សាក្សីម្នាក់នៅកន្លែងកើតហេតុនិយាយថា មនុស្សច្រើននាក់បានត្រូវស្លា.ប់ កាលពីថ្ងៃទី១៩ ខែសីហា ឆ្នាំ២០២១ នៅទីក្រុងអាសាដាបាដ ភាគឦសានអាហ្វហ្គានីស្ថាន ពេលពួកតាលីបង់បា.ញ់លើពួកបាតុករ១ក្រុម ដែល
ប្រទេសអាហ្វហ្គានីស្ថាន ៖ សាក្សីម្នាក់នៅកន្លែងកើតហេតុនិយាយថា មនុស្សច្រើននាក់បានត្រូវស្លា.ប់ កាលពីថ្ងៃទី១៩ ខែសីហា ឆ្នាំ២០២១ នៅទីក្រុងអាសាដាបាដ ភាគឦសានអាហ្វហ្គានីស្ថាន ពេលពួកតាលីបង់បាញ់លើពួកបាតុករ១ក្រុម ដែលលើកទង់ជាតិ ក្នុងការប្រមូលផ្ដុំមនុស្សមួយ នាឱកាសបុណ្យឯករាជ្យជាតិរបស់ប្រទេស។
សាក្សីរូបនោះជាប្រជាជនក្រុងអាសាដាបាដទីប្រជុំជនខេត្តគូណា នៅជាប់ព្រំដែនជាមួយប៉ាគីស្ថានអះអាងថា គាត់មិនច្បាស់ដែរក្នុងពេលភ្លាមៗថា តើជនរងគ្រោះទាំងនេះសុទ្ធតែស្លា.ប់ក្រោមការបាញ់ប្រហារ? ឬក៏ដោយសារការរត់ជាន់គ្នាស្លា.ប់ឡើយ។
ថ្ងៃទី១៩ ខែសីហានោះដែរ ឱកាសបុណ្យឯករាជ្យជាតិលើកទី១០២ របស់អាហ្វហ្គានីស្ថាន មនុស្សច្រើននាក់ បាននាំគ្នាដើរហែក្បួនតាមដងវិថីនានា ដោយលើកទង់ជាតិចាស់ដែលនោះជាការផ្គើនចំពោះរដ្ឋអំណាចថ្មី់ពួកតាលីបង់ ដែលតម្រូវឲ្យប្រើទង់ពណ៌សរបស់ពួកគេ ដាក់តាមបណ្ដាអគាររដ្ឋ។
បាតុករទាំងនេះដែលមានពួកយុវជននិងនារី បាននាំគ្នាលើកទង់ជាតិ៣ពណ៌ ខ្មៅ ក្រហមនិងបៃតង នៅជិតតំបន់ WAZIR AKBAR KHAN ជាយក្រុងកាប៊ុល។ មានរថយន្តដឹកយុទ្ធជនតាលីបង់បើកកាត់ហ្វូងបាតុករ តែគ្រាន់បង្អង់រួចក៏បើកហួសទៅ។
EMIR AMANNULLAH KHAN បានប្រកាសឯករាជ្យអាហ្វហ្គានីស្ថានកាលពីឆ្នាំ១៩១៩ បន្ទាប់ពីសង្គ្រាមអង់គ្លេស-អាហ្វហ្គានីស្ដានលើកទី៣ រួចប្រទេសនេះចាប់តាំងពីពេលនោះមក បានផ្លាស់ប្ដូរទង់ជាតិច្រើនលើកបំផុត។ ទង់ជាតិចុងក្រោយគេប្រកាន់យកកាលពីឆ្នាំ២០១៣ជាទង់ជាតិមាន៣ពណ៌។
ក្រោយពេលពួកតាលីបង់ដណ្ដើមអំណាច កាលពីថ្ងៃទី១៨ មីនា នៅក្រុងហ្សាឡាឡាបាដ ពួកតាលីបង់បានបាញ់ឡើងលើ ដើម្បីបំបែកបាតុករ១ក្រុម ដែលលើទង់ជាតិអាហ្វហ្គានីស្ថាន។ រួចនាថ្ងៃទី១៧ ខែសីហា នារីអាហ្វហ្គានីស្ថាន១ក្រុមតូច បានធ្វើបាតុកម្មដោយលើកអាហ្វីស នៅមុខពួកតាលីបង់ ដែលកាន់អាវុធនៅក្រុងកាប៊ុល។
តាមកាសែតបារាំង LE PARISIEN ថា នារីទាំងនោះបានប្រមូលផ្ដុំគ្នាធ្វើបាតុកម្មរយៈពេលខ្លី នៅមុខច្រកចូលតំបន់បៃតងនៃសង្កាត់ការទូត ដើម្បីស្នើសិទ្ធិវិលត្រឡប់មកធ្វើការនៅទីនោះវិញ ក្នុងឋានៈជាចុងភៅ ជានារីបម្រើតាមផ្ទះ។ ពួកតាលីបង់នាគ្រាដំបូងប៉ុនប៉ងបំបែកពួកគេ តែមិនបានសម្រេច។
ចំណែកនៅព្រលានយន្តហោះក្រុងកាប៊ុល ពលរដ្ឋអាហ្វហ្គានីស្ថានច្រើនពាន់នាក់ ដែលប៉ុនប៉ងចាកចេញពីប្រទេស នៅជាប់គាំងនៅទីនោះ ដោយសហរដ្ឋអាមេរិកចោទពួកតាលីបង់ថា រាំងខ្ទប់មិនឲ្យពួកគេចាកចេញពីប្រទេស។ អ្នកទទួលខុសត្រូវជាន់ខ្ពស់ម្នាក់ របស់មន្ទីរប៉ង់តាហ្កោនគូសបញ្ជាក់ កាលពីថ្ងៃទី១៩ ខែសីហាថា ការជម្លៀសមនុស្សចេញពីក្រុងកាប៊ុលនៅបន្ត។ ចាប់តាំងពីថ្ងៃទី១៤សីហាមក មនុស្សប្រមាណជា៧.០០០នាក់ត្រូវជម្លៀសចេញរួចហើយពីអាហ្វហ្គានីស្ថានដោយកងទ័ពអាមេរិក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ