សោកនាដកម្មលិចនាវាក្នុងដែនទឹក ស្លា.ប់ជនអន្តោប្រវេសន៍៥៧នាក់
ជនអន្តោប្រវេសន៍ជិត៦០នាក់ ដែលប៉ុនប៉ងផ្សងព្រេងធ្វើដំណើរកាត់សមុទ្រទៅកាន់អឹរ៉ុប ក្នុងនោះមាននារី និងកុមារ បានត្រូវស្លា.ប់កាលពី
ជនអន្តោប្រវេសន៍ជិត៦០នាក់ ដែលប៉ុនប៉ងផ្សងព្រេងធ្វើដំណើរកាត់សមុទ្រទៅកាន់អឹរ៉ុប ក្នុងនោះមាននារី និងកុមារ បានត្រូវស្លា.ប់កាលពី
ប្រទេសលីប៊ី ៖ ជនអន្តោប្រវេសន៍ជិត៦០នាក់ ដែលប៉ុនប៉ងផ្សងព្រេងធ្វើដំណើរកាត់សមុទ្រទៅកាន់អឹរ៉ុប ក្នុងនោះមាននារី និងកុមារ បានត្រូវស្លា.ប់កាលពីថ្ងៃទី២៦ ខែកក្កដា ឆ្នាំ២០២១ ដោយសារលិចនាវាដែលពួកគេជិះក្នុងដែនទឹកលីប៊ី។ វាជាសោកនាដកម្មថ្មីរបស់ពួកជនអន្តោប្រវេសន៍លួចលាក់ នៅសមុទ្រមេឌីទែរ៉ាណេ។ នេះជាសេចក្ដីរាយការណ៍របស់អង្គការអន្តោប្រវេសន៍អន្តរជាតិOIM។
OIM បានបញ្ជាក់ថា ជនអន្តោប្រវេសន៍ចំនួន៥៧នាក់បានលង់ទឹកស្លា.ប់ ដោយសារការលិចនាវាក្នុងដែនទឹកទីក្រុង KHOMS។ ទីក្រុងនោះ ស្ថិតនៅចម្ងាយ១២០គីឡូម៉ែត្រពីរដ្ឋធានីលីប៊ី ក្រុងទ្រីប៉ូលី នាតំបន់ឆ្នេរសមុទ្រខាងលិចលីប៊ី ជាប្រទេសអាហ្វ្រិកខាងជើង ធ្លាក់ក្នុងភាពច្របូកច្របល់ ចាប់តាំងពីឆ្នាំ២០១១មក។ អង្គការនេះ បានបន្តថា បណ្ដាអ្នកនៅរស់រានមានជីវិតបានរៀបរាប់ប្រាប់បុគ្គលិកយើងថា នារីចំនួន២០នាក់ និងកុមារចំនួន២នាក់ ស្ថិតក្នុងចំណោមអ្នកស្លា.ប់ទាំងអស់នោះ។
OIM មិនបានបញ្ជាក់ពីសញ្ជាតិរបស់ជនអន្តោប្រវេសន៍ទាំងនេះឡើយ តែបណ្ដារូបភាពផ្សាយដោយអង្គការនោះ បង្ហាញបណ្ដាពលករមនុស្សធម៌ ចែកចាយស្បៀង និងទឹក ដល់បណ្ដាអ្នកនៅរស់រានមានជីវិត ដែលមើលទៅពួកគេហាក់ហេវហត់បាក់កម្លាំង និងហាក់ដូចជាអ្នកមានដើមកំណើតនៅអាហ្វ្រិកតំបន់សាហារ៉ា។
គួរបញ្ជាក់ថា លីប៊ី ជាចំណុចសំខាន់មួយនៃការចាកចេញដំណើរផ្សងព្រេងរបស់ពួកអន្តោប្រវេសន៍រាប់សិបពាន់នាក់ ដែលក្នុង១ឆ្នាំៗស្វែងរកការធ្វើដំណើរមកកាន់អឺរ៉ុប តាមច្រកឆ្នេរសមុទ្រអ៊ីតាលី ដែលមានចម្ងាយដល់ទៅ៣០០គីឡូម៉ែត្រពីឆ្នេរសមុទ្រលីប៊ី។ ចំនួនជនអន្តោប្រវេសន៍ដែលស្លា.ប់ក្នុងសមុទ្រពេលប៉ុនប៉ងមកកាន់អឹរ៉ុប មានការកើនឡើងក្នុងឆ្នាំនេះដល់ទៅទ្វេដងឯណោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ