ទីផ្សារភាគហ៊ុនអនាគតរបស់សហរដ្ឋអាមេរិក បានកើនឡើងកាលពីថ្ងៃសុក្រ ដោយសារវិនិយោគិន ផ្តោតលើប្រាក់ចំណូលបច្ចេកវិទ្យាខ្ពស់ នេះបើយោងតាមទិន្នន័យសេដ្ឋកិច្ចដែលបានរៀបចំ ឬបំរុងទុកមុនពេលសហព័ន្ធ នឹងធ្វើការប្រជុំនៅសប្តាហ៍ក្រោយ ។ ស្ថិតិវិភាគរបស់ Dow…
ទីផ្សារភាគហ៊ុនអនាគតរបស់សហរដ្ឋអាមេរិក បានកើនឡើងកាលពីថ្ងៃសុក្រ ដោយសារវិនិយោគិន ផ្តោតលើប្រាក់ចំណូលបច្ចេកវិទ្យាខ្ពស់ នេះបើយោងតាមទិន្នន័យសេដ្ឋកិច្ចដែលបានរៀបចំ ឬបំរុងទុកមុនពេលសហព័ន្ធ នឹងធ្វើការប្រជុំនៅសប្តាហ៍ក្រោយ ។ ស្ថិតិវិភាគរបស់ Dow Jones បានបង្ហាញថា S&P 500 និង Nasdaq បានកើនឡើង 0.4% ដែលនេះជាសញ្ញាចាប់ផ្តើមកើនខ្ពស់ បើគិតត្រឹមថ្ងៃចុងក្រោយ នៃការជួញដូរ ។ ប្រាក់ចំណេញក្រុមហ៊ុនមួយចំនួន ត្រូវបានរកឃើញថា បានកើនភាគហ៊ុនពីបច្ចេកវិទ្យា ដូចជា ៖ Snap and Twitter ទាំងពីរមានការកើនឡើងនៃតម្លៃភាគហ៊ុន លើសពីការរំពឹងទុក ។ ចំណែកឯភាគហ៊ុនរបស់ ហ្វេសប៊ុក និង Alphabet ក៏បានកើនឡើង និងបានធ្វើការពង្រីកពាណិជ្ជកម្មរបស់ខ្លួនផងដែរ ។
ស្របគ្នានេះដែរសហរដ្ឋអាមេរិក បានទាមទារឱ្យដកទិន្នន័យចំនួនអ្នកគ្មានការងារធ្វើនៅក្នុងប្រទេស ដែលគិតត្រឹមថ្ងៃសៅរ៍ សហរដ្ឋអាមេរិក មានចំនួនប្រជាជនគ្មានការងាររហូតដល់ 419,000 នាក់ ដែលលើសពីការរំពឹងទុកថា មានត្រឹមតែ 350,000 នាក់ប៉ុណ្ណោះ ប៉ុន្តែអ្នកវិភាគបានឆ្លើយបដិសេធ និងបាននិយាយថា វាគ្រាន់តែជាការវិភាគតាមរដូវកាលតែប៉ុណ្ណោះ ។
ដោយឡែក នៅទូទាំងមហាសមុទ្រអាត្លង់ទិក ធនាគារកណ្តាលអ៊ឺរ៉ុប បាននិយាយកាលពីថ្ងៃព្រហស្បតិ៍ថា អត្រាការប្រាក់ត្រូវបានគេរំពឹងថា នឹងនៅតែស្ថិត ក្នុងកម្រិតបច្ចុប្បន្ន ឬទាបជាងនេះ ហើយថា វានឹងទ្រទ្រង់បានទៅលើអត្រាអតិផរណា លើសគោលដៅ 2% របស់ខ្លួន ។
ក្រោមហេតុផលនេះហើយ ធនាគារបានជួយដល់ភាគហ៊ុនអឺរ៉ុប កើនឡើងនិងអាចបន្តការគ្រប់គ្រង ។ ក្នុងខែកក្កដានេះ បារាំង អាល្លឺម៉ង់ និងតំបន់ចាយប្រាក់អឺរ៉ូ គួរតែផ្តល់ការយល់ដឹងអំពីសេដ្ឋកិច្ចមួយចំនួនដែលបានធ្លាក់ចុះ ជាពិសេសនៅដើមត្រីមាសទី ៣ នេះ ។ តាមរយៈទន្និន័យរបស់សន្ទស្សន៍អ្នកគ្រប់គ្រងការទិញ Purchasing Managers’ Index (PMI) នៅក្នុងតំបន់អ៊ឺរ៉ុប គិតត្រឹមខែមិថុនា បានឈានដល់កម្រិតខ្ពស់ ៥៩.៥ ភាគរយ ក្នុងរយៈពេល ១៥ ឆ្នាំចុងក្រោយ ខណៈដែលសហរដ្ឋអាមេរិកមាន ចំនួន ៦៣,៧ ភាគរយ ។ ក្នុងកំឡុងពេលមានវិបត្តិសេដ្ឋកិច្ចនេះ PMI បានរំពឹងថាមានកម្រិតទាបត្រឹមតែ ៤៥ ប៉ុណ្ណោះមានដែលជានិន្នាការតភ្ជាប់ នៅពាក់កណ្តាលទសវត្សទី ៥០ ។
ចំណែកឯភាគហ៊ុននៅក្នុងប្រទេសអាស៊ី ភាគច្រើនទាបជាង និងមានការព្រួយបារម្ភ នៃបទប្បញ្ញត្តិដ៏តឹងរ៉ឹង ។ និយតករនៅក្នុងប្រទេសចិន បាននិយាយថា គេកំពុងពិចារណាលើការដាក់ទណ្ឌកម្មយ៉ាងធ្ងន់ធ្ងរ ទៅលើក្រុមហ៊ុន Didi Global របស់ខ្លួន ក្រោមការស្នើរសុំរបស់សហរដ្ឋអាមេរិក និងបានបញ្ជូនទិន្នន័យភាគហ៊ុនទាបជាង ១១ ភាគរយ ទៅក្នុងបញ្ជីរបស់សហរដ្ឋអាមេរិក គិតត្រឹមថ្ងៃព្រហស្បតិ៍នេះ ។
លោក Jeffrey Halley អ្នកវិភាគទីផ្សារជាន់ខ្ពស់នៅ OANDA មានប្រសាសន៍ថា ៖ «ការបង្ក្រាបនៃព័ត៌មាន និងបច្ចេកវិទ្យាផ្សេងៗ ក្នុងស្រុករបស់ប្រទេសចិន គឺមិនចេះរីងស្ងួតនោះទេ ដែលនេះជាហេតុធ្វើឱ្យមានទម្ងន់ខ្លាំង ទៅលើទីផ្សារភាគហ៊ុនរបស់ប្រទេសចិន» ។
សូមជម្រាបជូនថា សៀងហៃ សមាសធាតុបានធ្លាក់ចុះ ០,៦% និង Hang Seng នៅហុងកុងធ្លាក់ចុះ ១,៥% ។ រីឯផ្សារនៅក្នុងប្រទេសជប៉ុនវិញ ត្រូវបានបិទ ព្រោះសម្រាកនៅរដូវវិស្សមកាលសាធារណៈ ៕ ប្រភព ៖ Markets Insider
ចែករំលែកព័តមាននេះ