រាជធានីភ្នំពេញ ៖ ផ្សារដើមគត្រូវបានអាជ្ញាធរ និងសមត្ថកិច្ចខណ្ឌទួលគោក ព្រមទាំងគណៈកម្មការផ្សារចុះបិទខ្ទប់ជាថ្មី ដើម្បីយកសំណាកលើអាជីវករទាំងអស់ បន្ទាប់ពីផ្ទុះនូវវិជ្ជមានកូវីដ១៩ បំប្លែងថ្មីដែលតា ដែលបានចូលផ្សារដើមគកន្លងមក ។…
រាជធានីភ្នំពេញ ៖ ផ្សារដើមគត្រូវបានអាជ្ញាធរ និងសមត្ថកិច្ចខណ្ឌទួលគោក ព្រមទាំងគណៈកម្មការផ្សារចុះបិទខ្ទប់ជាថ្មី ដើម្បីយកសំណាកលើអាជីវករទាំងអស់ បន្ទាប់ពីផ្ទុះនូវវិជ្ជមានកូវីដ១៩ បំប្លែងថ្មីដែលតា ដែលបានចូលផ្សារដើមគកន្លងមក ។
ការបិទខ្ទប់ផ្សារនេះធ្វើឡើងនៅវេលាម៉ោងប្រមាណ១២ថ្ងៃត្រង់ ទី ០៣ ខែសីហានេះ ដោយអាជ្ញាធរ និងសមត្ថកិច្ចដាក់ខ្សែហ៊ុំព័ទ្ធជំវិញផ្សារទាំងមូលតែម្ដង ។
តាមព័ត៌មានឱ្យដឹងថា កន្លងអ្នកវិជ្ជមានមេរោគបំប្លែងថ្មីដែលតាដែលរកឃើញនៅសង្កាត់បឹងសាឡាង ខណ្ឌទួលគោកហើយឈានទៅបិទផ្លូវមួយចំនួននោះ បានចេញចូលទិញអីវ៉ាន់នៅផ្សារដើមគ ទើបអាជ្ញាធរ និងសមត្ថកិច្ចបិទផ្សារនេះ ដើម្បីយកសំណាកលើអាជីវករ ។
ទោះបីជាយ៉ាងណា គេពុំទាន់ដឹងថា អាជីវករទាំងនោះបានឆ្លងមេរោគប្រភេទដែលតា ឬយ៉ាងនោះទេ ដោយនៅវេលារសៀលនេះអាជ្ញាធរ និងគណៈកម្មការផ្សារកំពុងតែរៀបចំធ្វើរោង ដើម្បីយកសំណាក ៕
ចែករំលែកព័តមាននេះ