បើអ្នកមានទំនាក់ទំនងស្នេហាជាមួយនារីណាដែលមានប្រជ្រុយមួយឬពីរកន្លែងក្នុងចំណោមប្រជ្រុយមហាសំណាងទាំងប្រាំបួនទីតាំងនៃមនុស្សស្រី សូមអ្នកកុំដោះដៃឱ្យសោះ ព្រោះនារីនោះហើយជាអ្នកមានសំណាងលើកជីវិតគ្រួសារខ្ពង់ខ្ពស់ ថ្កើងថ្កាន សម្បូរសប្បាយ ។ ចង់ដឹងទេថាតើប្រជ្រុយមហាសំណាងរបស់មនុស្សស្រីមាននៅកន្លែងណាខ្លះ សូមអានអត្ថបទខាងក្រោមនេះ អ្នកនឹងបានច្បាស់ហើយ៖

១-ប្រជ្រុយនៅកញ្ចឹងក មនុស្សស្រីដែលមានប្រជ្រុយនៅចំណុចនេះ គឺជានារីដែលពោរពេញដោយអំណាច និងភាពវៃឆ្លាតក្នុងការងារសព្វសារពើ ហើយមានអ្នកគាំទ្រជាច្រើននៅពីក្រោយ ។
២-ប្រជ្រុយនៅលើឆ្អឹងដងកាំបិត មនុស្សស្រីដែលមានប្រជ្រុយនៅលើឆ្អឹងដងកាំបិតគឺជាមនុស្សដែលមានចិត្តសាស្ត្រខ្លាំងក្នុងវិស័យជំនួញ ។
៣-ប្រជ្រុយនៅជិតផ្ចិត នារីដែលមានប្រជ្រុយនៅជិតរន្ធផ្ចិតគឺជាមនុស្សស្រីដ៏អស្ចារ្យ និងមានវាសនាជាជំទាវ ។

៤-ប្រជ្រុយនៅលើក្បាល មនុស្សស្រីដែលមានប្រជ្រុយនៅចំណុចនេះ គឺជានារីដែលមានសំណាងល្អហូរចូលជីវិតរហូត និងមិនដែលជួបបញ្ហាលំបាកអ្វីសោះឡើយ ។

៥-ប្រជ្រុយនៅកប់ក្នុងចិញ្ចើម មនុស្សស្រីណាដែលមានប្រជ្រុយនៅកប់ក្នុងចិញ្ចើម ស្ត្រីនោះនឹងមានកូនប្រុសជាអ្នកធំ ហើយបើកូនស្រីនឹងបានរៀបការជាមួយមនុស្សប្រុសខ្ពង់ខ្ពស់លើកកិត្តិយសគ្រួសារឧត្តុង្គឧត្តម ។

៦-ប្រជ្រុយនៅទងត្រចៀក ជានារីដែលមានសំណាងធំ អាយុយឺនយូរ និងជាមនុស្សដែលមានលុយចាយបរិបូណ៍ពេញមួយជីវិត និងជាអ្នកមានប្រាជ្ញាប៉ាធីដ៏អស្ចារ្យ ។
៧-ប្រជ្រុយនៅចុងចិញ្ចើម មនុស្សដែលមានប្រជ្រុយនៅចុងចិញ្ចើមនឹងក្លាយជាអ្នកដឹកនាំ ដែលពោរពេញទៅដោយទេពកោសល្យ និងមានឥទ្ធិពលមហាសាល ។
៨-ប្រជ្រុយនៅបបូរមាត់ មិនថាបបូរមាត់ខាងលើឬបបូរមាត់ខាងក្រោម មនុស្សស្រីដែលមានប្រជ្រុយនៅលើបបូរមាត់នឹងមិនធ្លាក់ខ្លួនក្នុងភាពក្រីក្រដាច់ខាត និងជាមនុស្សដែលអ្នកដទៃកោតសរសើរ និងជឿទុកចិត្តបំផុត ។
៩-នារីណាមានប្រជ្រុយនៅចង្កា នារីនោះនឹងក្លាយជាមនុស្សស្រីដែលមានភាពជោគជ័យក្នុងវិស័យអចលនទ្រព្យ ។
អ្នកប្រាជ្ញពោលថា «គ្រូទាយ ម្តាយថា» រឿងការទស្សន៍ទាយ បើយើងមិនជឿសោះក៏មិនកើតដែរព្រោះវាជាទំនៀមតម្លាប់របស់មនុស្សជាតិទៅហើយ តែការជឿ ត្រូវជឿដោយបញ្ញា ៕ សាន សារិន
ចែករំលែកព័តមាននេះ