រថយន្តកូរ៉ូឡា បើកកៀររថយន្តឈប់ចតស្ងៀម ហើយបើកគេចខ្លួន ត្រូវសមត្ថកិច្ច ចាប់បាន
- ភ្នំពេញ
ភ្នំពេញ៖ បុរសម្នាក់ ស្រវឹងស្រាជោកជាំ បើករថយន្តកូរ៉ូឡាមួយគ្រឿង បោះពួយយ៉ាងលឿន មិនប្រយ័ត្ន ជ្រុលរេចង្កូត ទៅកៀរចំពីមុខរថយន្តមួយគ្រឿងទៀត ដែលកំពុងចតស្ងៀម នៅលើខឿន…
ភ្នំពេញ៖ បុរសម្នាក់ ស្រវឹងស្រាជោកជាំ បើករថយន្តកូរ៉ូឡាមួយគ្រឿង បោះពួយយ៉ាងលឿន មិនប្រយ័ត្ន ជ្រុលរេចង្កូត ទៅកៀរចំពីមុខរថយន្តមួយគ្រឿងទៀត ដែលកំពុងចតស្ងៀម នៅលើខឿន…
ភ្នំពេញ៖ បុរសម្នាក់ ស្រវឹងស្រាជោកជាំ បើករថយន្តកូរ៉ូឡាមួយគ្រឿង បោះពួយយ៉ាងលឿន មិនប្រយ័ត្ន ជ្រុលរេចង្កូត ទៅកៀរចំពីមុខរថយន្តមួយគ្រឿងទៀត ដែលកំពុងចតស្ងៀម នៅលើខឿន តាមចិញ្ចើមផ្លូវ ហើយបានបន្ថែមល្បឿន បើករត់គេចយករួចខ្លួន។ តែត្រូវសមត្ថកិច្ច ជិះម៉ូតូដេញតាម និងស្ទាក់ចាប់បាន កាលពីវេលាម៉ោង ៩ និង ១០នាទី យប់ថ្ងៃទី២៧ ខែកក្កដា ឆ្នាំ២០២១ ត្រង់ចំណុចក្បែរស្តុបត្រឡោកបែក តាមបណ្ដោយផ្លូវ៥៩៨ ស្ថិតក្នុងសង្កាត់បឹងកក់ទី២ ខណ្ឌទួលគោក។
ប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសពីរនាក់បើកបររថយន្តមួយគ្រឿងម៉ាកកូរ៉ូឡា ពណ៌ស្ករ ពាក់ស្លាកលេខ ភ្នំពេញ 2AX-4864 ធ្វើដំណើរក្នុងស្ថានភាពស្រវឹងជោកជាំ តាមបណ្ដោយផ្លូវ២៥៣ ទិសដៅពីត្បូងទៅជើង និងក្នុងល្បឿនលឿន ដោយខ្វះការប្រុងប្រយ័ត្ន ក៏ជ្រុលចង្កូតទៅខាងស្តាំ ទៅកៀរចំផ្នែកខាងមុខរថយន្តមួយគ្រឿងទៀត ម៉ាក SSANGYONG ពណ៌ស ពាក់ស្លាកលេខ ភ្នំពេញ 2BJ-1865 ដែលឈប់ចតស្ងៀម នៅលើខឿនតាមចិញ្ចើមផ្លូវ ត្រង់ចំណុចជាប់ខាងកើត មន្ទីរពេទ្យកុមារជាតិ តាមបណ្តោយផ្លូវ២៥៣ កែងនឹងផ្លូវ១១២ ស្ថិតក្នុងសង្កាត់ទឹកល្អក់ទី១ ខណ្ឌទួលគោក បណ្តាលឲ្យរថយន្ត SSANGYONG រងការខូចខាតកាងផ្នែកខាងមុខបន្តិចបន្តួច។
ភ្លាមៗនោះ រថយន្តកូរ៉ូឡា មិនបានឈប់ចុះមកដោះស្រាយតាមសម្រួលនោះទេ បែរជាបន្ថែមល្បឿន បើកគេចចេញពីកន្លែងកើតហេតុទាំងរងការខូចខាតក្រពឹត និងឆ្កូតថ្នាំមួយចំហៀងខាងស្តាំ។ ប៉ុន្តែហេតុការណ៍នោះ ក៏មានសមត្ថកិច្ចមូលដ្ឋាន បានឃើញហេតុការណ៍ ក៏ជិះម៉ូតូដេញតាមពីក្រោយ រហូតស្ទាក់ចាប់បាន នៅត្រង់ចំណុចខាងលើតែម្ដង។
ក្រោយពេលកើតហេតុ សមត្ថកិច្ចមូលដ្ឋាន និងសមត្ថកិច្ចជំនាញ បាននាំរថយន្តបង្ក រួមទាំងអ្នកបើកត្រឡប់មកចរចាដោះស្រាយគ្នា ជាមួយនឹងម្ចាស់រថយន្តរងគ្រោះ ហើយភាគីទាំងពីរ ក៏ព្រមសម្របសម្រួលគ្នា ដោយភាគីខាងរថយន្តបង្ក បានចេញសំណងចំនួន ១៥០ដុល្លារ ឲ្យទៅភាគីខាងរថយន្តរងគ្រោះ ដើម្បីបញ្ចប់រឿង នៅនឹងកន្លែងកើតហេតុ៕
ចែករំលែកព័តមាននេះ