កាលពីថ្ងៃទី៦ មករា ២០១៦ ក្រុមហ៊ុនសាំស៊ុងអេឡិចត្រូនិក បានបញ្ចេញឡេបថបស្ថិតក្នុងសែស្រឡាយ Notebook 9 ថ្មីពីរម៉ូដែលទៀតគឺទំហំ១៣.៣អីុញ និងទំហំ១៥អីុញ ។ ឡេបថបស៊េរីថ្មីទាំងពីរម៉ូដែលនេះងាយស្រួលយកតាមខ្លួន (ចល័ត) និងមានទម្ងន់ស្រាល ។ ពួកវាត្រូវបានរចនាឡើងឱ្យមានលក្ខណៈប្រើប្រាស់បានយូរ អេក្រង់រស់រវើក និងមានមុខងារ ពិសេសៗផងដែរ ។
ឡេបថបស៊េរីថ្មី Notebook 9 ទាំងពីរម៉ូដែលបង្កើតឡើងសម្រាប់ការប្រតិបត្តិការ និងផ្តល់ឱ្យអ្នកប្រើប្រាស់នូវបទពិសោធន៍ថ្មីទៀតផងដូចជា ៖
-ទម្ងន់ស្រាល ៖ ឡេបថបស៊េរី Samsung Notebook 9 ផ្តល់នូវទម្ងន់ស្រាលបំផុត ពោលគឺឡេបថបទំហំ១៣.៣អីុញ ទម្ងន់មិនដល់១ គីឡូក្រាម ។
-ការបង្ហាញពន្លឺ ៖ ពន្លឺកម្រិត Full-HD ផ្តល់នូវពន្លឺគ្មានគូប្រៀប ។
-សមត្ថភាពថ្ម ៖ ឡេបថបទំហំ១៥អុីញ ការប្រើប្រាស់ថ្មដល់ទៅ១២ម៉ោង ។ ចំណែកទំហំ១៣.៣អីុញ ប្រើប្រាស់បាន១០ម៉ោង។ ពួកវាត្រូវបានរួមបញ្ជូលលក្ខណៈពិសេស Quick Charging ដែលបញ្ចូលថ្មត្រឹមតែ៩០នាទី ។
-ប្រព័ន្ធសន្តិសុខ ៖ ប្រព័ន្ធសន្តិសុខថ្មីឈ្មោះថា Security CAM នឹងអនុញ្ញាតឱ្យអ្នកប្រើប្រាស់ថតរូប និងផ្ញើរូបតាមរយៈកាមេរ៉ាបំពាក់ទៅកាន់សារអេឡិចត្រូនិក (អីុម៉េល) ដែលបានចុះឈ្មោះជាមុនក្នុងករណីមានការលួច ។
ឡេបថបទាំងពីរម៉ូដែលនេះមានពណ៌ប្រាក់ និងពណ៌ផ្កាឈូក ហើយវាបង្ហាញវត្តមានលើទីផ្សារក្នុងប្រទេសមួយចំនួន ខណៈពេលដែលតម្លៃមិនទាន់ដឹងនៅឡើយ ៕
ចែករំលែកព័តមាននេះ