ខេត្តតាកែវ ៖ បើយើងធ្វើដំណើរមកដល់ផ្សារកំពុងជ្រែ ក្នុងឃុំស្មោង ស្រុកទ្រាំង ខេត្តតាកែវ រួចបត់ឆ្វេងផ្លូវទៅស្រុកកោះអណ្តែតខាងកើតផ្សារតែ៥០០ម៉ែត្រយើងឃើញគំនរសំរាមចំនួន២កន្លែងដែលអ្នកប្រមូលភាស៊ីផ្សារកំពុងជ្រែយកទៅចាក់ចោល រាប់សិបឆ្នាំមកហើយ ដោយមិនមានវិធានការ ដើម្បីចាត់ការនៅលើរឿងគំនរសំរាមដែលគេគរទុកចោលរហូតស្អុយរលួយនេះឡើយ…
ខេត្តតាកែវ ៖ បើយើងធ្វើដំណើរមកដល់ផ្សារកំពុងជ្រែ ក្នុងឃុំស្មោង ស្រុកទ្រាំង ខេត្តតាកែវ រួចបត់ឆ្វេងផ្លូវទៅស្រុកកោះអណ្តែតខាងកើតផ្សារតែ៥០០ម៉ែត្រយើងឃើញគំនរសំរាមចំនួន២កន្លែងដែលអ្នកប្រមូលភាស៊ីផ្សារកំពុងជ្រែយកទៅចាក់ចោល រាប់សិបឆ្នាំមកហើយ ដោយមិនមានវិធានការ ដើម្បីចាត់ការនៅលើរឿងគំនរសំរាមដែលគេគរទុកចោលរហូតស្អុយរលួយនេះឡើយ ។
ប្រជាពលរដ្ឋរស់នៅភូមិកំពុងជ្រែបានអោយដឹងនៅថ្ងៃទី២១ ខែសីហានេះថា គំនរសំរាមចំនួន២កន្លែង នៅខាងកើតផ្សារកំពុងជ្រែនេះ ត្រូវបានមេភាស៊ីផ្សារគេបានប្រមូលពីផ្សារយកទៅបោះចោលនៅទីនោះ រាប់សិបឆ្នាំណាស់មកហើយ ចំណែកលោកមេឃុំ លោកចៅហ្វាយស្រុកទ្រាំងមិនបានអើពើ ដើម្បីកុំអោយមេភាស៊ីផ្សារកំពុងជ្រែនេះ អោយយកសំរាមបោះចោលកន្លែងផ្សារ ដើម្បីកុំអោយគចោលនៅជាប់ចឹញ្ចើមផ្លូវនោះឡើយ យើងជាប្រជាពលរដ្ឋមិនដឹងទៅពឹងអ្នកណា បើអាជ្ញាធរឃុំ ស្រុក មិនអោយអើពើបែបនេះ។
ប្រជាពលរដ្ឋដដែលបានបន្តទៀតថា រដូវនេះជាខែវស្សាតែងតែមានភ្លៀងធ្លាក់មកស្ទើតែរាល់ថ្ងៃ និងធ្វើអោយគំនរសំរាមនៅទីនោះបានស្អុយរលួយចេញជាដង្កូវថែមទៀតផង ហើយបើសិនបងប្អូនធ្វើដំណើទៅស្រុកកោះអណ្តែតដោយឆ្លងកាត់គំនរសំរាមនោះត្រូវបិទច្រមុះ បើមិនអញ្ចឹងនិងមានក្លិនស្អុយស្ទើរទ្រាំមិនបាន ចេញពីគំនរសំរាមស្អុយរលួយនេះ។
ពាក់ព័ន្ធនឹងករណីខាងលើនេះ លោកឈួន ផានី អភិបាលស្រុកទ្រាំងបានប្រាប់តាមទូរស័ព្ទដោយលោកឆ្លើយថា មេភាស៊ីផ្សារហ្នឹងពិបាកដល់ហើយ លោកនឹងអោយគេហៅគាត់មកនិយាយគ្នាជាមួយមន្ទីរសេដ្ឋកិច្ច និងហិរញ្ញវត្ថុ ព្រោះគាត់មានកន្លែងរួចហើយតែមិនដឹងជាយ៉ាងម៉េចគាត់យកសំរាមទៅចាក់នៅហ្នឹងទេ លុះពេលលោកហៅមេភាស៊ីមកសួរនាំ គាត់បែរជាឆ្លើយថា សំរាមនឹងមានប្រជាពលរដ្ឋរស់នៅក្បែផ្សារនោះយកទៅបោះចោលទីនោះ ហើយលោកក៏ប្រាប់អោយគាត់ជាមេភាស៊ីផ្សារនោះ រកមុខអ្នកដែលយកសំរាមទៅចោលនៅទីនោះ មកអោយគាត់ តែមេភាស៊ីរូបនេះ គេចមិនមកជួបគាត់ឡើយ។
លោក ឈួន ផានី អភិបាលស្រុកទ្រាំងបានបញ្ជាក់ថា លោកបានប្រាប់ទៅមន្ទីរសេដ្ឋកិច្ច និងហិរញ្ញវត្ថុខេត្តដែរថា ឈប់អោយយាយហ្នឹងយកភាស៊ីផ្សារកំពុងជ្រែទៀតទៅ ព្រោះគាត់ធ្វើអោយផ្សារគ្មានអនាម័យ និងប្រមូលសំរាមយកទៅចោលលើចឹញ្ចើមផ្លូវពីខាងកើតផ្សារនិយាយណែនាំមិនស្តាប់ទេ តែមិនដឹងយ៉ាងម៉េចយាយនេះ មកប្រមូលភាស៊ីផ្សារកំពុងជ្រែដដែល ដោយគាត់ដេញថ្លៃបានហើយមេភាស៊ីផ្សារនេះ លោកបានហៅមកធ្វើកិច្ចសន្យាច្រើនសារណាស់ហើយ តែគាត់មិនស្តាប់អាជ្ញាធរស្រុកសោះ ។
ចំពោះចំណាត់ការលោកនឹងអោយលោកអភិបាលរងហៅគាត់អោយធ្វើកិច្ចសន្យាអោយបានច្បាស់លាស់ ហើយយើងរាយការណ៍ទៅមន្ទីរសេដ្ឋកិច្ចនិងហិរញ្ញវត្ថុខេត្តព្រោះផ្សារនេះ ស្ថិតក្នុងការគ្រប់គ្រងរបស់មន្ទីរសេដ្ឋកិច្ច ហើយអាជ្ញាធរជាអ្នកមើលការខុសត្រូវ តែរឿងលុយកាក់នៅលើមន្ទីរសេដ្ឋកិច្ចខេត្តនោះ តែខាងខេត្តអោយស្រុកជួយមើលផងដែរ ឡូវអោយហៅយាយនឹងមកធ្វើកិច្ចសន្យាអោយឈប់យកសំរាមទៅបោះចោលនៅចឹញ្ចើមផ្លូវបន្តទៀត ព្រោះកន្លែងរបស់គាត់មានទុកសំរាមត្រឹមត្រូវ គាត់មិនគួយកទៅចាក់ចោលនៅចឹញ្ចើមផ្លវបែបនេះទេ ៕
ចែករំលែកព័តមាននេះ