ខេត្តបាត់ដំបង៖ គ្រាប់បែកដៃចំនួន០២គ្រាប់ ត្រូវបានកម្មករសំណង់ជីកដីប្រទះឃើញ បង្កឱ្យមានការភ្ញាក់ផ្អើល នៅវេលាម៉ោង៧និង៣០នាទីថ្ងៃទី០៣ សីហា នេះ ស្ថិតនៅចំណុចខាងមុខផ្សារទំនើប ភួ ពុយ…
ខេត្តបាត់ដំបង៖ គ្រាប់បែកដៃចំនួន០២គ្រាប់ ត្រូវបានកម្មករសំណង់ជីកដីប្រទះឃើញ បង្កឱ្យមានការភ្ញាក់ផ្អើល នៅវេលាម៉ោង៧និង៣០នាទីថ្ងៃទី០៣ សីហា នេះ ស្ថិតនៅចំណុចខាងមុខផ្សារទំនើប ភួ ពុយ ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង។
មន្ត្រីកងរាជអាវុធហត្ថបានរាយការណ៍ថា គ្រាប់បែកដៃនោះប្រភេទក្រឡាទៀប ម៉ាក F-1 ចំនួន០២គ្រាប់ ដែលកម្មករសំណង់ប្រទះឃើញ ពេលជីករណ្តៅការដ្ឋានសាងសង់ផ្ទះ។ គ្រាប់បែកនោះ មានស្ថានភាពច្រែះចាប់ គ្មានក្បាលគីបបំផ្ទុះទេ ដែលទំនងសេសសល់កប់ដីរាប់សិបឆ្នាំហើយ ព្រោះនៅម្ដុំនោះជាអតីតឃ្លាំងគ្រាប់។
បើតាមមន្ត្រីយោធាម្នាក់និយាយថា នៅចំណុចប្រទះឃើញគ្រាប់បែកខាងមុខ«ផ្សារទំនើបភូពុយ»គឺជាអតីតឃ្លាំងគ្រាប់កាលសម័យរដ្ឋកម្ពុជា ។ ដូច្នេះ គ្រាប់បែបដែលប្រទះឃើញកប់ក្នុងដី អាចសេសសល់ពីពេលនោះមក ។ ទោះយ៉ាងណា បើតាមមន្ត្រីអាវុធហត្ថបានបញ្ជាក់ថា ក្រោយពីប្រទះឃើញ គេបានរាយការណ៍ទៅអង្គភាពកំចាត់មីនស៊ីម៉ាក់ ដើម្បីចុះពិនិត្យហើយ៕
ចែករំលែកព័តមាននេះ