រាជធានីភ្នំពេញ៖ នៅពេលមនុស្សបានកាត់បន្ថយការជួបគ្នាដោយផ្ទាល់ online បានក្លាយជាមធ្យោបាយធ្វើជំនួញ សិក្សា និងធ្វើការងារ យ៉ាងសកម្មនៅកម្ពុជា។ បច្ចុប្បន្នពាក្យកំពុងពេញនិយមក ធ្វើការពីចម្ងាយ សិក្សាពីចម្ងាយបាន…
រាជធានីភ្នំពេញ៖ នៅពេលមនុស្សបានកាត់បន្ថយការជួបគ្នាដោយផ្ទាល់ online បានក្លាយជាមធ្យោបាយធ្វើជំនួញ សិក្សា និងធ្វើការងារ យ៉ាងសកម្មនៅកម្ពុជា។ បច្ចុប្បន្នពាក្យកំពុងពេញនិយមក ធ្វើការពីចម្ងាយ សិក្សាពីចម្ងាយបាន ធ្វើពាណិជ្ជកម្មឌីជីថល តាមប្រព័ន្ធអេឡិចត្រូនិក។
លោក សូ វិសុទ្ធី រដ្ឋលេខាធិការក្រសួងប្រៃសណីយ៍និងទូរគមនាគមន៍ លើកឡើងថា ការកើនឡើងនៃកាប្រើប្រាស់សេវាអ៊ីនធឺណិត និងទូរស័ព្ទនៅក្នុងរយៈពេលជំងឺកូវីដ ១៩ ជាពិសេសនៅក្នុងឆ្នាំ ២០២០ និង២០២១នេះ។ ការប្រើប្រាស់សេវាអ៊ីនធឺណិត និងទូរស័ព្ទមានការកើនឡើងជាខ្លាំង ជាមធ្យោបាយ ឱ្យដំណើរការដល់កាធ្វើការ ការសិក្សា និងការធ្វើពាណិជ្ជកម្មតាមប្រព័ន្ធអេឡិចត្រូនិកនោះ។
លោក សូ វិសុទ្ធី បានបញ្ជាក់ថា៖ «ប្រព័ន្ធវីដេអូសន្និសិទ្ធ (Video Conference) ការបញ្ជាទិញ និងទំនាក់ទំនងសង្គមដែលការងារប្រចាំថ្ងៃរបស់ក្រសួងស្ថាប័ន និងក្រុមហ៊ុនឯកជន ក៏ដូចជាគ្រឹះស្ថានសិក្សាអាចនៅបន្តសកម្មភាពរបស់ខ្លួន។ សកម្មភាពពលរដ្ឋមួយថ្ងៃៗពីព្រឹកដល់ល្ងាច ការចេញទៅទីសារធារណៈនិងជួបជុំគ្នាពុំសូវមាននោះទេ ភាគច្រើនគឺនៅធ្វើការតាមផ្ទះ និងតាមការិយាល័យ ដូចនេះពួកគេត្រូវការប្រើប្រាស់សេវាប្រើប្រាស់អ៊ីនធឺណិត និងទូរសព្ទ ដែលជំរុញឱ្យកាប្រើប្រាស់មានការកើនឡើង»។
រដ្ឋលេខាធិការក្រសួងប្រៃសណីយ៍ និងទូរគមនាគមន៍ រំពឹងថានៅពេលអនាគត ការប្រើប្រាស់សេវាអ៊ីនធឺណិត ការប្រើប្រាស់ទូរស័ព្ទ និងបច្ចេវិទ្យាជាដំណោះស្រាយ និងជាមធ្យោបាយការពង្រឹងប្រសិទ្ធភាពការងារ ជាឧបករណ៍ក្នុងការជំរុញប្រសិទ្ធភាព កាត់បន្ថយការចំណាយ។ លោកថា៖ «៥ ឬ ១០ ឆ្នាំទៀត បច្ចេកវិទ្យានេះនឹងក្លាយជាវិស័យមួយ ដែលគ្របដណ្តប់លើវិស័យផ្សេងៗ ឬក៏ជាឈ្នាន់របស់វិស័យផ្សេងសម្រាប់ការអភិវឌ្ឍ»។
កាលពីដើមខែសីហានេះ ក្រសួងពាណិជ្ជកម្ម បានបើកកម្មវិធីបណ្តុះបណ្តាល ស្តីពីអាជីវកម្មបែបឌីជីថល សម្រាប់សហគ្រាសធុនតូច និងមធ្យម ។ សិក្ខាសាសាលដែលរៀបចំតាមរយៈប្រព័ន្ធវីឌីអូ (Zoom) ដែលមានសិក្ខាកាមចូលរួមសរុបចំនួន ១៨៥ នាក់ ជាតំណាងមកពីវិស័យឯកជន និងសហគ្រិននានា។ កម្មវិធីបណ្តុះបណ្តាលស្តីពីអាជីវកម្ម បែបឌីជីថលនេះគឺជាផ្នែកមួយ ដ៏មានសារៈសំខាន់នៃគម្រោង Go4eCAM ដែលក្រសួងពាណិជ្ជកម្មកំពុងអនុវត្ត ហើយកម្មវិធីបណ្តុះបណ្តាលនេះ មានគោលបំណងគឺពង្រឹង និងលើកកម្ពស់សហគ្រិនភាព របស់សហគ្រាសធុនតូចនិងមធ្យម នៅកម្ពុជាក្នុងការចូលរួមការធ្វើ ពាណិជ្ជកម្មតាមប្រព័ន្ធអេឡិចត្រូនិកក្នុងប្រទេស តំបន់ និងពិភពលោក។
នៅក្នុងសម័យឌីជីថលនេះ ក្រសួងពាណិជ្ជកម្ម បានបង្កើតច្បាប់ស្ដីពីកិច្ចការការពារអ្នកប្រើប្រាស់ ច្បាប់ស្ដីពីពាណិជ្ជកម្មតាមប្រព័ន្ធអេឡិចត្រូនិក សេចក្តីព្រាងច្បាប់ស្តីពីការប្រកួតប្រជែង យុទ្ធសាស្ត្រសមាហរណកម្មពាណិជ្ជកម្មកម្ពុជា ២០១៩-២០២៣ យុទ្ធសាស្ត្រពាណិជ្ជកម្មតាមប្រព័ន្ធអេឡិចត្រូនិក និងគម្រោង Go4eCAM ដែលដឹកនាំ និងអនុវត្តដោយក្រសួងពាណិជ្ជកម្ម។
យោងតាមរបាយការណ៍ ស្តីពី «លទ្ធផលនៃការអនុវត្តថវិកាឆមាសទី១ និងការវាយតម្លៃ ការអនុវត្តច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០២១» បង្ហាញថាការកើនឡើង នៃការប្រើប្រាស់បច្ចេកវិទ្យាឌីជីថល ដូចជាប្រព័ន្ធអ៊ីនធឺណិត និងទូរស័ព្ទក្នុងពេលបិទខ្ទប់នៃការរីករាលដាល នៃជំងឺកូវីដ ១៩ ក្នុងសហគមន៍ បានជំរុញកំណើននៃអនុវិស័យ អគនាគមន៍ ដែលឆ្លុះបញ្ជាំងតាមរយៈ ការកើនឡើងគួរឱ្យកត់សម្គាល់ នៃចំណូលមិនសារពើពន្ធ នៃវិស័យប្រៃសណីយ៍ និងទូរគមនាគមន៍ក្នុងអត្រា ៥៧,៩% ក្នុងរយៈពេល ៦ ខែដើមឆ្នាំ២០២១៕
ចែករំលែកព័តមាននេះ