ខេត្តស្ទឹងត្រែង ៖ ជនជាតិឡាវម្នាក់វ័យ ៣៨ឆ្នាំបានដេកស្លា.ប់នៅក្នុងតូបដាក់ស្ថានីយដាក់ម៉ាស៊ីនបូមទឹកស្អាតនៅច្រាំងទន្លេក្បែរមន្ទីរសាធារណការ និងដឹកជញ្ជូនខេត្តស្ទឹងត្រែង បង្កឲ្យការភ្ញាក់ផ្អើលទាំងយប់ កាលពីថ្ងៃទី២៨ ខែកក្កដា ឆ្នាំ២០២១។ លុះនៅព្រឹកថ្ងៃទី២៩ ខែកក្កដា នគរបាល និងក្រុមគ្រូពេទ្យបានចុះទៅពិនិត្យសាកស.ពបុរសខាងលើផងដែរ។
បើតាមស្ត្រីឈ្មោះ គង់ ចិន្តា អាយុ៣៩ឆ្នាំ ត្រូវជាប្រពន្ធស.ពអោយដឹងថា ប្តីរបស់នាងឈ្មោះ ខាំ សន អាយុ៣៨ឆ្នាំ ជាជនជាតិឡាវ។ ហើយខ្លួនមានស្រុកកំណើតនៅខេត្តបន្ទាយមានជ័យ ហើយបានយកប្ដីជាជនជាតិឡាវ កាលធ្វើការងារជាកម្មករសំណង់នៅប្រទេសថៃ រហូតមកទល់បច្ចុប្បន្ននេះ គឺមានរយៈពេល១០ឆ្នាំមកហើយ។
ស្ត្រីជាប្រពន្ធបាននិយាយបន្តថា ក្រោយពីបានយកគ្នាធ្វើជាប្ដីប្រពន្ធហើយនោះ ក៏បានចាកចេញពីប្រទេសថៃ ធ្វើដំណើរទៅរស់នៅប្រទេសឡាវជាច្រើនឆ្នាំ និងបានចូលមកកម្ពុជា តាមឃុំព្រះរំកិល ខេត្តស្ទឹងត្រែង។ នាងបន្តថា ការរស់នៅនោះដោយសារតែជីវភាពខ្វះខាត គ្រួសារនាងបានប្ដូរទីលំនៅពីកន្លែងមួយទៅកន្លែង ដោយការរស់នៅជាមួយគ្នាជាប្ដីប្រពន្ធនេះ គឺមិនបានរៀបអាពាហ៍ពិពាហ៍ឡើយ ហើយក៏មានកូន២នាក់ កូនច្បងប្រុសអាយុ៦ឆ្នាំ និងកូនស្រីអាយុ៣ឆ្នាំ។
ស្ត្រីជាប្រពន្ធស.ពជនរងគ្រោះបានប្រាប់ទៀតថា ប្ដីរបស់ខ្លួនតែងតែផឹកស្រាជារៀងរាល់ថ្ងៃ ហើយបានស្លា.ប់តាំងពីម៉ោង១២ថ្ងៃត្រង់ នៅថ្ងៃទី២៨ ខែកក្កដា ម្សិលមិញ។ ពួកគេរស់នៅនឹងតូបស្ថានីយដាក់ម៉ាស៊ីនបូមទឹកជាប់មាត់ទន្លេសេកុងជាមួយនឹងកូនប្រុសច្បងម្នាក់ ចំណែកកូនស្រីពៅរបស់នាងនៅជាមួយបងប្អូននៅអូរពងមាន់ ក្រុងស្ទឹងត្រែងឯណោះ។
ក្រោយពីមានករណីជនជាតិឡាវយកប្រពន្ធខ្មែរខាងលើបានដេកស្លា.ប់នៅជាប់ដងទន្លេសេកុងកែងមន្ទីរសាធារណការ និងដឹកជញ្ជូនខេត្តស្ទឹងត្រែង សមត្ថកិច្ច ក្រុមគ្រូពេទ្យ ព្រមទាំងអគ្គកុងស៊ុលឡាវប្រចាំខេត្តស្ទឹងត្រែង បានចុះទៅធ្វើការពិនិត្យនៅកន្លែងកើតហេតុ និងប្រគល់ស.ពទៅក្រុមគ្រួសារដើម្បីយកទៅធ្វើបុណ្យផងដែរ៕
ចែករំលែកព័តមាននេះ