ខេត្តកំពត ៖ ម្ចាស់កសិដ្ឋានជនជាតិចិនបានដាក់ទុនចិញ្ចឹមបង្គារនិងក្ដាមនៅចំណុចជាប់ព្រំដែនវៀតណាម ស្ថិតនៅភូមិកោះចម្ការឃុំបឹងសាលាខាងត្បូង ស្រុកកំពង់ត្រាច ខេត្តកំពត ប៉ុន្តែកសិដ្ឋានចិញ្ចឹមបង្គារនិងក្ដាមមួយនេះ ត្រូវបានខាតបង់លុយរាប់ម៉ឺនដុល្លារឯណោះ រហូតដល់ម្ចាស់កសិដ្ឋានប្រកាសលក់ម៉ាស៊ីនរាប់រយគ្រឿងសម្រាប់បូមទឹកដាក់ស្រែបង្គារ និងលក់សម្ភារជាច្រើនទៀត…
ខេត្តកំពត ៖ ម្ចាស់កសិដ្ឋានជនជាតិចិនបានដាក់ទុនចិញ្ចឹមបង្គារនិងក្ដាមនៅចំណុចជាប់ព្រំដែនវៀតណាម ស្ថិតនៅភូមិកោះចម្ការឃុំបឹងសាលាខាងត្បូង ស្រុកកំពង់ត្រាច ខេត្តកំពត ប៉ុន្តែកសិដ្ឋានចិញ្ចឹមបង្គារនិងក្ដាមមួយនេះ ត្រូវបានខាតបង់លុយរាប់ម៉ឺនដុល្លារឯណោះ រហូតដល់ម្ចាស់កសិដ្ឋានប្រកាសលក់ម៉ាស៊ីនរាប់រយគ្រឿងសម្រាប់បូមទឹកដាក់ស្រែបង្គារ និងលក់សម្ភារជាច្រើន
ទៀត ។
លោកឌឹម សាយ ភេទប្រុស អាយុ៥៩ឆាំ្ន នៅភូមិកោះចំការ និងជាអ្នកបំរើការងារនៅកសិដ្ឋានបាននិយាយប្រាប់អោយដឹង កាលពីព្រឹកថ្ងៃទី២២ សីហា ថា កសិដ្ឋានចិញ្ចឹមចិញ្ជឹមបង្គារនិងក្ដាមនេះ ជារបស់ចិនបានជួលដីលោកតាំងលី ដែលមានផ្ទៃដីសម្រាប់ចិញ្ចឹមបង្គារចំនួន១៩៥ហិកតា នៅជាប់ព្រំដែនវៀតណាម ។
លោកឌឹម សាយ ជាអ្នកស្និទ្ធនិងការងារចិញ្ចឹមបង្គារនិយាយថា ចាប់ផ្ដើមបើកកសិដ្ឋានចិញ្ចឹមបង្គារក្ដាមនៅចុងឆាំ្ន2018 និងមានជនជាតិចិនជាច្រើននាក់និងកម្មករជាខ្មែរ ។ លោកឌឹម សាយ និយាយថា ការចិញ្ចឹមបង្គារបានប្រមូលផលប្រហែល១ឆាំ្នតែប៉ុណ្ណោះ ស្របពេលមានជំងឺកូវីដ19ផង ជនជាតិចិនក៏បានរំសាយកម្មកខ្មែរអស់ ។ ស្រែបង្គារក៏មិនបានបូមទឹកបញ្ជូន និងជនជាតិចិនក៏បានចាក់ចេញអស់ គ្រប់គ្រងលែងបាននៅតែជនជាតិចិនម្នាក់គត់ថែមើលស្រែបង្គារ ។ ស្រាប់តែនៅឆាំ្ន2021នេះ ម្ចាស់អ្នកចិញ្ចឹមបង្គារដែលមានជនជាតិចិនតែម្នាក់ឯង បានប្រកាសលក់ម៉ាស៊ីនបូមទឹកដាក់ស្រែបង្គារជាង១០០គ្រឿង ។
លោកនិយាយថា ខ្លួនអាណិតជនជាតិចិនណាស់យកលុយ50ទៅ60ម៉ឺនដុល្លារមកចោលនៅទីនេះ ដោយឡុងចុងអស់រហូត
ដល់លក់ម៉ាស៊ីន និងផ្ទះ សម្រាប់ស្នាក់នៅក៏លក់និងដឹកជញ្ជូនតាមទូកបណ្ដើរសម្ភារខ្លះក៏បានលក់ និងសម្ភារខ្លះមិនទាន់ត្រូវ
ថ្លៃ។
ចែករំលែកព័តមាននេះ