រាជធានីភ្នំពេញ ៖ នៅព្រឹកថ្ងៃទី៥ ខែសីហានេះ អាជ្ញាធរខណ្ឌបឹងកេងកងធ្វើការបិទខ្ទប់ផ្សារបឹងកេងកងជាថ្មី ដើម្បីធ្វើសំណាកទៅលើក្រុមអាជីវករលក់ដូរក្នុងផ្សារ សង្ស័យផ្ទុះជំងឺកូវីដ ១៩ ។ កម្លាំងអាជ្ញាធរខណ្ឌបឹងកេងកង…
រាជធានីភ្នំពេញ ៖ នៅព្រឹកថ្ងៃទី៥ ខែសីហានេះ អាជ្ញាធរខណ្ឌបឹងកេងកងធ្វើការបិទខ្ទប់ផ្សារបឹងកេងកងជាថ្មី ដើម្បីធ្វើសំណាកទៅលើក្រុមអាជីវករលក់ដូរក្នុងផ្សារ សង្ស័យផ្ទុះជំងឺកូវីដ ១៩ ។
កម្លាំងអាជ្ញាធរខណ្ឌបឹងកេងកង កំពុងតែធ្វើការបិទខ្ទប់ផ្សារបឹងកេងកង ដែលមានទីតាំងនៅក្នុងសង្កាត់បឹងកេងកងទី១ ខណ្ឌបឹងកេងកង ដើម្បីអោយក្រុមគ្រូពេទ្យយកសំណាករកវីរុសកូវីដ១៩ សារជាថ្មីម្តងទៀត ក្រោយពីបានបិទអស់មួយរយៈ និងទើបតែបើកអោយដំណើរការឡើងវិញទើបតែបានប៉ុន្មានថ្ងៃនោះ ។
ជាក់ស្តែងនៅបរិវេណជុំវិញផ្សារបឹងកេងកងត្រូវបានដាក់កម្លាំងពង្រាយ និងដាក់បារ៉ាស់បិទជុំវិញផ្សារមិនអោយមានអ្នកណាម្នាក់ចេញ ឬចូលបានឡើយ ហើយក្រុមគ្រូពេទ្យក៏កំពុងតែរៀបចំកន្លែងធ្វើសំណាកផងដែរ ។
តាមប្រភពព័ត៌មានពីអាជ្ញាធរម្នាក់បានប្រាប់ថា កាលពីយប់ថ្ងៃទី ០៤ ខែសីហា ឆ្នាំ ២០២១ យប់មិញក្រុមគ្រូពេទ្យស្ម័គ្រចិត្តរបស់សម្តេចតេជោ ហៅថា TIDA ក៏បានចុះយកសំណាកចំនួន ១០៥នាក់ ដែលស្នាក់នៅក្នុងសណ្ឋាគារ អេនិច ផាលេស ដែលសង្ស័យពាក់ព័ន្ធជំងឺកូវីដបំប្លែងខ្លួនថ្មី Delta តែជាលទ្ធផល គឺអវិជ្ជមានទាំងអស់ ។ ហើយក៏ត្រូវបានកម្លាំងអាជ្ញាធរធ្វើការបិទខ្ទប់កំណាត់ផ្លូវលេខ ២៧៨ក្នុងសង្កាត់បឹងកេងកង១ ខណ្ឌបឹងកេងកងតែមួយនេះផងដែរ ៕
ចែករំលែកព័តមាននេះ