ប្រទេសរុស្ស៊ី-ចិន ៖ តាមទីភ្នាក់ងារព័ត៌មាន រុស្ស៊ី SPUNIK ចុះថ្ងៃទី២៩ ខែកក្កដាថា ក្រសួងការពារប្រទេស រុស្ស៊ី អះអាងពីការធ្វើសមយុទ្ធយោធារួមរុស្ស៊ី -ចិនដែលនឹងប្រព្រឹត្តទៅនាពាក់កណ្ដាលខែសីហានៅចិន។
ក្រសួងនេះបញ្ជាក់ថា រុស្ស៊ីនឹងបញ្ជូន បណ្ដាយន្តហោះប្រយុទ្ធ រថពាសដែក ឬរថក្រោះ ព្រមទាំងទាហាន១០.០០០នាក់មកចូលរួមក្នុងសមយុទ្ធនេះ សំដៅពង្រឹងទំនាក់ទំនងយោធារវាងប្រទេសទាំង២។ តំណាងមួយរូបរបស់ក្រសួងការពារប្រទេស រុស្ស៊ី បានប្រាប់ដល់បណ្ដាអ្នកកាសែតថា កងឯកភាពនានានៃយោធភូមិភាគខាងកើត នឹងចូលរួមក្នុងសមយុទ្ធប្រតិបត្តិការយុទ្ធសាស្ត្រចិន-រុស្ស៊ី OUEST -INTERACTION-2021នេះ ដែលនឹងប្រព្រឹត្តទៅនាពាក់កណ្ដាលខែសីហានៅចិន យោងតាមបណ្ដាកិច្ចព្រមព្រៀង រវាងក្រសួងការពារប្រទេសនៃប្រទេសទាំង២។
តំណាងរូបនេះបន្តទៀតថាសមយុទ្ធគ្រោង ឲ្យមានការចូលរួមរបស់បណ្ដាយន្តហោះប្រយុទ្ធ រថពាសដែក ព្រមទាំងកាំភ្លើងធំនិងថា ទាហានរុស្ស៊ីចូលរួមក្នុងសមយុទ្ធនោះ នឹងមានប្រមាណជា១០.០០០នាក់។
ក្រសួងការពារប្រទេសរុស្ស៊ីក៏បញ្ជាក់ដែរថា សមយុទ្ធនេះ នឹងធ្វើក្នុងតំបន់ស្វយ័តNINGXIA. សំដៅពង្រឹងទំនាក់ទំនងរុស្ស៊ី-ចិននិងមិត្តភាពជាដៃគូគ្រប់ជ្រុងជ្រោយ ព្រមទាំងកិច្ចសហប្រតិបត្តិការយុទ្ធសាស្ត្រ បង្កើនកម្រិតកិច្ចសហការយោធានិងមិត្តភាព រវាងកងទ័ពនៃប្រទេសទាំង២ ព្រមទាំងបង្ហាញពីការប្ដេជ្ញាចិត្តនិងសមត្ថភាពរបស់រុស្ស៊ី និងចិន ក្នុងការតស៊ូ ប្រឆាំងភេរវកម្ម ការពាររួមគ្នានូវសន្តិភាពនិងស្ថេរភាពក្នុងតំបន់។
កាលពីខែមេសាកន្លងទៅ កងយោធាចិនបានមកកាន់រុស្ស៊ី ដើម្បីចូលរួមក្នុងសមយុទ្ធយោធា នៅតំបន់ភ្នំនាភាគខាងត្បូងស៊ីបេរី ជាសមយុទ្ធសមចំពោះធាតុអាកាសត្រជាក់បំផុត។ រួចកាលពីខែកញ្ញាឆ្នាំទៅមិញកងយោធាចិនក៏មកកាន់រុស្ស៊ីដែរ ក្នុងក្របខណ្ឌនៃសមយុទ្ធហៅសមយុទ្ធ CAUCACE-2020ដែលប្រព្រឹត្តទៅក្នុងតំបន់អាស្ត្រាខាន់ ភាគខាងត្បូងរុស្ស៊ី៕ ដកស្រង់ចេញពីវេបសាយ ៖ sputniknews
ចែករំលែកព័តមាននេះ