លើកដំបូងហើយ រកឃើញវិជ្ជមានកូវីដ៦នាក់ ក្នុងភូមិកោះតូចនៃសង្កាត់កោះរ៉ុងសន្លឹម
- ព្រះសីហនុ
ក្រុងកោះរ៉ុង ៖ យោងតាមការបញ្ជាក់ពី លោក នួន ប៊ុនថុល អភិបាលក្រុងកោះរ៉ុងបានអោយដឹងថា គិតត្រឹមរសៀល ថ្ងៃទី២៦ ខែកក្កដានេះ…
ក្រុងកោះរ៉ុង ៖ យោងតាមការបញ្ជាក់ពី លោក នួន ប៊ុនថុល អភិបាលក្រុងកោះរ៉ុងបានអោយដឹងថា គិតត្រឹមរសៀល ថ្ងៃទី២៦ ខែកក្កដានេះ រដ្ឋបាលក្រុងកោះរ៉ុង សម្រេចបិទភូមិកោះតូចនៃសង្កាត់កោះរ៉ុងសន្លឹម ដោយយោងទៅតាមលទ្ធផលនៃការតេស្តសំណាករកវីរុសកូវីដ-១៩ លើមនុស្សចំនួន១៣៧ នាក់ បានរកឃើញវិជ្ជមានកូវីដ-១៩ ចំនួន៦នាក់ ។
អ្នកវិជ្ជមានទាំង ៦នាក់ខាងលើនេះ បានធ្វើការប្រាស្រ័យទាក់ទងជាមួយអ្នករស់នៅក្នុងភូមិជាមួយគ្នាជាច្រើនទៀត ហេតុនេះទើបរដ្ឋបាលក្រុង សម្រេចបិទភូមិកោះតូច ដើម្បីធ្វើតេស្តសំណាករកវីរុសកូវីដ-១៩ លើប្រជាជនក្នុងភូមិទាំងអស់តែម្តង ។
ទាក់ទងនឹងបញ្ហានេះដែរ ចំពោះការដឹងជញ្ជូនភ្ញៀវទេសចរ លោកអភិបាលក្រុងកោះរ៉ុង បានស្នើអោយម្ចាស់អាជីវកម្មដឹកភ្ញៀវទេសចរទាំងអស់ សូមផ្អាកការដឹកភ្ញៀវចូលមកភូមិកោះតូចមួយរយ: ពេលខ្លីសិន រង់ចាំការជូនដំណឹងជាថ្មី ប៉ុន្តែទូកដឹកទំនិញ ឬគ្រឿងឧបភោគ បរិភោគ គឺអាចចរាចរណ៍បានធម្មតា ។
សូមជម្រាបថា អ្នកវិជ្ជមានទាំង ៦នាក់ ត្រូវបានក្រុមការងាររដ្ឋបាលក្រុងកោះរ៉ុង សហការជាមួយក្រុមគ្រូពេទ្យ នៃមន្ទីសុខាភិបាលខេត្តព្រះសីហនុ រៀបចំដឹកបញ្ជូនមកកន្លែងសម្រាកកព្យាបាលនៅក្រុងព្រះសីហនុ រួចរាល់ហើយ កាលពីល្ងាចថ្ងៃទី២៦ ខែ កក្កដា ឆ្នាំ ២០២១ ៕
ចែករំលែកព័តមាននេះ