៣ប្រទេសកំពុងប្រដេញមេដាយមាសខ្លាំង នៅព្រឹត្តិការណ៍អូឡាំពិកទីក្រុងតូក្យូ
ជប៉ុន ៖ គិតត្រឹមព្រឹកថ្ងៃទី២៦ ខែកក្កដា ឆ្នាំ ២០២១ ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ បានចាយមេដាយចំនួន១០៧
ជប៉ុន ៖ គិតត្រឹមព្រឹកថ្ងៃទី២៦ ខែកក្កដា ឆ្នាំ ២០២១ ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ បានចាយមេដាយចំនួន១០៧
ជប៉ុន ៖ គិតត្រឹមព្រឹកថ្ងៃទី២៦ ខែកក្កដា ឆ្នាំ ២០២១ ព្រឹត្តិការណ៍អូឡាំពិកទីក្រុងតូក្យូឆ្នាំ ២០២០ បានចាយមេដាយចំនួន១០៧ ដើម្បីបំពាក់ជូនអត្តពលិកមកពីប្រទេសចំនួន៤២។ ដោយក្នុងនោះ ប្រទេសចិន និងម្ចាស់ផ្ទះជប៉ុន រួមទាំងសហរដ្ឋអាមេរិក កំពុងប្រដេញចំនួនមេដាយមាសជាមួយគ្នា។
ចិននៅតែបន្តឈរនៅកំពូលតារាងបណ្តោះអាសន្ន ក្នុងនាមជាប្រទេសទទួលបានមេដាយច្រើនជាងគេសរុបចំនួន១៣មេដាយ។ ដោយនៅក្នុងនោះ មាស៦ ប្រាក់២ និងសំរិទ្ធ៥។ ម្ចាស់ផ្ទះជប៉ុនស្ថិតនៅចំណាត់ថ្នាក់លេខ២ ទទួលបានមេដាយចំនួន៦ មាស៥ និងប្រាក់១។ សហរដ្ឋអាមេរិកឈរនៅចំណាត់ថ្នាក់លេខ៣ ទទួលបានមេដាយចំនួន១១ មាស៤ ប្រាក់៣ និងសំរិទ្ធ៤។
ក្រឡេកមកមើលប្រទេសនៅក្នុងតំបន់អាស៊ាន មានតែ២ប្រទេសប៉ុណ្ណោះ ដែលរកបានមេដាយគិតត្រឹមថ្ងៃទី២៦ ខែកក្កដា នេះ។
ថៃ ជាប្រទេសដំបូងគេក្នុងតំបន់អាស៊ានទទួលមេដាយមាស គឺនៅប្រភេទកីឡាតេក្វាន់ដូផ្នែកនារីវិញ្ញាសាទម្ងន់ ៤៩គីឡូក្រាម។ រកបានដោយកីឡាការិនី Panipak Wongpattanakit កាលពីថ្ងៃទី២៤ ខែកក្កដា កន្លងទៅ។
ប្រទេសឥណ្ឌូណេស៊ី ទទួលបានមេដាយចំនួន២ ប្រាក់១ និងសំរិទ្ធ១។ មេដាយប្រាក់បានលើប្រភេទកីឡាលើកទម្ងន់វិញ្ញាសាបុរសទម្ងន់ ៦១គីឡូក្រាម រកបានដោយកីឡាករ Eko Yuli Irawan លើកបានទម្ងន់ ១៦៥គីឡូក្រាម។ ខណៈដែលមេដាយសំរិទ្ធបានលើប្រភេទកីឡាលើកទម្ងន់វិញ្ញាសានារីទម្ងន់ ៤៩គីឡូក្រាម រកបានដោយកីឡាករ Windy Cantika Aisah លើកបានទម្ងន់ ១១០គីឡូក្រាម៕ (ប្រភពពី Olympics)
ដើម្បីទស្សនាការប្រែប្រួលនៃចំនួនមេដាយទាំងអស់ សូមចុចត្រង់នេះ ៖ https://olympics.com/tokyo-2020/olympic-games/en/results/all-sports/medal-standings.htm
ចែករំលែកព័តមាននេះ