតែដើរ» ។
លោកអនសេនីយ៍ឯក ម៉ែន វណ្ណា មេបញ្ជាការស្តីទីមូលដ្ឋានកងរាជអាវុធហត្ថស្រុកព្រៃនប់បានអោយដឹងថា ជនសង្ស័យឈ្មោះង៉ែត ភារម្យ អាយុ២៣ឆ្នាំ ជាជាងជួសជុលរថយន្ត មានទីលំនៅបច្ចុប្បន្នភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ បានធ្វើសកម្មភាពគប់រថយន្ត ដែលកំពុងបើកបរតាមបណ្តោយផ្លូវជាតិ កាលពីវេលាម៉ោង២១នាទី ថ្ងៃទី២១ ខែសីហា ឆ្នាំ២០២១ (៥ថ្ងៃមុន) បណ្តាលអោយត្រូវកញ្ចក់ចំហៀងបែកធ្លាក់ តែជាសំណាងមិនបង្កអោយមានគ្រោះដល់មនុស្សក្នុងរថយន្តឡើយ ។
លោកបន្តថា នេះគឺជាសកម្មភាពមួយដែលថ្នាក់ដឹកនាំតែងតែណែនាំជាបន្តបន្ទាប់ ដល់កម្លាំងក្នុងអង្គភាពត្រូវយកចិត្តទុកដាក់បង្ក្រាបអោយបានយកមកអនុវត្តន៍ច្បាប់ដល់ជនដែលបង្ក ព្រោះករណីនេះប៉ះពាល់ដល់សណ្តាប់ធ្នាប់សង្គម សុវត្ថិភាព ភូមិ ឃុំ និងអាចបង្ករអោយមនុស្សមានគ្រោះថ្នាក់បាន ។
ចែករំលែកព័តមាននេះ