លោកយាយវ័យចំណាស់អាយុ៨៥ឆ្នាំម្នាក់ត្រូវបានសត្វឆ្កែខាំ បន្ទាប់មកក៏មានអាការៈមិនសូវស្រួលខ្លួន ហើយកូនៗក៏បាននាំគាត់យកទៅឲ្យអាចារ្យសូត្រមន្ត និងធ្វើសង្ឃទាន
ខេត្តបន្ទាយមានជ័យ ៖ លោកយាយវ័យចំណាស់អាយុ៨៥ឆ្នាំម្នាក់ត្រូវបានសត្វឆ្កែខាំ បន្ទាប់មកក៏មានអាការៈមិនសូវស្រួលខ្លួន ហើយកូនៗក៏បាននាំគាត់យកទៅឲ្យអាចារ្យសូត្រមន្ត និងធ្វើសង្ឃទាន ក្រោយមកក៏ស្រាប់តែបានស្លា.ប់តាមផ្លូវ ខណៈពេលដឹកមកផ្ទះ បន្ទាប់មកក្រុមគ្រូពេទ្យក៏ពិនិត្យសំណាកតេស្តរហ័ស ជាលទ្ធផលរកឃើញវិជ្ជមានកូវីដ១៩។ ករណីនេះបានកើតឡើងនៅរសៀលថ្ងៃទី២៨ ខែកក្កដា ឆ្នាំ ២០២១ ស្ថិតនៅភូមិអង្គារបុស្ប សង្កាត់កោះពង់សត្វ ក្រុងសិរីសោភ័ណ ខេត្តបន្ទាយមានជ័យ។
បើតាមការបញ្ជាក់ពីសមត្ថកិច្ចមូលដ្ឋានបានឲ្យដឹងថា ស.ពលោកយាយវ័យចំណាស់ខាងលើមានឈ្មោះ ស៊ុ វ៉ាន់ ភេទស្រី អាយុ៨៥ឆ្នាំ រស់នៅភូមអង្គារបុស្ប សង្កាត់កោះពង់សត្វ ក្រុងសិរីសោភ័ណ ខេត្តបន្ទាយមានជ័យ ។
តាមការបញ្ជាក់ពីកូនៗបានឲ្យដឹងថា កាលពីថ្ងៃទី៥ ខែកក្កដា ឆ្នាំ២០២១ កូនៗបានមកយកម្តាយទៅលេងនៅចំការក្នុងខេត្តសៀមរាបដោយជិះរថយន្តផ្ទាល់ខ្លួន លុះពេលទៅដល់ចំការស្រាប់ម្តាយត្រូវសត្វឆ្កែខាំ ក្រោយមកម្តាយក៏ចេះតែមានអាការៈមិនស្រួលខ្លួននោះទេ កូនៗក៏បាននាំម្តាយរបស់ខ្លួនទៅភូមិណងចាន់ ឃុំអូរបីជាន់ ស្រុកអូរជ្រៅ នឹងបានអញ្ជើញអាចារ្យមកសូត្រមន្ត និងធ្វើសង្ឃទានជូនគាត់ ។
ប្រភពដដែលបានបន្តថា រំលងបានរយៈពេល០២ថ្ងៃមក អាការៈរបស់គាត់ពុំបានធូស្បើយឡើយ។ លុះនៅថ្ងៃទី២៨ ខែកក្កដា កូនៗក៏សម្រេចចិត្តយកម្តាយមកផ្ទះវិញ នៅភូមិអង្គារបុស្ប សង្កាត់កោះពង់សត្វ តែខណៈពេលកំពុងតែធ្វើដំណើរបានពាក់កណ្តាលផ្លូវនោះ ក៏ស្រាប់តែម្តាយបានដាច់ខ្យល់ស្លា.ប់ទៅហើយ (នៅចំណុចសាលាក្រហម នៅវេលាម៉ោង១១ថ្ងៃត្រង់)។ បន្ទាប់មកកូនៗក៏បានដឹកស.ពម្តាយត្រឡប់មកដល់ផ្ទះវិញនៅវេលាម៉ោង២និង៥០នាទីថ្ងៃដដែល និងបានរាយការណ៍ទៅសមត្ថកិច្ច ក្រោយមកក្រុមគ្រូពេទ្យបានយកសំណាកលើស.ពម្តាយទៅធ្វើតេស្តរកមេរោគកូវីដ ស្រាប់តែលទ្ធផល គឺវិជ្ជមានកូវីដ១៩។
ក្រោយពេលរកឃើញវិជ្ជមានកូវីដ១៩ហើយ អាជ្ញាធរ សមត្ថកិច្ចមូលដ្ឋាន រួមទាំងគ្រូពេទ្យក៏បានរៀបចំវេចខ្ចប់ស.ពតាមលក្ខណៈបច្ចេកទេសសុខាភិបាល ដើម្បីយកទៅបូជានៅទីតាំងបូជាស.ពអ្នកកើតកូវីដ១៩ នៅភ្នំបាក់ ក្នុងសង្កាត់ទឹកថ្លាតែម្តង ។ ក្នុងនោះផងដែរ អាជ្ញាធរក៏ប្រមូលក្រុមគ្រួសារ សាច់ញាតិ និងអ្នកជាប់ពាក់ព័ន្ធ ដើម្បីយកសំណាក់ធ្វើតេស្តរកកូវីដ១៩ និងបន្តឲ្យធ្វើចត្តាឡីស័ក៕
ចែករំលែកព័តមាននេះ