ខេត្តតាកែវ ៖ លោកកង អាណាន់ អភិបាលក្រុងដូនកែវ បានប្រាប់កោះសន្តិភាពនៅព្រឹកថ្ងៃទី១៤ សីហា នេះថា លោកបានដឹកនាំក្រុមការងាររបស់រដ្ឋបាលក្រុង សហការជាមួយក្រុមគ្រូពេទ្យបង្អែកខេត្ត…
ខេត្តតាកែវ ៖ លោកកង អាណាន់ អភិបាលក្រុងដូនកែវ បានប្រាប់កោះសន្តិភាពនៅព្រឹកថ្ងៃទី១៤ សីហា នេះថា លោកបានដឹកនាំក្រុមការងាររបស់រដ្ឋបាលក្រុង សហការជាមួយក្រុមគ្រូពេទ្យបង្អែកខេត្ត ដើម្បីធ្វើតេស្កយកសំណាកបុគ្គលិកគ្រឹះស្ថានមីក្រូហិរញ្ញវត្ថុប្រាក់សាក់ សាខាខេត្តតាកែវ ដែលមានផ្ទុះឡើងជំងឺកូវីដ១៩ ។
លោកកង អាណាន់ អភិបាលក្រុងដូនកែវបានបន្តទៀតថា ចំពោះការផ្ទុះឡើងជំងឺកូវីដ១៩ទៅលើបុគ្គលិកប្រាសាក់នេះ គឺនៅល្ងាចថ្ងៃទី១៣ សីហា ២០២១ ដោយគ្រូពេទ្យបានធ្វើតេស្កសំណា ក៏រកឃើញវិជ្ជមានជំងឺកូវីដ១៩មានចំនួន៣នាក់ ។ ក្រុមគ្រូពេទ្យបានយកទៅអោយសម្រាកព្យាបាលនៅអាគាគរុកោសល្យខេត្ត ។ ចំណែកអ្នកបានប៉ះពាលដោយផ្ទាល់ចំនួន១០នាក់បានយកទៅពិនិត្យនឹងតាមដាននៅសណ្ឋាគារសុវែនដេទាំងយប់ ។
លោកក៏បានបិទអោយផ្អាកជាបណ្តោះអាសន្នទីតាំងគ្រឹះស្ថានមីក្រូហិរញ្ញវត្ងុប្រាសាក់សាខាខេត្តតាកែវ ដែលមានទីតាំងក្នុងភូមិថ្នល់បែក សង្កាត់រកាក្រៅ ក្រុងដូនកែវ ។ ហើយរដ្ឋបាលខេត្តបានចេញសេចក្តីជូនដំណឹងដោយលោកអ៊ូច ភា អភិបាលខេត្តអោយផ្អាកចាប់ពីថ្ងៃទី១៣ ខែសីហាឆ្នាំ២០២១នេះតទៅ រហូតមានការជូនដំណឹងសារជាថ្មី ។
លោកអភិបាលក្រុងដូនកែវបានបញ្ជាក់ថា ចំពោះបុគ្គលិកដែលបានប៉ះពាល់ដោយប្រយោលចំនួន៧២នាក់ ត្រូវបានបិទអោយនៅក្នុងកន្លែងធ្វើការនេះតែម្តង ងាយស្រួលដល់ក្រុមគ្រូពេទ្យធ្វើតេស្កយកសំណាករកអ្នកវិជ្ជមានជំងឺកូវីដ១៩បន្ថែមទៀត។
ចែករំលែកព័តមាននេះ