ឧប្បត្តិហេតុចៃដន្យ! សុខៗទូកុងតឺន័រជាច្រើនធ្លាក់សង្កត់លើគ្នានៅកំពង់ផែផ្អើល
- ព្រះសីហនុ
នៅក្នុងកំពង់ផែរអន្តរជាតិមួយកន្លែង ស្ថិតក្នុងក្រុងព្រះសីហនុ មានករណីទូកុងតឺន័រជាច្រើនទូបានធ្លាក់សង្កត់លើគ្នា ប៉ុន្តែ
ខេត្តព្រះសីហនុ ៖ បើតាមសេចក្តីរាយការណ៍បឋមបានឱ្យដឹងថា នៅក្នុងកំពង់ផែរអន្តរជាតិមួយកន្លែង ស្ថិតក្នុងក្រុងព្រះសីហនុ មានករណីទូកុងតឺន័រជាច្រើនទូបានធ្លាក់សង្កត់លើគ្នា ប៉ុន្តែពុំបណ្តាលអោយបុគ្គលិកណាម្នាក់រងរបួសនោះទេ ហេតុការណ៍នេះបង្កឱ្យមានការភ្ញាក់ផ្អើលកាលពីព្រឹកថ្ងៃទី២៥ ខែកក្កដា ឆ្នាំ២០២១នេះ ។
បើតាមលោក លូ គឹមឈន់ អគ្គនាយកកំពង់ផែរអន្តរជាតិ ក្រុងព្រះសីហនុ បានបញ្ជាក់អោយដឹងថា ចំពោះករណីហេតុការណ៍ធ្លាក់ទូកុងតឺន័រខាងលើនេះ ពិតជាមានមែន ប៉ុន្តែចំពោះមូលហេតុច្បាស់លាស់នៅពុំទាន់អាចសន្និដ្ឋានជាក់លាក់នៅឡើយទេ ។
លោកអគ្គនាយកកំពង់ផែរអន្តរជាតិ បានបន្តថា ប៉ុន្តែបើយោងតាមការសន្និដ្ឋានជាបឋមនោះ គឺអាចមកពីមូលហេតុចំនួន២ គឺទី១ មកពីអាកាសធាតុ ព្រោះនៅវេលាកើតហេតុខាងលើ ក្រុងព្រះសីហនុបានរងនូវឥទ្ធិពលភ្លៀង និងខ្យល់កន្ត្រាក់យ៉ាងខ្លាំង និងមួយទៀត អាចមកពីខុសលក្ខណៈបច្ចេកទេស នៅពេលដែលលើកដាក់ទូរកុងតឺន័រ ដោយអ្នកបញ្ជាស្ទួចដាក់កុងតឺន័រនៅដំណើរការ ខណៈពេលកំពុងតែមានព្យុះភ្លៀង ទើបធ្វើអោយអ្នកបញ្ជាមើលពុំឃើញច្បាស់ ហើយស្ទួចមកប៉ះទូកុងតឺន័រដូចគ្នាតែម្តង។
លោកបញ្ជាក់ថា ចំពោះករណីខាងលើនេះ ខាងជំនាញកំពុងធ្វើការស៊ើបអង្កេតលើករណីនេះហើយថា តើបណ្តាលមកពីមូលហេតុអ្វីអោយបានច្បាស់លាស់?
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព។
ចែករំលែកព័តមាននេះ