សំណាងមិនមែនចេះតែកើតមានគ្រប់មនុស្សទេ គង់មានអ្នកខ្លះវាសនាល្អ និងខ្លះទៀតមានវាសនាអាក្រក់តាមតែទេវតាចារមក ។ យោងតាមក្បួនតម្រាចារមើលអំពីលក្ខណៈមនុស្សបានប្រាប់ថា ប្រុសស្រីដែលមានប្រជ្រុយ៧កន្លែងជាអ្នកមានសំណាងល្អ ជោគវាសនាខ្ពស់ដូចមេឃ និងមិនខ្វះទេអ្នកជួយជ្រោមជ្រែងជីវិតឱ្យបានជោគជ័យ ភ្លឺថ្លាដូចគ្រាប់ពេជ្រ ហើយបើមានបញ្ហាអ្វី មិនខ្វះទេអ្នកចេញមុខមកជួយដោះស្រាយឱ្យរួចផុតពីទុក្ខភ័យ ៖
១-ប្រជ្រុយលើចិញ្ចើមសៀតផ្កា អ្នកដែលមានប្រជ្រុយនៅត្រង់ចំណុចនេះមិនត្រឹមតែមានសំណាងលើរឿងទ្រព្យសម្បត្តិនោះទេ ថែមទាំងមានសំណាងលើបញ្ហាជីវិតដ៏ត្រចះត្រចង់ទៀតផង ។
២-ប្រជ្រុយលើឆ្អឹងខ្នង ប្រុសស្រីដែលមានប្រជ្រុយបែបនេះ មិនខ្វល់ខ្វាយពីរឿងលុយកាក់ទេតាំងតែពីកំណើតមក ។ អ្នកដែលមានប្រជ្រុយត្រងង់ចំណុចនេះ តាំងតែពីតូចមកតែងទទួលបានការស្រលាញ់ថ្នាក់ថ្នមពីឪពុកម្ដាយយ៉ាងកក់ក្ដៅ លុះពេលដែលធំធាត់ឡើង នៅជុំវិញខ្លួនគេមានសុទ្ធតែជាមនុស្សល្អៗ រោមព័ទ្ធដោយលាភសំណាងពេញមួយជីវិត ។
៣-ប្រជ្រុយនៅលើភ្លៅ អ្នកដែលមានប្រជ្រុយនៅលើភ្លៅ មិនថាភ្លៅឆ្វេង ឬស្តាំ ក្នុងមួយជីវិតនេះមិនដែលត្រូវព្រួយបារម្ភសោះឡើយពីចំណីអាហារ ការស្លៀកពាក់ និងផ្ទះសម្បែង ។ ជីវិតការងារក៏រលូនទៅមុខល្អ ហើយក៏មានអ្នកចាំជួយជ្រោមជ្រែងជានិច្ច ។
៤-ប្រជ្រុយលលាដ៏សុដន ប្រុសស្រីដែលមានប្រជ្រុយត្រង់ចំណុចនេះភាគច្រើនតែងមានលាភសំណាងក្នុងជីវិតជារៀងរហូត មិនដែលត្រូវបារម្ភពីរឿងលុយកាក់បន្តិចសោះឡើយក្នុងមួយជីវិតនេះ ជាពិសេសនៅពេលដែលមានបញ្ហាម្ដងណាក៏មានអ្នកចាំចេញមុខមកដោះស្រាយមិនដែលលំបាកខ្លួនឡើយ ។
៥-ប្រជ្រុយត្រង់ស្លឹកត្រចៀក អ្នកមានប្រជ្រុយនៅត្រង់បរិវេណនេះ មិនថាត្រចៀកឆ្វេងឬស្តាំសុទ្ធតែជាតំណាងឱ្យទ្រព្យសម្បត្តិ ។ ជាមនុស្សដែលមានភាពវៃឆ្លាតរឿងលុយកាក់ មិនចាំបាច់ត្រូវបារម្ភថាអ្នកដទៃមកបោកប្រាស់បាននោះទេ ។ ពេលដែលមានបញ្ហា ហាមាត់តែបន្តិចក៏មានមនុស្សមកជួយយកអាសាផ្លូកទឹកផ្លូកដីភ្លាមៗ ។
៦-ប្រជ្រុយលើកញ្ចឹងក អ្នកដែលមានប្រជ្រុយត្រង់ចំណុចនេះតែងមានអាជីពការងារដែលខ្លួនពេញចិត្តមួយ ហើយបើជាអ្នកប្រកបរបររកស៊ីវិញក៏កាន់តែកាក់ខ្លាំងទៅទៀត ។ នៅពេលដែលមានលុយក្នុងដៃដឹងតែកែច្នៃឱ្យប្រាក់នោះកាន់តែកើនឡើងជាលំដាប់ ។
៧-ប្រជ្រុយក្នុងចិញ្ចើម អ្នកដែលមានប្រជ្រុយនៅក្នុងចិញ្ចើមត្រង់ចន្លោះភ្នែកទាំងពីរតែងតែរស់នៅយ៉ាងស្ដុកស្តម្ភ ជាមនុស្សដែលមានភាពវៃឆ្លាត ព្រមទាំងមានទេពកោសល្យពេញខ្លួន គួបផ្សំនឹងសំណាងដែលមានមកពីកំណើតផងនោះ អ្នកនឹងមិនដែលត្រូវខ្វល់ព្រួយពីរឿងលុយកាក់ឡើយ ៕ សាន សារិន
ចែករំលែកព័តមាននេះ