ម្តាយកូនជួលមុខផ្ទះគេលក់ លុះឈ្លោះគ្នា ទិញសាំងចង់ដុតផ្ទះគេ ផ្អើ.ល
- ភ្នំពេញ
រាជធានីភ្នំពេញ ៖ កូនស្រីផឹកស្រវឹងមកជួយលក់ដូរម្តាយ បែរជាឈ្លោះប្រកែកជាមួយម្តាយ រហូតរាលដាលដល់ម្តាយម្ចាស់ផ្ទះ ក្លាយ
រាជធានីភ្នំពេញ ៖ កូនស្រីផឹកស្រវឹងមកជួយលក់ដូរម្តាយ បែរជាឈ្លោះប្រកែកជាមួយម្តាយ រហូតរាលដាលដល់ម្តាយម្ចាស់ផ្ទះ ក្លាយ
រាជធានីភ្នំពេញ ៖ កូនស្រីផឹកស្រវឹងមកជួយលក់ដូរម្តាយ ស្រាប់តែឈ្លោះប្រកែកជាមួយម្តាយ រហូតរាលដាលដល់ម្តាយម្ចាស់ផ្ទះ ក្លាយជាហិ.ង្សាវា.យតប់គ្នាទៅវិញទៅមក លុះខឹងម្តាយម្ចាស់ផ្ទះក៏បានជិះម៉ូតូទៅទិញសាំង១លីត្រយកមកចាក់ពេញមុខផ្ទះគេ បម្រុងដុតផ្ទះគេចោល ក៏បង្កការភ្ញាក់ផ្អើលដល់សមត្ថកិច្ច ចុះអន្តរាគមន៍ឃាត់ខ្លួនភ្លាមៗ កាលពីវេលាម៉ោង៨និង៣០នាទីយប់ថ្ងៃទី៤ ខែសីហា ឆ្នាំ២០២១ នៅចំនុចផ្ទះលេខ2B នៅបណ្ដោយផ្លូវបេតុង ផ្សារក្រមួន ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
ម្តាយនិងកូនស្រីដែលឈ្លោះប្រកែកគ្នាខាងលើនោះមិនស្គាល់អត្តសញ្ញាណនោះទេ ។ ចំណែកម្ចាស់ផ្ទះកើតហេតុក៏មិនស្គាល់អត្តសញ្ញាណដែរ ។
តាមប្រភពពីម្ចាស់ផ្ទះកើតហេតុបានប្រាប់ឲ្យដឹងថា កូនស្រីដែលជាជនបង្កខាងលើ កន្លងមក ធ្លាប់មានជម្លោះពាក្យសម្តីគាត់ ហើយនៅយប់កើតហេតុ កូនស្រីរូបនោះផឹកស្រាស្រវឹងហើយបានមករៀបចំកន្លែងលក់បន្លែរបស់ម្តាយនាង ដែលជួលមុខផ្ទះរបស់គាត់លក់ដូរ ខណៈពេលកំពុងរៀបចំកន្លែងលក់ដូរ ស្រាប់តែ២នាក់ម្តាយនិងកូននោះបានឈ្លោះប្រកែកគ្នា តែមិនដឹងថាយ៉ាងម៉េចទេ បែរជារាលដាលមកជេរម្តាយរបស់គាត់ដែលជាមនុស្សចាស់ទៀត ទើបកើតជាជម្លោះរហូតក្លាយជាហិ.ង្សាប្រតាយប្រតប់គ្នាទៅវិញទៅមកអស់មួយប្រ៉ាវ ។
តាមប្រភពខាងលើបានបន្តថា បន្ទាប់មក កូនស្រីរូបនោះបានជិះម៉ូតូចេញទៅបាត់មួយសន្ទុះ ក្រោយមកក៏ត្រលប់មកវិញ និងមានកាន់ដបសាំងមួយលីត្រមកជាមួយផង ហើយបានចាក់សាំងនោះពេញមុខផ្ទះរបស់គាត់បម្រុងកេះដែកកេះដុត ប៉ុន្តែត្រូវកូនក្មួយរបស់គាត់ប្រតា.យប្រតប់ឃាត់ទាន់ និងប្តឹងសមត្ថកិច្ចអោយជួយអន្តរាគមន៍ និងឃាត់ខ្លួនភ្លាមៗផងដែរ។
ក្រោយពេលកើតហេតុ កូនស្រីខាងលើ ត្រូវបានសមត្ថកិច្ចឃាត់ខ្លួន នាំទៅកាន់ប៉ុស្តិ៍នគរបាលឫស្សីកែវ ចាត់ការបន្តតាមនិតិវិធី ។
ជុំវិញករណីខាងលើនេះដែរ កោះសន្តិភាពមិនអាចទទួលបានការបំភ្លឺណាមួយពីស្ត្រីជាម្តាយ និងកូនស្រីដែលជួលមុខផ្ទះគេលក់ដូរនៅឡើយទេ ៕
ចែករំលែកព័តមាននេះ