ខេត្តសៀមរាប៖ មានមនុស្សម្នាក់ បានដេកស្លាប់ នៅចំណុចមុខរោងកាត់សក់ ទុកចោល ខណៈពេលនោះ កម្លាំងសមត្ថកិច្ចនគរបាលប៉ុស្តិ៍សង្លាត់ស្លក្រាម បានចុះទៅដល់កន្លែងកើតហេតុ ឃើញសពមនុស្សប្រុស មិនស្គាល់អត្តសញ្ញាណ…
ខេត្តសៀមរាប៖ មានមនុស្សម្នាក់ បានដេកស្លាប់ នៅចំណុចមុខរោងកាត់សក់ ទុកចោល ខណៈពេលនោះ កម្លាំងសមត្ថកិច្ចនគរបាលប៉ុស្តិ៍សង្លាត់ស្លក្រាម បានចុះទៅដល់កន្លែងកើតហេតុ ឃើញសពមនុស្សប្រុស មិនស្គាល់អត្តសញ្ញាណ ដែលជាជនអនាថា អាយុប្រហែល ៦០ឆ្នាំ ស្ថិតនៅត្រង់ចំណុចមុខរោងកាត់សក់ទុកចោល ផ្លូវចូលទៅស្ពានវត្តពោធិ៍ពីរដើម ផ្លូវទៅរមណីយដ្ឋានអង្គរវត្ត។ ហេតុការណ៍នេះ ត្រូវបានស្ត្រីម្នាក់ ឈ្មោះ ថុល សុភាព អាយុ ៤៨ឆ្នាំ រស់នៅទីកន្លែងកើតហេតុខាងលើ បានរាយការណ៍ ប្រាប់សមត្ថកិច្ចមូលដ្ឋាន។
ហេតុការណ៍ពលរដ្ឋប្រទះឃើញសាកសពបុរសម្នាក់ ដេកស្លាប់នោះ បានកើតឡើង នៅវេលាម៉ោង ៦ និង ០០នាទីព្រឹក ថ្ងៃទី២៨ ខែកក្កដា ឆ្នាំ២០២១ ស្ថិតនៅត្រង់ចំណុច មុខរោងកាត់សក់ទុកចោល ផ្លូវចូលទៅស្ពាន វត្តពោធិ៍ពីរដើម ផ្លូវទៅរមណីយដ្ឋានអង្គរវត្ត ក្នុងក្រុមទី៦ ភូមិទ្រាំង សង្កាត់ស្លក្រាម ក្រុងសៀមរាប។
តាមការពិនិត្យសាកសព លោកវេជ្ជបណ្ឌិត អ៊ិត ឆបឆរ័ត្ន ជាគ្រូពេទ្យកោសល្យវិច័យ នៃមន្ទីរពេទ្យបង្អែកខេត្តសៀមរាប បានសន្និដ្ឋានថា សពបុរសស្លាប់នេះ ដោយសារស្ទះសរសៃឈាមបេះដូង (ខ្យល់គ) និងបានធ្វើតេស្ត រកមេរោគកូវីត១៩ ជាលទ្ធផលអវិជ្ជមាន និងមានការចូលរួមពិនិត្យសាកសពរបស់មន្ត្រីជំនាញ ផ្នែកកោសលវិច្ច័យខេត្ត និងក្រុងផងដែរ ជាលទ្ធផល សពពុំមានស្លាកស្នាមអ្វីពាក់ព័ន្ធនឹងបទល្មើសព្រហ្មទណ្ឌឡើយ។
ប្រភពបានបញ្ជាក់ថា ក្រោយធ្វើកោសល្យវិច័យរួច សាកសព ត្រូវបានកម្លាំងនគរបាលជំនាញ ប្រគល់ជូនមេភូមិ និងចៅសង្កាត់ យកទៅតម្កល់ទុក ដើម្បីបូជា នៅវត្តព្រះឥន្ទកោសីយ៍ ដើម្បីធ្វើការស្រាវជ្រាវ រកសាច់ញាតិបន្ត៕ ច័ន្ទ រស្មី
ចែករំលែកព័តមាននេះ