អ៊ីស្រាអែលចាក់វ៉ាក់សាំងដូសទី៣ដល់មនុស្សចាស់ ក្រោយកូវីដវាយលុកខ្លាំង
អ៊ីស្រាអែល ៖ ប្រទេសអ៊ីស្រាអែលនឹងចាប់ផ្តើមចាក់វ៉ាក់សាំងបង្ការកូវីដ១៩ដូសទី៣ របស់ក្រុមហ៊ុន Pfizer ដល់មនុស្សមានអាយុ
អ៊ីស្រាអែល ៖ ប្រទេសអ៊ីស្រាអែលនឹងចាប់ផ្តើមចាក់វ៉ាក់សាំងបង្ការកូវីដ១៩ដូសទី៣ របស់ក្រុមហ៊ុន Pfizer ដល់មនុស្សមានអាយុ
អ៊ីស្រាអែល ៖ ប្រទេសអ៊ីស្រាអែលនឹងចាប់ផ្តើមចាក់វ៉ាក់សាំងបង្ការកូវីដ១៩ដូសទី៣ របស់ក្រុមហ៊ុន Pfizer ដល់មនុស្សមានអាយុលើសពី៦០ឆ្នាំ ដែលនេះជាកិច្ចខំប្រឹងប្រែងរបស់រដ្ឋាភិបាល ដើម្បីកាត់បន្ថយការកើនឡើងករណីឆ្លង ជាពិសេសការប្រែប្រួលនៃវីរុសបំប្លែងខ្លួនថ្មី «Delta»។ នេះបើតាមការចេញផ្សាយពីសារព័ត៌មាន Reuters នៅថ្ងៃនេះ។
នាយករដ្ឋមន្ត្រី Naftali Bennett បានលើកឡើងថា ការចាក់វ៉ាក់សាំងដូសទី៣ នឹងចាប់ផ្តើមពីថ្ងៃអាទិត្យចុងសប្តាហ៍នេះ ដើម្បីឆ្លើយតបតាមយុទ្ធនាការចាក់វ៉ាក់សាំងបំពេញបន្ថែមរបស់រដ្ឋាភិបាល ដល់មនុស្សមានអាយុលើស៦០ឆ្នាំ ដែលបានចាក់២ដូសរួច កាលពី៥ខែមុន។ សកម្មភាពនេះ ធ្វើឱ្យអ៊ីស្រាអែលក្លាយជាប្រទេសដំបូងគេលើពិភពលោកដែលចាក់ដូសទី៣ ដល់មនុស្សចាស់។
ជាមួយគ្នានោះ លោកប្រធានាធិបតី Isaac Herzog ឈានចូលវ័យ៦១ឆ្នាំ នៅខែកញ្ញាខាងមុខ នឹងក្លាយជាមនុស្សដំបូងគេក្នុងប្រទេសនេះ ដែលចាក់វ៉ាក់សាំងដូសទី៣ នៅថ្ងៃសុក្រនេះ។
លោកនាយករដ្ឋមន្ត្រីបន្តថា គោលបំណងនៃយុទ្ធនាការ គឺដើម្បីកាត់បន្ថយឱកាសនៃការឆ្លងវីរុស និងបង្ការមិនឱ្យអ្នកជំងឺធ្លាក់ចូលស្ថានភាពធ្ងន់ធ្ងរ។ ទន្ទឹមនឹងនេះ បើតាមលទ្ធផលសាកល្បងពីអ្នកជំនាញបង្ហាញថា មនុស្ស២០០០នាក់ ដែលមានប្រព័ន្ធភាពស៊ាំចុះខ្សោយបានទទួលវ៉ាក់សាំងដូសទី៣រួចហើយ ដោយមិនមានផលប៉ះពាល់ធ្ងន់ធ្ងរទេ។
សូមជម្រាបថា ប្រហែល ៥៧% នៃប្រជាជនសរុប ៩,៣លាននាក់របស់អ៊ីស្រាអែលបានចាក់វ៉ាក់សាំង២ដូស ដែលភាគច្រើនរបស់ក្រុមហ៊ុន Pfizer។ ក្នុងនោះមនុស្សប្រហែល ១៦០នាក់កំពុងសម្រាកព្យាបាលនៅមន្ទីរពេទ្យជាមួយរោគសញ្ញាធ្ងន់ធ្ងរ។ ខណៈដែលការឆ្លងថ្មីប្រចាំថ្ងៃជាមធ្យមជាង២,០០០ករណីនៅសប្តាហ៍នេះ ដែលនេះជាតួលេខខ្ពស់បំផុតមួយ បើធៀបកាលពីប៉ុន្មានខែមុន៕
ចែករំលែកព័តមាននេះ