ខេត្តបន្ទាយមានជ័យ ៖ ក្មេងស្រីម្នាក់មានអាការៈចុកពោះ ក្អួចចង្អោររហូតប្រកាច់ស្លា.ប់ បន្ទាប់ពីបានផឹកទឹកក្រូចអស់ចំនួន២ដបរួច ដែលហេតុការណ៍បានបង្កភ្ញាក់ផ្អើលកាលពីវេលាម៉ោង០១រំលងអធ្រាត ឈានចូលថ្ងៃទី១៧ សីហា រស់នៅភូមិតាម៉ាំង…
ខេត្តបន្ទាយមានជ័យ ៖ ក្មេងស្រីម្នាក់មានអាការៈចុកពោះ ក្អួចចង្អោររហូតប្រកាច់ស្លា.ប់ បន្ទាប់ពីបានផឹកទឹកក្រូចអស់ចំនួន២ដបរួច ដែលហេតុការណ៍បានបង្កភ្ញាក់ផ្អើលកាលពីវេលាម៉ោង០១រំលងអធ្រាត ឈានចូលថ្ងៃទី១៧ សីហា រស់នៅភូមិតាម៉ាំង ឃុំគោករមៀត ស្រុកថ្មពួក ខេត្តបន្ទាយមានជ័យ ។
នគរបាលមូលដ្ឋានបានឲ្យដឹងថា ក្មេងស្រីដែលបានបាត់បង់ជីវិតឈ្មោះឆេន ស្រីមុំ ភេទស្រី អាយុ១៧ឆ្នាំ រស់នៅភូមិតាម៉ាំង ឃុំគោករមៀត ស្រុកថ្មពួក ខេត្តបន្ទាយមានជ័យ ។ បើតាមអះអាងពីស្ត្រីជាម្តាយ ក៏ដូចជាមេភូមិនិងប្រជាពលរដ្ឋជិតខាង បានប្រាប់ថា ក្មេងស្រីដែលស្លាប់នេះ មានសតិមិនល្អមានជំងឺប្រចាំកាយ(ស្កន់) ហើយតែងតែដើរតាមផ្លូវមិនសូវនៅផ្ទះ និងតែងតែទាស់ចំណីអាហាជាប្រចាំ ។
ប្រភពដដែលបានបញ្ជាក់ថា មុនពេលកើតហេតុ ស្ត្រីជាម្តាយក្មេងស្រីនេះបានប្រាប់ថា កូនស្រីគាត់បានប្រាប់ថា វាបានផឹកទឹកក្រូចអស់០២ដបតូច ។ មួយសន្ទុះក្រោយមក ស្រាប់តែមានអាការៈ ចុកពោះ ប្រកាច់ និងក្អួតចង្អោរ ហើយគាត់ក៏បានឲ្យថ្នាំប៉ារ៉ាលេបអស់ចំនួន០២គ្រាប់ ដោយពុំបានបញ្ជូនទៅសង្គ្រោះនៅមន្ទីរពេទ្យនោះទេ ។ លុះក្រោយមក កូនស្រីរបស់គាត់បានប្រកាច់ដាច់ខ្យល់ស្លាប់តែម្តង ។
នគរបាលបានឲ្យដឹងទៀតថា តាមការពិនិត្យរបស់គ្រូពេទ្យរកជំងឺកូវីដ១៩អវិជ្ជមាន បើតាមការសន្និដ្ឋានរបស់គ្រូពេទ្យឈ្មោះស្រី ខ្លុង ប្រធានមណ្ឌល់សុខភាពបឹងត្រកួនបានអះអាងថា ក្មេងស្រីនេះស្លា.ប់ដោយសាជំងឺប្រចាំកាយស្កន់ជ្រូក និងពុលចំណី ពុំមានស្លាកស្នាមអ្វីទាក់ទងនឹងឃាតកម្មនោះទេ។
ចែករំលែកព័តមាននេះ