កម្មករសំណង់២រូបក្អួតថប់ដង្ហើមស្លា.ប់យ៉ាងចម្លែក
- កំពត
ប្រជាពលរដ្ឋចំនួន៤នាក់រស់នៅក្នុងភូមិដើមពោធិ ឃុំអង្គសុរភី ស្រុកកំពង់ត្រាច បានចេញពីផ្ទះស្របពេលគ្នាកាលពីថ្ងៃទី៣ ខែសីហា ឆ្នាំ២០២១ ដោយបានជិះឡានទៅធ្វើសំណង់នៅម្ដុំ
ប្រជាពលរដ្ឋចំនួន៤នាក់រស់នៅក្នុងភូមិដើមពោធិ ឃុំអង្គសុរភី ស្រុកកំពង់ត្រាច បានចេញពីផ្ទះស្របពេលគ្នាកាលពីថ្ងៃទី៣ ខែសីហា ឆ្នាំ២០២១ ដោយបានជិះឡានទៅធ្វើសំណង់នៅម្ដុំ
ខេត្តកំពត ៖ កម្មករសំណង់ ២ រូបក្នុងចំណោម ៤ រូបមកពីខេត្តកំពត ឡើងមកធ្វើការនៅរាជធានីភ្នំពេញ បានស្លា.ប់ ជាបន្តបន្ទាប់ ក្រោយមានអាការៈចម្លែក ខណៈមិត្តភ័ក្ត្រ ២ ទៀតភ័យរត់ទៅរកព្រះចៅអធិការវត្ត ដើម្បីស្រោចទឹកសូត្រមន្តរំដោះគ្រោះ។
តាមដំណើររឿងរបស់អ្នកទាំង ៤ ត្រូវបានពលរដ្ឋនៅខេត្តកំពតថ្លែងឱ្យដឹងថា បុរស ៤នាក់ រស់នៅក្នុងភូមិដើមពោធិ ឃុំអង្គសុរភី ស្រុកកំពង់ត្រាច ខេត្តកំពត បានចេញពីផ្ទះស្របពេលគ្នាកាលពីថ្ងៃទី៣ ខែសីហា ឆ្នាំ២០២១ ដោយបានជិះឡានទៅធ្វើសំណង់នៅម្ដុំខណ្ឌឬស្សីកែវ រាជធានីភ្នំពេញ។
បុរសជាអ្នកភូមិទាំង៤នាក់ខាងលើនោះ បានទៅធ្វើសំណង់ទើបតែមួយថ្ងៃ ក៏ស្រាប់តែបុរសម្នាក់ឈ្មោះហ៊ឹម លំហាន អាយុ៤០ឆ្នាំ មានអាការៈក្អួតចង្អោ ថប់ដង្ហើម ហើយក៏រវើរវាយនិយាយស្រែកអោយគេជួយផងថា «ឆ្កែដេញខាំខ្លួនហើយ»។ ក្រោយមកបុរស ហ៊ឹម លំហាន ត្រូវបានក្រុមសាច់ញាតិដឹកតាមរថយន្តឈ្នួលមកផ្ទះ ។ ប៉ុន្តែការដឹកមនុស្សមានអាការៈមិនស្រួលបែបនេះ ម្ចាស់រថយន្តឈ្នួល បានដឹកជនរងគ្រោះទៅដល់មន្ទីរពេទ្យបង្អែកកំពង់ត្រាច នៅយប់ដដែលតែម្តង ។
ប្រភពដដែលបន្តថា ក្រោយមកឈ្មោះហ៊ឹម លំហាន រូបនេះក៏បានស្លា.ប់នៅក្នុងមន្ទីរពេទ្យកំពង់ត្រាចតែម្តងទៅ។ ហើយបើតាមលទ្ធផលធ្វើសំណាកតេស្តរហ័សរបស់ក្រុមគ្រូពេទ្យ បានចេញលិខិតបញ្ជាក់ពីក្រុមគ្រូពេទ្យថា ស.ពជនរងគ្រោះឈ្មោះ ហ៊ឹម លំហាន រូបនេះ គឺមិនជាប់ពាក់ព័ន្ធនឹងជំងឺកូវីដ-១៩នោះទេ។ ក្រោយមកស.ពជនរងគ្រោះក៏ត្រូវបានដឹកមកធ្វើបុណ្យតាមប្រពៃណីនៅភូមិដើមពោធិ ក៏ប៉ុន្តែមិនសូវមានមនុស្សច្រើនមកចូលរួមបុណ្យស.ពនោះទេ។
អ្វីដែលគួរឱ្យចម្លែកនោះ គឺ អ្នកភូមិដើមពោធិម្នាក់ទៀត គឺឈ្មោះ ហឿន បុត្រ ភេទប្រុស អាយុ៤៩ឆ្នាំ ដែលបានទៅធ្វើសំណង់ជាមួយនឹងឈ្មោះហ៊ឹម លំហាន នោះ ក៏បានត្រឡប់មកផ្ទះវិញនៅភូមិដើមពោធិ ហើយក៏បានទៅចូលរួមកំដរស.ពជនរងគ្រោះ (ហ៊ឹម លំហាន) ។ ប៉ុន្តែនៅរសៀលថ្ងៃទី៥ ខែសីហានេះ បុរសឈ្មោះ ហឿន បុត្រ ស្រាប់តែមានអាការៈឈឺក្អួតចង្អោ ថប់ពិបាកដកដង្ហើម ហើយក្រុមគ្រួសារក៏បានដឹកទៅមន្ទីរពេទ្យកំពង់ត្រាច តែក៏ស្លា.ប់នៅម៉ោង២រំលងអធ្រាតឈានចូលដល់ថ្ងៃទី៦ ខែសីហា ឆ្នាំ២០២១នេះតែម្តង ។
ការស្លា.ប់របស់អ្នកភូមិទាំង២នាក់ខាងលើនេះ បានធ្វើអោយអ្នកភូមិផ្សេងទៀតមានការភ័យខ្លាចគ្រប់ៗគ្នា ព្រោះមិនទាន់ទាំងរុះរោងបុណ្យស.ពមួយចេញផង ក៏មានអ្នកភូមិម្នាក់ទៀតបានស្លា.ប់ជាបន្តបន្ទាប់។
លុះនៅព្រឹកថ្ងៃទី៦ ខែសីហានេះ អ្នកភូមិដើមពោធិចំនួន២នាក់ទៀត គឺឈ្មោះរ៉េត និងឈ្មោះភាន ដែលបានទៅធ្វើសំណង់ជាមួយអ្នកស្លា.ប់ទាំង២នាក់ខាងលើនេះ មានការភ័យខ្លាច ហើយរកការទស្សន៍ទាយពីព្រះចៅអធិការវត្តពោជុំភ្នំល្ងៀង ដើម្បីស្រោចទឹកសូត្រមន្តរំដោះគ្រោះ។ ហើយចៅអធិការវត្ត ក៏មានសង្ឃដិកាថា ញ៉ូមទាំង៤នាក់នោះបានខុសមាត់ពាក្យសម្ដី ទើបអ្នកតាម្ចាស់ទឹកម្ចាស់ដីប្រកាន់។
គួរបញ្ជាក់ថា តាមប្រភពព័ត៌មានចុងក្រោយនេះ ត្រូវបានគេទំលាយថា អ្នកទាំង៤នាក់ខាងលើនេះបានទិញស្រាគេផឹកមុនឡើងឡានទៅភ្នំពេញ។
ចែករំលែកព័តមាននេះ