យុទ្ធសាស្ត្រសេដ្ឋកិច្ចរបស់ប៉ាគីស្ថាន កំពុងលេចចេញជារូបរាងនៅភូមិសាស្ត្រកណ្តាលអាស៊ី
យោងតាមសារព័ត៌មាន Gulf News ថ្មីៗនេះ បានសម្ភាសន៍លោក Abdul Razak Dawood ដែលជាទីប្រឹក្សាផ្នែកពាណិជ្ជកម្ម និងការវិនិយោគ…
យោងតាមសារព័ត៌មាន Gulf News ថ្មីៗនេះ បានសម្ភាសន៍លោក Abdul Razak Dawood ដែលជាទីប្រឹក្សាផ្នែកពាណិជ្ជកម្ម និងការវិនិយោគ របស់លោកនាយករដ្ឋមន្ត្រី Imran Khan ដែលបានបំភ្លឺដល់ទស្សនិកជន នូវព័ត៌មានលម្អិតអំពីយុទ្ធសាស្ត្រភូមិសាស្ត្រសេដ្ឋកិច្ចរបស់ប៉ាគីស្ថាន ។
លោក Dawood បានពិពណ៌នាថា ប្រទេសរបស់លោកកំពុងខិតខំ ដើម្បីបញ្ចប់នូវការពឹងផ្អែកលើប្រាក់កម្ចី និងថវិកាសង្គ្រោះ ពីបរទេស ដែលជាគោលបំណង នៃការអនុវត្តគោលនយោបាយកូនកាត់ នៃឧស្សាហូបនីយកម្ម ការធ្វើពិពិធកម្មសេដ្ឋកិច្ច ការជំនួសដោយការនាំចូល ការលើកទឹកចិត្តការវិនិយោគ ការកែទម្រង់ហិរញ្ញវត្ថុ ការតភ្ជាប់តំបន់ពាណិជ្ជកម្មសេរី ការអនុគ្រោះ និងការជំរុញឱ្យកំណើននៃការនាំចេញ ។
Imran Khan
ប៉ាគីស្ថាន សន្មត់ថា បានស្វែងរកអាទិភាពនៃការចូលរួមសេដ្ឋកិច្ចភូមិសាស្ត្រសេដ្ឋកិច្ចជាមួយសាធារណរដ្ឋអាស៊ីកណ្តាល the Central Asian Republics (CARs) សម្រាប់ហេតុផលជាក់ស្តែងជាច្រើន ដូចជាទី ១ ៖ ប៉ាគីស្ថាន គឺជាម្ចាស់ភាគហ៊ុនសំខាន់បំផុតនៅអាហ្វហ្គានីស្ថាន ។ ទី ២ ៖ ប៉ាគីស្ថាន មានគោលបំណងភ្ជាប់ទំនាក់ទំនងកាន់តែជិតស្និទ្ធ និងទូលំទូលាយ ប្រទេសក្នុងតំបន់ក៏ដូចជាប្រទេសជិតខាង បន្ទាប់ពីសង្គ្រាមត្រូវបានបញ្ចប់ ហើយអ្វីដែលចៀសមិនផុតគឺផ្លូវដែកត្រីភាគី ប៉ាគីស្ថាន – អាហ្វហ្គានីស្ថាន – អ៊ូសបេគីស្ថាន (PAKAFUZ) ត្រូវបានព្រមព្រៀងកាលពីខែកុម្ភៈ ។ ទី ៣ ៖ ប៉ាគីស្ថានមានគម្រោងនឹងបើកទីផ្សារដែលមានសក្តានុពល នឹងចំណាយថិវិការហូតដល់ ៩០ ពាន់លានដុល្លារ ។ ទី ៤ ៖ ប៉ាគីស្ថាននឹងធ្វើឱ្យប្រសើរឡើង នូវទំនាក់ទំនងពាណិជ្ជកម្មរវាងអាស៊ីកណ្តាល និងអាស៊ីខាងត្បូងតាមរយៈ PAKAFUZ នឹងពង្រឹងទំនាក់ទំនង ជាមួយអង្គការកិច្ចសហប្រតិបត្តិការសេដ្ឋកិច្ច (the Economic Cooperation Organization [ECO]) ដែលប៉ាគីស្ថាន និង CARs បានចូលរួមជាមួយគ្នា ។ ទី ៥ ៖ ប្រសិទ្ធិភាពបញ្ចប់ត្រូវបានបម្រុងទុកវេទិកានេះ និងសមាជិកជាច្រើន កាន់តែមានសារៈសំខាន់ចំពោះសេដ្ឋកិច្ចពិភពលោក ។
Afghan President Ashraf Ghani welcomes the Prime Minister of Pakistan Imran Khan. PHOTO: AFP
ការលើកឡើងទាំងនេះ ប៉ាគីស្ថានកំពុងកំណត់ទីតាំងខ្លួន ថាវាជាចំណុចរួម នៃផលប្រយោជន៍ភូមិសាស្ត្រសេដ្ឋកិច្ច ដែលអាចធ្វើឱ្យអាស៊ីកណ្តាល និងអាស៊ីខាងត្បូង ចាប់អារម្មណ៍ ។ The China-Pakistan Economic Corridor (CPEC) ទំនាក់ទំនងសេដ្ឋកិច្ចរវាងចិន – ប៉ាគីស្ថាន មានលក្ខណៈជាស្ថាប័ន ខណៈ PAKAFUZ នឹងផ្តល់ឱ្យប្រទេសរុស្ស៊ីអាចលោតផ្លោះ ដើម្បីបង្កើនការចូលរួមផ្នែកសេដ្ឋកិច្ចរបស់ខ្លួនជាមួយអាស៊ីខាងត្បូង ដូចគ្នានឹងសហរដ្ឋអាមេរិកថ្មីៗនេះអាចប្រើប្រាស់គម្រោងហេដ្ឋារចនាសម្ព័ន្ធនេះ តាមរយៈ “New Quad” ហើយអាចមានប្រសិទ្ធភាព អាហ្វហ្គានីស្ថាន និង CARs ផងដែរ ។
Pakistan, Afghanistan, Uzbekistan sign strategic plan for railway project
ជាមួយនឹងអ្នកពាក់ព័ន្ធសំខាន់ៗ ដើម្បីភាពជោគជ័យរបស់ខ្លួន ប៉ាគីស្ថានសង្ឃឹមថាមហាអំណាចទាំងនេះ នឹងធានារួមគ្នាថាគ្មានភាគីទីបី ដូចជាឥណ្ឌាទទួលបានជោគជ័យ ក្នុងការធ្វើឱ្យមានអស្ថិរភាពនៅគ្រប់ពេល បើមិនដូច្នោះទេ ការវិនិយោគផ្ទាល់របស់ឥណ្ឌា ក៏នឹងត្រូវគំរាមកំហែងផងដែរ ៕ ប្រភព ៖ tribune
ចែករំលែកព័តមាននេះ