ប្រទេសចិន ៖ កាសែតចិន CHINA DAILY បានចេញផ្សាយកាលពីថ្ងៃទី២ សីហាថា បណ្ដាវ៉ាក់សាំងដែលបច្ចុប្បន្នកំពុងចាក់នៅចិនបន្តបង្ហាញ ឥទ្ធិពលល្អនៃការបង្ការនិងការពារ ប្រឆាំងវីរុសកូវីដ-១៩បំប្លែងថ្មី DELTA ។
លោក FENG ZIJIAN អ្នកស្រាវជ្រាវនៃមជ្ឈមណ្ឌលត្រួតពិនិត្យ និងបង្ការជំងឺចិនអះអាងថា យោងតាមបណ្ដាលទ្ធផលដែលទទួលបាន វីរុស DELTA អាចកាត់បន្ថយកិច្ចការពារដែលផ្ដល់ដោយបណ្ដាវ៉ាក់សាំងប្រឆាំងកូវីដ-១៩ តែបណ្ដាវ៉ាក់សាំងដែលចាក់នាពេលនេះនៅតែអាចផ្ដល់ឥទ្ធិពល បង្ការនិងការពារល្អប្រឆាំងវីរុសបំប្លែងខ្លួននោះ ។
លោក FENG ZIJIAN បញ្ជាក់ថា គេយល់ថា វីរុសប្រភេទ DELTA មានការឆ្លងខ្លាំងដល់ជិត២ដងលឿនជាងវីរុសដើម ដោយវាឆ្លងលឿនបំផុតនិងថាវាអាចបណ្ដាលឲ្យលេចរោគសញ្ញាធ្ងន់ធ្ងរនានាចំពោះបណ្ដាអ្នកជំងឺ ។
ចំណែកលោក SHAO YIMING ដែលក៏ជាអ្នកស្រាវជ្រាវនៃមជ្ឈមណ្ឌលនោះដែរថ្លែងថា ក៏ទោះបីមិនទាន់មានវ៉ាក់សាំងណាមួយអាចផ្ដល់កិច្ចការពារបាន១០០% ប្រឆាំងការឆ្លងវីរុស តែវីរុសកូវីដ-១៩ប្រភេទផ្សេងៗ នៅតែអាចត្រួតត្រាបានជាមួយបណ្ដាវ៉ាក់សាំងដែលមាន ។ ការសិក្សានានាផ្អែកលើភស្ដុតាងនានាដែលបង្ហាញថា បណ្ដាវ៉ាក់សាំងចិនប្រឆាំងកូវីដ-១៩ អាចកាត់បន្ថយប្រកបដោយប្រសិទ្ធភាពអត្រាអ្នកឆ្លងដល់ថ្នាក់បញ្ជូនទៅមន្ទីរពេទ្យករណីធ្ងន់ធ្ងរ និងការស្លាប់ ៕ ដកស្រង់ចេញពីវេបសាយ ៖ xinhuanet
ចែករំលែកព័តមាននេះ