សហរដ្ឋអាមេរិក ៖ ប្រធានាធិបតីអាមេរិកលោកចូបៃដិន កាលពីថ្ងៃទី២៩ កក្កដា ក្នុងសុន្ទរកថាមួយ នៅសេតវិមាន មិនបានប្រញាប់ប្រញាល់ស្រែកពីជ័យជម្នះ ប្រឆាំងការឆ្លងរាលដាលនៃវីរុសកូវីដ-១៩ ដូចដែលលោកធ្លាប់សន្យាពីរដូវក្ដៅនៃសេរីភាព ចំពោះពលរដ្ឋលោកឡើយ ហើយលោកក៏ប្រកាសដែរពីវិធានការមួយចំនួនដើម្បីជម្រុញការចាក់វ៉ាក់សាំង។
ក្នុងសុន្ទរកថានេះលោកបៃដិនលើកឡើងថា យើងនៅមិនទាន់់ចេញពីព្រៃបានទាំងស្រុងនៅឡើយទេ។ លោកអះអាងបែបនេះខណៈប្រទេសលោក កំពុងប្រឈមមុខនឹងការកើនឡើងនៃការឆ្លងរាលដាលដ៏រហ័ស នៃវីរុសបំប្លែងខ្លួនDELTA.។ ជាលើកទីមួយហើយចាប់តាំងពីច្រើនខែកន្លងមកនេះ ដែលលោកបៃដិន បានចូលមកក្នុងបន្ទប់ដែលបណ្ដាអ្នកកាសែតនៅរង់ចាំលោក ជាមួយការពាក់ម៉ាសពណ៌ខ្មៅមួយ ដែលលោកដោះចេញមុនចាប់ផ្ដើមនិយាយ។
លោកថាលោកតាមដានបណ្ដាអនុសាសន៍ថ្មីៗ របស់អាជ្ញាធរសុខាភិបាលអាមេរិកដែលថា ក៏ទោះបីពលរដ្ឋអាមេរិកចាក់វ៉ាក់សាំងពេញលេញក្ដី ក៏ត្រូវពាក់ម៉ាសឡើងវិញ ប្រសិនបើលោកអ្នកស្ថិតនៅតំបន់ដែលវីរុសធ្វើចរាចរណ៍ខ្លាំង។ ជាការលើកទឹកចិត្តឲ្យពលរដ្ឋអាមេរិកនាំគ្នាចាក់វ៉ាក់សាំងឲ្យបានគ្រប់គ្នា លោកបៃដិនអំពាវនាវដល់អាជ្ញាធរមូលដ្ឋាន ឲ្យផ្ដល់ប្រាក់១០០ដុល្លារចំពោះមនុស្សម្នាក់ដែលមកចាក់វ៉ាក់សាំង។ លោកក៏មានបំណងឲ្យមានវិធានការចាក់វ៉ាក់សាំងជាកាតព្វកិច្ចពិសេសបណ្ដានិយោជិតសហព័ន្ធផងដែរ តែលោកនៅមិនទាន់ប្រកាសគ្រាន់តែព្រលយពាក្យ។
ចំពោះការចាក់វ៉ាក់សាំងអ៊ីស្រាអែលបានអំពាវនាវដល់ពលរដ្ឋខ្លួន ដែលមានអាយុចាប់ពី៦០ឆ្នាំទៅ ឲ្យចាក់ដូសទី៣ដើម្បីធានាដល់កិច្ចការពារប្រឆាំងវីរុស។ នេះជាកាលលើកឡើងកាលពីថ្ងៃទី២៩កក្កដា របស់នាយករដ្ឋមន្ត្រីអីុស្រាអែលលោកណាតាលីបេននេតតាមទូរទស្សន៍៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ