ចោទប្រកាន់មន្ត្រីយោធាពីបទ.ក្លែងលិខិតសាធារណៈ និងប្រើប្រាស់លិខិតសាធារណៈក្លែង
- ភ្នំពេញ
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី ១៩ ខែ
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី ១៩ ខែ
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ កាលពីរសៀលថ្ងៃទី ១៩ ខែសីហា ឆ្នាំ២០២១ បានសម្រេចធ្វើការចោទប្រកាន់មន្ត្រីយោធាម្នាក់ពីបទ.ក្លែងលិខិតសាធារណៈ និងប្រើប្រាសលិខិតសាធារណៈក្លែង និងបានចាត់បញ្ជូនទៅចៅក្រមស៊ើបសួរ ដើម្បីបន្តនីតិវិធី ។
មន្ត្រីយោធារូបនោះឈ្មោះ ហាក់ ឈាងលី ភេទប្រុស អាយុ៤៩ឆ្នាំ មានមុខរបរមួយទៀត ទិញ-លក់ និងជួលបញ្ចាំរថយន្ត ដែលមានទីតាំងស្ថិតនៅផ្លូវឯកឧត្តមជាសុផារ៉ា ក្នុងខណ្ឌឬស្សីកែវ រាជធានីភ្នំពេញ ។
ជនសង្ស័យត្រូវបានកម្លាំងសមត្ថកិច្ចនគរបាលនាយកដ្ឋានព្រហ្មទណ្ឌក្រសួងមហាផ្ទៃ ឃាត់ខ្លួនតាមដីកាបញ្ជារឲ្យចូលខ្លួនរបស់លោក ប្លង់ សុផល ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ពាក់ពន្ធទៅលើបណ្តឹងរបស់អតិថិជនជាដៃគូ ក្នុងមុខរបរជំនួញទិញ-លក់រថយន្តដូចគ្នា ។
តាមប្រភពព័ត៌មានបានឲ្យដឹងថា មុនកើតហេតុ ជនសង្ស័យបានទៅទិញរថយន្តជាច្រើនគ្រឿងពីដៃគូ តាមរូបភាពបង់រំលោះខ្លះ ឲ្យលុយខ្លះ ដោយមិនទាន់បង់គ្រប់ចំនួនតាមតម្លៃរថយន្តនោះទេ(លក់ហើយបានឲ្យលុយ)នេះជាទម្លាប់អ្នករកស៊ី ។ ពេលនោះភាគីទាំងពីរបានព្រមព្រៀងគ្នា ធ្វើលិខិតស្នាម និងកិច្ចសន្យាត្រឹមត្រូវស្របតាមច្បាប់អ្នករកស៊ី ដោយតម្រូវឲ្យភាគីខាងជនសង្ស័យបានដាក់អត្តសញ្ញាណប័នសញ្ជាតិខ្មែរ ឲ្យទៅភាគីដើមបណ្តឹង បញ្ជាក់ពីអត្តសញ្ញាណ និងទីកន្លែងស្នាក់នៅច្បាស់លាស់ ដើម្បីបានយករថយន្តទៅលក់ ។ លុះក្រោយមកដើមបណ្តឹងត្រូវការប្រាក់ ក៏បានទាក់ទងទៅជនសង្ស័យ ស្រាប់តែជនសង្ស័យផ្លាស់ប្តូរទីលំនៅ និងបិទទូរស័ព្ទទាក់ទងលែងបាន ដូច្នោះហើយជនរងគ្រោះក៏យកអត្តសញ្ញាណរបស់ជនសង្ស័យទៅប្តឹងសមត្ថកិច្ច ទើបបានដឹងថាជាអត្តសញ្ញាណប័នក្លែងក្លាយ នោះជាបទល្មើសក្លែងលិខិតសាធារណៈ និងប្រើប្រាស់លិខិតសាធារណៈក្លែង បានជាស្ថាប័នអយ្យការធ្វើការចោទប្រកាន់ជាផ្លូវការលើបទល្មើសនេះ ៕
ចែករំលែកព័តមាននេះ